Harivamsha 3.65: pañcaṣaṣṭitamo'dhyāyaḥ

3.65.p1

balirvijaye śriyaḥ svayamāgamanakathanam

3.65.1

vijayinaṃ balinaṃ prati rājalakṣmyādīnāṃ śumāgamanaṃ vaiśampāyana uvāca |
niṣprayatneṣu deveṣu trailokye daityapālite |
jaye balerbalavato mayaśambarayostathā ||

The sons of Danu were a hundred, of fierce prowess,
ascetics of great valor; understand them by their prominent ones:

3.65.2

sudhāsu dikṣu sarvāsu pravṛtte dharmakarmaṇi |
apāvṛtte dharmapathe ayanasthe divākare ||

3.65.3

prahrādaśambaramayairanuhrādena caiva hi |
dikṣu sarvāsu guptāsu gagane daityapālite ||

3.65.4

daityeṣu makhaśobhāśca svargārthaṃ darśayatsu ca |
prakṛtisthe tadā loke vartamāne ca satpathe ||

3.65.5

abhāve sarvapāpānāṃ bhāve caiva tathā sthite |
bhāve tapasi siddhānāṃ sarvatrāśramarakṣiṣu ||

3.65.6

catuṣpāde sthite dharme adharme pādavigrahe |
prajāpālanayukteṣu bhrājamāneṣu rājasu ||

3.65.7

svadharmasamprayukteṣu sarvāśramanivāsiṣu |
abhiṣikto'suraiḥ sarvairdaityarājo balistadā ||

3.65.8

hṛṣṭeṣvasurasaṅgheṣu nadatsu muditeṣu ca |
athābhyupagatā lakṣmīrbaliṃ padmāsane sthitā ||

3.65.9

padmodyatakarā devī varadā suramohinī |
śrīruvāca |
bale balavatāṃ śreṣṭha mahārāja mahādyute ||

3.65.3.65.10

prītāsmi tava bhadraṃ te devatānāṃ parājaye |
yastvayā yudhi vikramya devarājaḥ parājitaḥ ||

3.65.11

dṛṣṭvā te paramaṃ sattvaṃ tato'haṃ svayamāgatā |
nāścaryaṃ dānavaśreṣṭha hiraṇyakaśipoḥ kule ||

3.65.12

prasūtasyāsurendrasya tava karmedamīdṛśam |
viśeṣitastvayā rājan daityendraḥ prapitāmahaḥ ||

3.65.13

yena bhuktaṃ hi nikhilaṃ trailokyamidamavyayam |
viśeṣatastava vibho sarve dharmapathe sthitāḥ ||

3.65.14

tena trailokyamukhyena bhokṣyasyamitavikrama |
evamuktvā hi sā devī lakṣmīrdaityapatiṃ balim ||

3.65.15

praviṣṭā varadā saumyā sarvabhūtamanoramā |
śiṣṭāśca devyaḥ pravarā hrīḥ kīrtirdyutireva ca ||

3.65.16

prabhā dhṛtiḥ kṣamā bhūtirnītirvidyādayā smṛtiḥ |
kṛtirlajjā tathā medhā lakṣmīrīhā gatistathā ||

3.65.17

śrutiḥ prītirilā kīrtiḥ śāntiḥ puṣṭiḥ kriyāstathā |
sarvāścāpsaraso divyā nṛtyagītaviśāradāḥ ||

3.65.18

patiṃ prāptāḥ sudaiteyaṃ trailokye sacarācare |
prāptamaiśvaryamamitaṃ balinā brahmavādinā ||

3.65.18.c1

iti śrīmahābhārate khilabhāge harivaṃśe bhaviṇyaparvaṇi vāmanaprādurbhāve pañcaṣaṣṭitamo'dhyāyaḥ ||