Harivamsha 3.48: missing aṣṭacatvāriṃśo'dhyāyaḥ

3.48.p1

vāmanaprādurbhāve balerabhiṣekaḥ

3.48.1

vāmanāvatārasyopakramaḥ, baleḥ abhiṣekaṃ, daityebhiḥ taṃ trailokyavijayasya anurodhaṃ ca vaiśampāyana uvāca |
nṛsiṃha eṣa kathito bhūyo'yaṃ vāmano'paraḥ |
yatra vāmanamāsthāya rūpaṃ rūpavidāṃ varaḥ ||

‘Come swiftly, gods, and enter into Aditi;
let us be born in the [next] manvantara, and that will be our highest good.’

3.48.2

balerbalavato yajñe balinā viṣṇunā purā |
vikramaistribhirākramya trailokyamakhilaṃ hṛtam ||

3.48.3

samudravasanā corvīṃ nānānagavibhūṣitā |
hṛtvā dattā surendrāya śakrāya prabhaviṣṇunā ||

3.48.4

jajamejaya uvāca |
atra me saṃśayo brahmannatra kautūhalaṃ mahat |
kathaṃ nārāyaṇo devo vāmanatvamupāgataḥ ||

3.48.5

yaḥ purāṇe purāṇātmā bhutvā nārāyaṇaḥ prabhuḥ |
padmanābho mahābāhurlokānāṃ prakṛtirdhruvaḥ ||

3.48.6

anādimadhyanidhanastrailokyādiḥ sanātanaḥ |
devadevaḥ surādhyakṣaḥ kṛṣṇo lokanamaskṛtaḥ ||

3.48.7

havyakavyavahaḥ śrīmānhavyakavyabhugavyayaḥ |
adityā devamātuśca kathaṃ garbhe'bhavat prabhuḥ |
sraṣṭā yo vāsavasyāpi sa kathaṃ vāsavānujaḥ ||

3.48.8

prasūto devadeveśo viṣṇutvaṃ prāptavānkatham |
etadācakṣva me vipra prādurbhāvaṃ mahātmanaḥ ||

3.48.9

vaiśampāyana uvāca |
śṛṇu rājankathaṃ divyāmarcitāmṛṣipuṅgavaiḥ |
purāṇaiḥ kavibhiḥ proktāṃ brahmoktāṃ brāhmaṇeritām ||

3.48.3.48.10

mārīcasya sureśasya kaśyapasya prajāpateḥ |
aditirditirdve bhārye bhaginyau janamejaya ||

3.48.11

adityāṃ jajñire devāḥ kaśyapasya mahātmanaḥ |
dhātāryamā ca mitraśca varuṇo'ṃśo bhagastathā ||

3.48.12

indro vivasvānpūṣā ca parjanyo daśamastathā |
tathaikādaśamastvaṣṭā dvādaśo viṣṇurucyate ||

3.48.13

dityāṃ jāto hi balavānhiraṇyakaśipuḥ prabhuḥ |
tasyānujasya daityendro hiraṇyākṣaḥ pratāpavān ||

3.48.14

hiraṇyakaśipoḥ putrāḥ pañca ghoraparākramāḥ |
prahrādaścānuhrādaśca jambhaḥ saṃhrāda eva ca ||

3.48.15

virocanaśca prāhlādistasya putro baliḥ smṛtaḥ |
putrapautraṃ ca balavatteṣāmakṣayamavyayam ||

3.48.16

tejasvināṃ surārīṇāṃ daityendrāṇāṃ manasvinām |
gaṇāḥ subahuśo rājandeśe deśe sahasraśaḥ ||

3.48.17

te dṛṣṭvā nārasiṃhena hiraṇyakaśipuṃ hatam |
daityā devavadhārthāya balimindraṃ pracakrire ||

3.48.18

dṛṣṭvā dharmaparaṃ nityaṃ satyavākyaṃ jitendriyam |
śauryādhyayanasaṃpannaṃ sarvajñānaviśāradam ||

3.48.19

parāvaragṛhītārthaṃ tattvadarśinamavyayam |
tejasvinaṃ suraripuṃ hiraṇyakaśipuṃ yathā ||

3.48.3.48.20

abhiṣekeṇa divyena baliṃ vairocaniṃ tathā |
daityādhipatye ditijāstadā sarve'bhyapūjayan ||

3.48.21

abhiṣiktastadā daityairbalirbalavatāṃ varaḥ |
brahmaṇā caiva tuṣṭena hiraṇyakaśipoḥ pade ||

3.48.22

abhiṣikto'suragaṇairbalirvairocanistadā |
kāñcanaiḥ kalaśaiḥ sphītaiḥ sarvatīrthāmbusaṃvṛtaiḥ ||

3.48.23

jayaśabdaṃ tataścakrurabhiṣiktasya dānavāḥ |
baleratulavīryasya siṃhāsanagatasya vai ||

3.48.24

kṛtvendraṃ dānavāḥ sarve baliṃ balavatāṃ varam |
tapo vijñāpayāmāsuḥ śirobhiḥ patitāḥ kṣitau ||

3.48.25

daityā ūcuḥ |
viditaṃ tava daityendra hiraṇyakaśipo yathā |
trailokyamāsīdakhilaṃ jagatsthāvarajaṅgamam ||

3.48.26

pitāmahaṃ tu hatvā te sureśvaraniṣūdana |
hṛtaṃ tadaiva trailokyaṃ śakraścaivābhiṣecitaḥ ||

3.48.27

tatpitāmaharājyaṃ tvaṃ pratyāhartumihārhasi |
asmābhiḥ sahito nātha trailokyamidamavyayam |
pratyānayasva bhadraṃ te rājyaṃ paitāmahaṃ prabho ||

3.48.28

asuragaṇasahasrasaṃvṛtastvaṃ jaya divi devaganānmahānubhāvān |
amitabalaparākramo'si rājannatiśayase svaguṇaiḥ pitāmahaṃ svaṃ ||

3.48.28.c1

iti śrīmahābhārate khilabhāge harivaṃśe bhaviṣyaparvaṇi vāmane balerabhiṣeke aṣṭacatvāriṃśo'dhyāyaḥ ||