Harivamsha 3.75: pañcasaptatitamo'dhyāyaḥ

3.75.p1

dvāravatīrakṣane yādavān prati śrīkṛṣṇasya vacanam

3.75.1

bhagavataḥ śrīkṛṣṇasya sātyakinā uddhavena sārdhaṃ ca nagarasya rakṣāviṣayakaṃ vārtālāpaṃ, balarāmādibhyaḥ yādavebhyaḥ rakṣaṇasya bhāraṃ samarpayitvā kailāsayātrāyāṃ prati udyogaṃ śrībhagavānuvāca |
sātyake śṛṇu madvākyaṃ yatto bhava yudhāṃ vara |
tvaṃ tu khaḍgī gadī bhūtvā cāpapāṇistanutravān ||

Then other very fierce dānavas of great valour / were born of Siṃhikā as sons of Vipracitti.

3.75.2

tiṣṭha yatnena rakṣasva purīṃ bahunṛpāśrayām |
na ca nidrā tvayā kāryā rātrau yaduvṛṣa prabho ||

3.75.3

na ca vyākhyā tvayā kāryā śāstrāṇāṃ śāstratatpara |
na ca vādastvayā kāryo vādibhiḥ saha vṛṣṇipa ||

3.75.4

tvaṃ hi yoddhā balī jñātā dhanurvedākhyavedavit |
tathā kuru yathā vīra nopahāsyā bhavediyam ||

3.75.5

sātyakiruvāca |
kariṣyāmi vacastubhyaṃ yathāśakti janārdana |
ājñā tava jagannātha dhāryā yatnena me sadā ||

3.75.6

bhṛtyavat pracariṣyāmi kāmapālasya mādhava |
yāvadāgamanaṃ tubhyaṃ tāvatsthāsyāmi yatnataḥ ||

3.75.7

prasādastava govinda yadi syānmayi mādhava |
kiṃ nāma me ca duḥsādhyaṃ śatrūṇāṃ nigrahe raṇe ||

3.75.8

yadi śakraṃ yamaṃ vāpi kuberamapi pāśinam |
sarvānetānvijeṣyāmi kimu pauṇḍraṃ nṛpottamam ||

3.75.9

gaccha kārya kuruṣvedaṃ yatto'haṃ satataṃ hare |
uddhavaṃ punarāhedaṃ kṛṣṇaḥ padmanibhekṣaṇaḥ ||

3.75.3.75.10

śṛṇūddhava tvaṃ vākyaṃ me kuryāstvetatprayatnavān |
rakṣyā nayena rājendra purī dvāravatī tvayā ||

3.75.11

yatto bhava sadā tāta kuru sāhayyamatra naḥ |
lajjā mama samutpannā vadatastava sāmpratam ||

3.75.12

tvaṃ hi netā samastasya vidyāpārasya sarvataḥ |
ko nu śakṣyati medhāvī vaktuṃ vidyāvataḥ puraḥ ||

3.75.13

yat kāryaṃ tadbhavān vetti hyakāryaṃ vāpi sarvataḥ |
ato'haṃ virame tāta vaktuṃ samprati vṛṣṇipa ||

3.75.14

uddhava uvāca |
kimidaṃ tava govinda vartate māṃ prati prabho |
aho prasannatā mahyaṃ kintu prītiriyaṃ tava ||

3.75.15

jānāmyahaṃ jagannātha prasādasyaiṣa vistaraḥ |
yasya prasanno bhavati tasya kiṃ nāsti keśava ||

3.75.16

tvaṃ hi sarvasya jagataḥ kartā hartā pradhānataḥ |
prabhavaḥ sarvakāryāṇāṃ vaktā śrotā pramāṇavit ||

3.75.17

dhyātā dhyānamayo dhyeya iti brahmavido viduḥ |
jetā devaripūṇāṃ ca goptā nākasadāṃ bhavān ||

3.75.18

tvannāthā vayameveti jīvāmo nihatadviṣaḥ |
iyaṃ nītirahaṃ manye netā nīteryato bhavān ||

3.75.19

ko nu nāma nayo veda tvāṃ vinā sāmprataṃ vada |
nītistvaṃ sarvakāryāṇāmiti me niścitā matiḥ ||

3.75.3.75.20

durgāḍho nayamārgo'yamityāhustadvido janāḥ |
caturdhā procyate nītiḥ sāmadāne janārdana ||

3.75.21

daṇḍo bhedo manuṣyāṇāṃ nigrāhāvagrahe sadā |
daṇḍyeṣu daṇḍamicchanti samānyaṃ tu naye hare ||

3.75.22

balavatsvatha dānaṃ tu trayāṇāmapyagocare |
prayoktavyo mahābheda iti nītimatāṃ matam ||

3.75.23

teṣu teṣvatha sarveṣu pramāṇaṃ tvāṃ vidurbudhāḥ |
kimatra bahunoktena sarvaṃ tvayi samarpitam ||

3.75.24

vaiśampāyana uvāca |
ityuktvā virarāmaiva uddhavo nītimattaraḥ |
tataḥ sa bhagavān viṣṇurevameva nṛpottama ||

3.75.25

kāmapālaṃ mahābāhumuvāca yadusaṃsadi |
ugrasenaṃ nṛpaṃ rājaṃstathā hārdikyameva ca ||

3.75.26

kāmapālaṃ punarviṣṇuridaṃ provāca tattvavit |
na pramādastvayā kāryaḥ sarvadā yatnavān bhava ||

3.75.27

sthite tvayi mahābāho kā pīḍā jagato bhavet |
gadī bhava sadā tvārya na krīḍā sarvadā bhavet ||

3.75.28

rakṣa tvaṃ sarvadā yatnāt purīṃ dvāravatīṃ prabho |
nopahāsyā yathā syāma tathā kuru gadī bhava ||

3.75.29

utsāhaḥ sarvadā kāryo nirutsāho na yatnataḥ |
bāḍhamityabravīd rāmaḥ kṛṣṇaṃ vṛṣṇikulodbhavam ||

3.75.3.75.30

vṛṣṇayaḥ sarva evaite svaṃ svaṃ sadma samāyayuḥ |
gantumaicchajjagannāthaḥ kailāsaṃ parvatottamam ||

3.75.3.75.30.c1

iti śrīmahābhārate khilabhāge harivaṃśe bhaviṣyaparvaṇi kailāsayātrāyāṃ pañcasaptatitamo'dhyāyaḥ ||