Harivamsha 3.74: catuḥsaptatitamo'dhyāyaḥ

3.74.p1

śrīkṛṣṇasya kailāsagamanavicāraḥ

3.74.1

bhagavataḥ śrīkṛṣṇena yādavasabhāyāṃ kailāsayātrāyāḥ svavicāraṃ prakaṭayitvā nagarasya rakṣārthaṃ yādavebhyaḥ sāvadhānaṃ bhavituṃ ādeśaṃ vaiśampāyana uvāca |
prabhātāyāṃ tu śarvaryāṃ gantumaicchajjanārdanaḥ |
hutāgniḥ kṛtakalyāṇaḥ samāptavaradakṣiṇaḥ ||

Those Paulomas and Kālakeyas, dānavas of great might / dwelling in Hiraṇyapura, were invulnerable to the gods; / yet by the grace of the Grandfather, they were slain by Savyasācin.

3.74.2

gāśca dattvātha viprebhyo namaskṛtya dvijottamān |
āsthānamaṇḍapaṃ kṛṣṇaḥ praviveśa jagatpatiḥ ||

3.74.3

āsanaṃ mahadāsthāya vṛṣṇīnāhūya sarvaśaḥ |
balabhadraṃ śineḥ pautraṃ hārdikyaṃ śukasāraṇau ||

3.74.4

ugrasenaṃ mahābuddhimuddhavaṃ nītimattaram |
yasya buddhiṃ samāśritya jīvante yādavāḥ sukham ||

3.74.5

netā ca yaduvṛṣṇīnāṃ sa tu dharmaparaḥ sadā |
yasya bibhyati devāśca nītestasya mahātmanaḥ ||

3.74.6

yasya buddhibalād viṣṇuḥ śaśāsa pṛthivīṃ sadā |
taṃ ca vṛṣṇivaraṃ vīramuddhavaṃ devasuprabham ||

3.74.7

anyānapi yadūn sarvānuvāca bhagavān hariḥ |
śṛṇvantu mama vākyāni yādavāḥ sarva eva hi |
śṛṇu cāpi vaco mahyaṃ pituruddhava me sakhe ||

3.74.8

bālyātprabhṛti yo yatno mama duṣṭanibarhaṇe |
pratyakṣaṃ bhavatā dṛṣṭaṃ pūtanānidhanaṃ nṛpa ||

3.74.9

keśī ca nihato bālye mayā bālena yādavāḥ |
govardhano dhṛtaḥ śailo gāvaśca paripālitāḥ ||

3.74.3.74.10

abhiṣikto'smi śakreṇa devānāmagrataḥ sthitaḥ |
kaṃso'pi nidhanaṃ nīto mayā cāṇūramuṣṭikau ||

3.74.11

ugraseno'bhiṣiktaśca kṛtā dvāravatī mayā |
anye cāpi nṛpā rājan balino nihatā mayā ||

3.74.12

yo'pi vīro jarāsandho nigṛhīto balānmayā |
bhīmena balinā rājannayane mama yādavāḥ ||

3.74.13

śṛgālo nihataḥ saṅkhye gomantād gacchatā mayā |
yo'pi vīro durātmāsau dānavo narako hataḥ ||

3.74.14

niṣkaṇṭakamimaṃ lokaṃ kṛtavān rājasattamāḥ |
kiṃ tu vīro nṛpo jajñe sakhā bhaumasya yādavāḥ ||

3.74.15

pauṇḍro vīryavatāṃ netā dveṣṭā cāsau sadā mama |
śiṣyo droṇasya rājendro balī brahmāstravitkṛtī ||

3.74.16

śāstrajño nītimānsākṣānnetā sarvasya yatnavān |
yoddhā yuddhapriyo rājā jāmadagnya ivāparaḥ ||

3.74.17

ekāntaśatrurasmākaṃ chidrānveṣī sadā mama |
bādhiṣyate purīṃ yoddhācchidraṃ yadi labheta saḥ ||

3.74.18

na hyalpasādhyo balavān puṇḍrasyeśo nṛpottamāḥ |
yattā bhavantastiṣṭhantu pragṛhītaśarāsanāḥ ||

3.74.19

yathā na bādhate rājā purīṃ yadukulāśrayām |
ahaṃ tu yāsye kailāsaṃ kutaścitkāraṇānnṛpāḥ ||

3.74.3.74.20

śaṅkaraṃ draṣṭukāmo'smi bhūtabhāvanabhāvanam |
yāvadāgamanaṃ mahyaṃ tāvad yattā bhavantviha ||

3.74.21

mayā virahitāṃ cemāṃ yadi jānāti puṇḍrakaḥ |
āgamiṣyati rājendro yotsyate ca purīmimām ||

3.74.22

imāṃ niryādavīṃ kartuṃ śaknotīti ca me matiḥ |
yattā bhavata rājendrāḥ khaḍgaiḥ pāśaiḥ paraśvadhaiḥ ||

3.74.23

pāṣāṇaiḥ karṣaṇīyaiśca sannaddhā bhavata svakaiḥ |
pidhāya ca kapāṭāni mahādvārāṇi yatnataḥ ||

3.74.24

eka eva mahādvāro gamanāgamane sadā |
mudrayā saha gacchantu rājño ye gantumīpsavaḥ ||

3.74.25

na cāmudraḥ praveṣṭavyo dvārapālasya paśyataḥ |
yāvadāgamanaṃ mahyaṃ tāvadevaṃ bhaviṣyati ||

3.74.26

mṛgayā nātra kartavyā na ca krīḍā bahiḥ purāt |
jñātavyāśca pare sve ca gamanāgamane sadā ||

3.74.27

evamādikriyā kāryā yāvadāgamanaṃ mama |
ityuktvā yādavānsarvānsātyakiṃ punarāha ca ||

3.74.27.c1

iti śrīmahābhārate khilabhāge harivaṃśe bhaviṣyaparvaṇi kailāsayātrāyāṃ catuḥsaptatitamo'dhyāyaḥ ||