Harivamsha 3.69: ekonasaptatitamo'dhyāyaḥ

3.69.p1

kaśyapādīnprati mahāviṣṇorvarapradānakathāvatāraḥ

3.69.1

kaśyapāya aditaye devebhyaśca bhagavataḥ viṣṇoḥ varadānaṃ, aditeḥ garbhāt prākaṭyaṃ vaiśampāyana uvāca |
nārāyaṇastu bhagavāñchrutvaitat paramaṃ stavam |
brahmajñena dvijendreṇa kaśyapena samīritam ||

Vaiśvānara, Puloman, Vidrāvaṇa, Mahāśiras,
Svarbhānu, Vṛṣaparvan, and heroic Vipracitti,

3.69.2

snigdhagambhīranirghoṣajīmūtasvananiḥsvanam |
manasā prītiyuktena vibudhānāṃ mahātmanām ||

3.69.3

uvāca vacanaṃ samyag hṛṣṭapuṣṭapadākṣaram |
ākāśācchuśruve śabdo darśanaṃ nopalabhyate |
śrīmān prītamanā devaḥ provāca prabhurīśvaraḥ ||

3.69.4

viṣṇuruvāca |
prīto'smi vaḥ suraśreṣṭhāḥ sarve matto viniścayam |
varaṃ vṛṇuta bhadraṃ vo varado'smi surottamāḥ ||

3.69.5

kaśyapa uvāca |
yadaiva bhagavān prītaḥ sarveṣāmamarottamaḥ |
tadaiva kṛtakṛtyāḥ sma tvaṃ hi naḥ paramā gatiḥ ||

3.69.6

yadi prasanno bhagavān dātavyo vā varo yadi |
vāsavasyānujo bhrātā jñātīnāṃ nandivardhanaḥ |
adityāṃ vāmanaḥ śrīmān bhagavānastu vai sutaḥ ||

3.69.7

vaiśampāyana uvāca |
aditirdevamātā ca etamevārthamuttamam |
putrārthe varadaṃ prāha bhagavantaṃ varārthinī ||

3.69.8

aditiruvāca |
yāce tvāṃ putrakāmā vai bhavān putro bhavatviti |
niḥśreyasāya sarveṣāṃ devānāṃ hi mahātmanām ||

3.69.9

devā ūcuḥ |
bhrātā bhartā ca dātā ca śaraṇaṃ ca bhavasva naḥ |
adityāḥ putratāṃ yāte tvayi devāḥ savāsavāḥ |
devaśabdaṃ vahiṣyanti kaśyapasyātmajo bhava ||

3.69.3.69.10

vaiśampāyana uvāca |
tatastānabravīd viṣṇurdevān kaśyapameva ca |
evaṃ bhavatu bhadraṃ vo yatheṣṭaṃ kāmamāpnuta ||

3.69.11

sarveṣāmeva yuṣmākaṃ ye bhaviṣyanti śatravaḥ |
muhūrtamapi te sarve na sthāsyanti mamāgrataḥ ||

3.69.12

hatvāsuragaṇān sarvān ye cānye devaśatravaḥ |
kariṣye devatāḥ sarvā yajñabhāgāgrabhojinaḥ ||

3.69.13

havyādāṃśca surān sarvān kavyādāṃśca pitṝnapi |
kariṣye vibudhaśreṣṭhāḥ pārameṣṭhyena karmaṇā ||

3.69.14

yathāgatena mārgeṇa nivartadhvaṃ surottamāḥ |
devamātustathādityāḥ kaśyapasyāmitātmanaḥ |
yathāmanīṣitaṃ kartā gacchadhvaṃ svaṃ svamālayam ||

3.69.15

vaiśampāyana uvāca |
evamukte tu vacane viṣṇunā prabhaviṣṇunā |
devāḥ prahṛṣṭamanasaḥ pūjayanti sma sarvaśaḥ ||

3.69.16

viśvedevā mahātmānaḥ kaśyapo'ditireva ca |
sādhyā marudgaṇāścaiva śakraścaiva mahābalaḥ ||

3.69.17

namaskṛtya sureśāya tasmai devāya raṃhase |
prayātāḥ prāgdiśaṃ divyaṃ vipulaṃ kaśyapāśramam ||

3.69.18

gatvā te āśramaṃ tatra brahmarṣigaṇasevitam |
ceruḥ svādhyāyaniyatā adityā garbhamīpsavaḥ ||

3.69.19

aditirdevamātā ca garbhe dadhre'titejasam |
bhūtātmānaṃ mahātmānaṃ divyaṃ varṣasahasrakam ||

3.69.3.69.20

pūrṇe varṣasahasre tu prasūtā garbhamuttamam |
surāṇāṃ śaraṇaṃ devamasurāṇāṃ vināśanam ||

3.69.21

garbhasthena tu devena paritrātāḥ surāstadā |
ādadānena tejāṃsi trailokyasya mahātmanā ||

3.69.22

tasmiñjāte tu deveśe trailokyasya sukhāvahe |
bhayade daityasaṅghānāṃ surāṇāṃ nandivardhane ||

3.69.22.c1

iti śrīmahābhārate khilabhāge harivaṃśe bhaviṣyaparvaṇi vāmanaprādurbhāve ekonasaptatitamo'dhyāyaḥ ||