Harivamsha 3.39: ekonacatvāriṃśo'dhyāyaḥ

3.39.p1

hiraṇyākṣavadaḥ

3.39.1

bhagavatā varāheṇa hiraṇyākṣasya vadhaṃ vaiśampāyana uvāca |
niṣprayatne surapatau dharṣiteṣu sureṣu ca |
hiraṇyākṣavadhe buddhiṃ cakre cakragadādharaḥ ||

She was the wife of Prabhāsa, the eighth of the Vasus; / in her was born the exalted Viśvakarman, the Prajāpati,

3.39.2

vārāhaḥ parvato nāma yaḥ pūrvaṃ samudāhṛtaḥ |
sa eva bhūtvā bhagavānājagāmāsurāntakṛt ||

3.39.3

tataścandrapratīkāśamagṛhṇācchaṅkhamuttamam |
sahasrāraṃ ca taccakraṃ cakraparvatasannibham ||

3.39.4

mahādevo mahābuddhirmahāyogī maheśvaraḥ |
paṭhyate yo'maraiḥ sarvairguhyairnāmabhiravyayaḥ ||

3.39.5

sadasaccātmani śreṣṭhaḥ sadbhiryaḥ sevyate sadā |
ijyate yaḥ purāṇaśca triloke lokabhāvanaḥ ||

3.39.6

yo vaikuṇṭhaḥ surendrāṇāmananto bhogināmapi |
viṣṇuryo yogaviduṣāṃ yo yajño yajñakarmaṇām ||

3.39.7

makhe yasya prasādena bhuvanasthā divaukasaḥ |
ājyaṃ maharṣibhirdattamaśnuvanti tridhā hutam ||

3.39.8

yo gatirdevadaityānāṃ yaḥ surāṇāṃ parā gatiḥ |
yaḥ pavitraṃ pavitrāṇāṃ svayambhūravyayo vibhuḥ ||

3.39.9

yasya cakrapraviṣṭāni dānavānāṃ yuge yuge |
kulānyākulatāṃ yānti yāni dṛptāni vīryataḥ ||

3.39.3.39.10

tato daityadravakaraṃ paurāṇaṃ śaṅkhamuttamam |
dhaman vaktreṇa balavānākṣipad daityajīvitam ||

3.39.11

śrutvā śaṅkhasvanaṃ ghoramasurāṇāṃ bhayāvaham |
kṣubhitā dānavāḥ sarve diśo daśa vyalokayan ||

3.39.12

tataḥ saṃraktanayano hiraṇyākṣo mahāsuraḥ |
ko'yamityabravīd roṣānnārāyaṇamudaikṣata ||

3.39.13

vārāharūpiṇaṃ devaṃ saṃsthitaṃ puruṣottamam |
śaṅkhacakrodyatakaraṃ devānāmārtināśanam ||

3.39.14

rarāja śaṅkhacakrābhyāṃ tābhyāmasurasūdanaḥ |
sūryācandramasormadhye yathā nīlapayodharaḥ ||

3.39.15

tato'suragaṇāḥ sarve hiraṇyākṣapurogamāḥ |
udyatāyudhanistriṃśā dṛptā devamupādravan ||

3.39.16

pīḍyamāno'tibalibhirdaityaiḥ sarvāyudhodyataiḥ |
na cacāla hariryuddhe'kampyamāna ivācalaḥ ||

3.39.17

tataḥ prajvalitāṃ śaktiṃ vārāhorasi dānavaḥ |
hiraṇyākṣo mahātejāḥ pātayāmāsa vīryavān ||

3.39.18

tasyāḥ śaktyāḥ prabhāveṇa brahmā vismayamāgataḥ |
samīpamāgatāṃ dṛṣṭvā mahāśaktiṃ mahābalaḥ ||

3.39.19

huṅkāreṇaiva nirbhartsya pātayāmāsa bhūtale |
tasyāṃ pratihatāyāṃ tu brahmā sādhviti cābravīt ||

3.39.3.39.20

yaḥ prabhuḥ sarvabhūtānāṃ vārāhastena tāḍitaḥ |
tato bhagavatā cakramāvidhyādityasannibham ||

3.39.21

pātitaṃ dānavendrasya śirasyuttamakarmaṇā |
tataḥ sthitasyaiva śirastasya bhūmau papāta ha |
hiraṇmayaṃ vajrahataṃ meruśṛṅgamivottamam ||

3.39.22

hiraṇyākṣe hate daitye śeṣā ye tatra dānavāḥ |
sarve tasya bhayatrastā jagmurāśu diśo daśa ||

3.39.23

sa sarvalokāpraticakracakro mahāhaveṣvapratimogracakraḥ |
babhau varāho yudhi cakrapāṇiḥ kālo yugānteṣviva daṇḍapāṇiḥ ||

3.39.23.c1

iti śrīmahābhārate khilabhāge harivaṃśe bhaviṣyaparvaṇi vārāhe ekonacatvāriṃśo'dhyāyaḥ ||