Harivamsha 3.40: catvāriṃśo'dhyāyaḥ

3.40.p1

indradīnāṃ mocanaṃ teṣāmādhipatyalābhaśca

3.40.1

devebhiḥ svaprabhutvasya prāptiḥ, devarājasya indrasya sampūrṇa lokānāṃ ādhipatyopari pratiṣṭhā, sat-asat puruṣāṇāṃ yathocitagatyāya ādeśaṃ dattvā bhagavataḥ antardhānaṃ, devendreṇa parvatānāṃ pakṣāṇāṃ chedanaṃ vaiśampāyana uvāca |
vidrāvya tu raṇe sarvānasurān puruṣottamaḥ |
mumoca tatra baddhāṃstān purandaramukhān surān ||

the maker of thousands of crafts and the carpenter of the thirty gods, / the creator of all ornaments, the best of artisans,

3.40.2

tataḥ prakṛtimāpannāḥ sarve devagaṇāstathā |
purandaraṃ puraskṛtya nārāyaṇamupasthitāḥ ||

3.40.3

devā ūcuḥ |
tvatprasādena bhagavaṃstava bāhubalena ca |
jīvāmo'dya mahābāho niṣkrāntāścāntakānanāt ||

3.40.4

tvacchāsanāddhi bhagavankiṃ kurvantvaditeḥ sutāḥ |
icchāmaḥ pādaśuśrūṣāṃ tava kartuṃ sanātana ||

3.40.5

vaiśampāyana uvāca |
tacchrutvā vacanaṃ teṣāṃ puṇḍarīkanibhekṣaṇaḥ |
uvāca vacanaṃ devān mudāyukto hatadviṣaḥ ||

3.40.6

śrībhagavānuvāca |
yo yasya bhāvato loko mayaiva vihitaḥ purā |
pālyatāṃ sa tu yatnena niyogaśca kvacit kvacit ||

3.40.7

aiśvaryaṃ pratipannāḥ svaṃ kratubhāgapuraskṛtam |
mayaiva pūrvaṃ nirdiṣṭo niyogaḥ pratipālyatām ||

3.40.8

śakraṃ covāca bhagavān vacanaṃ dundubhisvanaḥ |
idaṃ yathāvat kartavyaṃ satsu cāsatsu ca tvayā ||

3.40.9

gacchantu tapasā svarge munayaḥ śaṃsitavratāḥ |
tava lokaṃ suraśreṣṭha sarvakāmadughaṃ sadā ||

3.40.3.40.10

yāyajūkāśca ye kecid brāhmaṇāḥ kṣatriyā viśaḥ |
teṣāṃ kāmadughā lokāḥ svargamādimanoharāḥ |
yajñairiṣṭvā yāyajūkāḥ phalaṃ te prāpnuvantu ca ||

3.40.11

bhāvaḥ saddharmaśīlānāmabhāvaḥ pāpakarmaṇām |
santaḥ svargajitaḥ santu sarvāśramanivāsinaḥ ||

3.40.12

satyaśūrā raṇe śūrā dānaśūrāśca ye narāḥ |
te narāḥ svargamaśnantu sadā ye cānasūyavaḥ ||

3.40.13

aśraddadhānāḥ puruṣāḥ kāmino'rthaparāḥ śaṭhāḥ |
abrahmaṇyā nāstikāśca narakaṃ yāntu mānavāḥ ||

3.40.14

etāvat kriyatāṃ vākyaṃ mayoktaṃ tridaśeśvarāḥ |
tato mayi sthite sarvān bādhiṣyante na cārayaḥ ||

3.40.15

ityuktvāntarhito devaḥ śaṅkhacakragadādharaḥ |
devatānāṃ ca sarveṣāmabhavad vismayo mahān ||

3.40.16

etadatyadbhutaṃ dṛṣṭvā vārāhacaritaṃ surāḥ |
namaskṛtya varāhāya nākapṛṣṭhamito gatāḥ ||

3.40.17

tataḥ svānyādhipatyāni pratipannāni daivataiḥ |
sarvalokādhipatye ca pratiṣṭhāṃ vāsavo gataḥ ||

3.40.18

vimuktā dānavagaṇaiḥ prakṛtiṃ dharaṇī gatā |
sthairyahetordharaṇyāstu jñātvā cāgaskṛtāngirīn ||

3.40.19

sveṣu sthāneṣu saṃsthāpya parvatānāṃ purandaraḥ |
ciccheda bhagavān pakṣān vajreṇa śataparvaṇā ||

3.40.3.40.20

sarveṣāmeva pakṣā vai chinnāḥ śakreṇa dhīmatā |
ekaḥ sapakṣo mainākaḥ suraistatsamayaḥ kṛtaḥ ||

3.40.21

eṣa nārāyaṇasyāyaṃ prādurbhāvo mahātmanaḥ |
vārāha iti viprendraiḥ purāṇe parikīrtitaḥ ||

3.40.22

kṛṣṇadvaipāyanamataṃ nānāśrutisamāhitam |
nāśucerna kṛtaghnāya na nṛśaṃsāya kīrtayet ||

3.40.23

na kṣudrāya na nīcāya na gurudveṣakāriṇe |
nāśiṣyāya tathā rājan na kṛtaghnāya caiva hi ||

3.40.24

āyuṣkāmairyaśaḥkāmairmahīkāmaiśca mānavaiḥ |
jayaiṣibhiśca śrotavyo devānāmeṣa vai jayaḥ ||

3.40.25

purāṇavedasambaddhaḥ śivaḥ svastyayano mahān |
pāvanaḥ sarvasattvānāṃ tatkālavijayapradaḥ ||

3.40.26

eṣa kauravya tattvena kathitastvanupūrvaśaḥ |
vārāhasya nṛpaśreṣṭha prādurbhāvo mahātmanaḥ ||

3.40.27

ye yajanti makhaiḥ puṇyairdaivatāni pitṝnapi |
ātmānamātmanā nityaṃ viṣṇumeva yajanti te ||

3.40.28

lokāyanāya tridaśāyanāya brahmāyanāyātmabhavāyanāya |
nārāyaṇāyātmahitāyanāya mahāvarāhāya namaskuruṣva ||

3.40.28.c1

iti śrīmahābhārate khilabhāge harivaṃśe bhaviṣyaparvaṇi vārāhaprādurbhāve catvāriṃśo'dhyāyaḥ ||