Harivamsha 3.78: aṣṭasaptatitamo'dhyāyaḥ

3.78.p1

śrīkṛṣṇasya samādhiḥ kolāhalaśca

3.78.1

bhagavataḥ śrīkṛṣṇasya samādhiḥ, mahān kolāhalaṃ, tasya pārśve dhāvadbhyāṃ mṛgādīnāṃ āgamanaṃ vaiśampāyana uvāca |
tataḥ sa bhagavān viṣṇurdurvijñeyagatiḥ prabhuḥ |
yatra pūrvama tapastaptamātmanā yādaveśvaraḥ ||

Ājjika, Naraka, and Kālanābha; / the eldest of them was Rāhu, the crusher of the moon and sun; / and Śara, Potaraṇa, and the powerful Vajranābha; / Mūka and Tuhuṇḍa were the two sons of Hrada; / Mārīca, the son of Sunda, was born of Tāḍakā; / and Svarbhānu, a great asura of mighty valor who fought with his mouth; / and Saramāṇa, and the powerful Śarakalpa.

3.78.2

gaṅgāyāścottare tīre deśaṃ draṣṭumupāgataḥ |
svayameva hariḥ sākṣāt praviveśa tapovanam ||

3.78.3

praviśya suciraṃ deśaṃ dadarśa ca manoramam |
niṣasāda tatastasminnāśrame puṇyavardhanaḥ ||

3.78.4

samādhau yojayāmāsa manaḥ padmanibhekṣaṇaḥ |
kimapyeṣa jagannātho dhyātvā deveśvaraḥ sthitaḥ ||

3.78.5

sthite devagurau tatra samādhau dīpavaddharau |
tatra śabda mahāgheraḥ prādurāsīt samantataḥ ||

3.78.6

khāda khādata modeta yāta yāta mṛgānimān |
preṣayeha punaḥ sarvān prasādācchārṅgadhanvanaḥ ||

3.78.7

eṣa viṣṇurayaṃ kṛṣṇo harirīśa ito'cyutaḥ |
namo'stu viṣṇo deveśa svāminmādhava keśava ||

3.78.8

ityādiśabdaḥ sumahānāvirāsīt tadā niśi |
tataśca sumahānādaḥ siṃhānāṃ mṛgavidviṣām ||

3.78.9

dhāvatāṃ ca śunāṃ rājan mṛgānanu vinardatām |
mṛgāṇāṃ bhītiyuktānāmṛkṣāṇāṃ dvīpināṃ tathā ||

3.78.3.78.10

gajānāṃ nadatāṃ rājan bṛṃhitaṃ ca tatastataḥ |
mahāvātasamuddhūtakṣubhitasyeva vāridheḥ ||

3.78.11

nādastrailokyavitrāsaḥ prādurāsīttadā niśi |
śrutvā śabdaṃ harirdevastādṛśaṃ tatra dhiṣṭhitaḥ ||

3.78.12

samādhikṣobhamāsādya viśvasya ca jagatpatiḥ |
tataḥ sañcintayāmāsa ko'yameṣa mahāsvanaḥ ||

3.78.13

kasyāyamīdṛśaḥ śabdaḥ stutiyukto mama tviti |
aho'sminmṛgayāśabdaḥ śunāṃ sañcaratāṃ vane ||

3.78.14

mṛgāṇāmatha sarveṣāṃ nādaśca sumahānayam |
vyāmiśrastutiyuktābhirvāgbhirmama samantataḥ ||

3.78.15

iti sañcintya manasā diśo viprekṣya sarvataḥ |
tata āste haristatra jñātuṃ tasya samudbhavam ||

3.78.16

tato mṛgāḥ samādhāvan yatra tiṣṭhati keśavaḥ |
tāṃścaivānucaro rājan śvagaṇaḥ samapadyata ||

3.78.17

atha vai dīpikā rājañchataśo'tha sahasraśaḥ |
tatastamo'pi vyanaśad diveva samapadyata ||

3.78.18

tato nu bhūtasaṅghāśca samadṛśyanta tatra ha |
piśācāśca mahāghorā nadanto bahu visvanam ||

3.78.19

bhakṣayanto'tha piśitaṃ pibanto rudhiraṃ bahu |
prādurāsanmahāghorāḥ piśācā vikṛtānanāḥ ||

3.78.3.78.20

hanyamānā hatā rājan patantaḥ patitā mṛgāḥ |
itaścetaśca dhāvanto bāṇairviddhā mṛgā dvipāḥ ||

3.78.21

tato mṛgasahasrāṇi samudīrṇāni bhārata |
yatrāsau tiṣṭhate devastatra yātā nirantaram ||

3.78.22

antarīkṛtya deveśaṃ sthitānītyanuśuśruma |
piśācyo vikṛtākārāḥ karālā romaharṣaṇāḥ ||

3.78.23

putravatyaḥ samāpeturyatra tiṣṭhati keśavaḥ |
śvagaṇastatra rājendra caratyevaṃ tatastataḥ ||

3.78.24

tataḥ sa bhagavān viṣṇuḥ sarvamālokya veṣṭitaḥ |
vismayaṃ paramaṃ gatvā paśyannāste sma keśavaḥ ||

3.78.25

kasyaiṣa vistṛto nādaḥ kasya vāyaṃ jano'patat |
ko nu māṃ stauti bhaktyā vai bhaviṣye prītimānaham ||

3.78.26

kasya muktiḥ samāyātā prīte mayi sudurlabhā |
iti sañcintya bhagavānāste prākṛtavaddhariḥ ||

3.78.26.c1

iti śrīmahābhārate khilabhāge harivaṃśe bhaviṣyaparvaṇi kailāsayātrāyāṃ aṣṭasaptatitamo'dhyāyaḥ ||