Harivamsha 3.84: caturaśītitamo'dhyāyaḥ

3.84.p1

śrīkṛṣṇatapovarṇanam

3.84.1

śrīkṛṣṇasya kailāsaṃ prāpayitvā tatra dvādaśavarṣebhyaḥ kaṭhoratapaścaraṇaṃ vaiśampāyana uvāca |
tataḥ sa bhagavānviṣṇurmunibhyastattvamāditaḥ |
kathayāmāsa yad vṛttaṃ piśācasya mahātmanaḥ ||

The two sons of Vinatā were Aruṇa and Garuḍa, / Suparṇa, the best among fliers, fierce by his own deeds.

3.84.2

tacchrutvā munayaḥ sarve vismayaṃ paramaṃ gatāḥ |
aho'sya karmaṇaḥ pākastava sandarśanāttata ||

3.84.3

arcito munibhiḥ sarvaiḥ prītaḥ prītimatāṃ priyaḥ |
tataḥ prabhāte vimale sūrye cābhyudite sati ||

3.84.4

āruhya garuḍaṃ viṣṇuryayau kailāsamuttamam |
bhavadbhistatra gantavyamityuktvā munisattamān ||

3.84.5

yatra viśveśvarāḥ siddhāstapasyanti yatavratāḥ |
yatra vaiśravaṇaḥ sākṣādupāste śaṅkaraṃ sadā ||

3.84.6

yaśca tanmānasaṃ nāma saro haṃsālayaṃ mahat |
yatra bhṛṅgīriṭirdevamupāste śaṅkaraṃ śivam ||

3.84.7

gāṇapatyamavāpyātha harapārśvacaraḥ sadā |
yatra siṃhā varāhāśca dvipadvīpimṛgaiḥ saha ||

3.84.8

krīḍanti vanyaratayaḥ parasparahite ratāḥ |
yatra nadyaḥ samutpannā gaṅgādyāḥ sāgaraṅgamāḥ ||

3.84.9

yatra viśveśvaraḥ śambhuracchinad brahmaṇaḥ śiraḥ |
yatrotpannā mahāvetrā bhūtānāṃ daṇḍatāṃ yayuḥ ||

3.84.3.84.10

umayā yatra sahitaḥ śaṅkaro nīlalohitaḥ |
ṛṣibhiḥ prārthitaḥ pūrvaṃ dadau yatra giriḥ sutām ||

3.84.11

śaṅkarāya jagaddhātre śivāya jagatīpate |
yatra lebhe hariścakramupāsya bahubhirdinaiḥ ||

3.84.12

puṣkaraiḥ śatapatraiśca netreṇa ca jagatpatim |
guhāṃ yatra samāśritya krīḍante siddhakinnarāḥ ||

3.84.13

priyābhiḥ saha modante pibante madhu cottamam |
yamuddhṛtya bhujaiḥ sarvaiḥ paulastyo virarāma ha ||

3.84.14

tamāruhya mahāśailaṃ devakīnandano hariḥ |
mānasasyottaraṃ tīraṃ jagāma yadunandanaḥ ||

3.84.15

tapaścartuṃ kila harirviṣṇuḥ sarveśvaraḥ śivaḥ |
jaṭī cīrī jagannātho mānuṣaṃ vapurāsthitaḥ ||

3.84.16

tapase dhṛtacittastu śucau bhūmāvupāviśat |
avaruhya tato yānād garuḍādvedasammitāt ||

3.84.17

dvādaśābdaṃ tapaścartuṃ mano dadhre tato hariḥ |
phālgunena tu māsena samārebhe jagatpatiḥ ||

3.84.18

śākabhakṣaḥ kṛtajapo vedādhyayanatatparaḥ |
kimuddiśya jagantāthastapaścarati mānavaḥ ||

3.84.19

taṃ na vidmo yathākāmaṃ durjñeyeśvaracintanā |
tapasyati tadā viṣṇau parvate bhūtasevite ||

3.84.3.84.20

garuḍaḥ kaśyapasuta indhanāni samācinot |
homārthaṃ vāsudevasya caratastapa uttamam ||

3.84.21

cakrarājo'tha puṣpāṇi sañcinoti tadā hareḥ |
dikṣu sarvāsu sarvatra rarakṣa jalajastadā ||

3.84.22

khaḍga āhṛtya yatnena kuśān subahuśastadā |
gadā kaumodakī caiva paricaryā cakāra ha ||

3.84.23

dhanuḥpravaramatyugraṃ śārṅga dānavabhīṣaṇam |
sthitaṃ hi puratastasya yatheṣṭaṃ bhṛtyavat svayam ||

3.84.24

juhoti bhagavān viṣṇuredhobhirbahubhiḥ sadā |
ājyādibhistadā havyairagniṃ sampūjya mādhavaḥ ||

3.84.25

saptārciṣaḥ samāptiṃ ca samastavyastataḥ kṛtī |
ekasminnekadā māse bhuñjāno niyatātmavān ||

3.84.26

dvitīye tvatha paryāye bhuñjannekena keśavaḥ |
ekasmin vatsare bhuñjaṃstathaivaikena kenacit ||

3.84.27

samāpya tat tapaḥ sarvamevameva jagatpatiḥ |
dvādaśābde tathā pūrṇe ūnamāse jagatpatiḥ ||

3.84.28

juhvannagniṃ samāsthāya paṭhan mantraṃ janārdanaḥ |
āraṇyakaṃ paṭhan viṣṇuḥ sākṣāt sarveśvaro hariḥ |
āste dhyānaparastatra paṭhan praṇavamuttamam ||

3.84.28.c1

iti śrīmahābhārate khilabhāge harivaṃśe bhaviṣyaparvaṇi kailāsayātrāyāṃ kṛṣṇatapovarṇane caturaśītitamo'dhyāyaḥ ||