Harivamsha 3.86: ṣaḍaśītitamo'dhyāyaḥ

3.86.p1

śrīkṛṣṇasamīpe śivāgamanam

3.86.1

piśācaiḥ, munibhiḥ apsarobhiśca sākaṃ umāsahitasya bhagavataḥ śaṅkarasya śrīkṛṣṇasya samīpe gamanaṃ vaiśampāyana uvāca |
tasyāgre samapadyanta bhūtasaṅghāḥ sahasraśaḥ |
ghaṇṭākarṇo virūpākṣaḥ kuṇḍadhāra kumudvahaḥ ||

The sons of Kadrū, however, were a thousand powerful nāgas of immeasurable splendor, / subject to Suparṇa, born with many heads.

3.86.2

dīrgharomā dīrghabhujo dīrghabāhurnirañjanaḥ |
urunetraḥ śatamukhaḥ śatagrīvaḥ śatodaraḥ ||

3.86.3

kuṇḍodaro mahāgrīvaḥ sthūlajihvo dvibāhukaḥ |
pārśvavaktraḥ siṃhamukha unnatāṃso mahāhanuḥ ||

3.86.4

tribāhuḥ pañcabāhuśca vyāghravaktraḥ sitānanaḥ |
ete cānye ca bahavo dīrghāsyā dīrghalocanāḥ ||

3.86.5

nṛtyantaḥ prahasantaśca sphoṭayantaḥ parasparam |
tathānye ghorarūpāśca tathānye vikṛtānanāḥ ||

3.86.6

pretabhakṣāḥ pretavāhā māṃsaśoṇitabhojanāḥ |
śavāni subahūnyāśu bhakṣayantastatastataḥ ||

3.86.7

pibanto rudhiraṃ ghoraṃ khaṇḍayantaḥ śavān bahūn |
karālā vitatā dīrghā dhamanisnāyusantatāḥ ||

3.86.8

nānāvidhāḥ suvīrāśca śūlāgraprotamānuṣāḥ |
śiromālāvṛtāḥ kecidāntrapāśāvapāśitāḥ ||

3.86.9

ḍiṇḍimairaṭṭahāsaiśca nādayanto vasundharām |
kapālino bhairavāśca jaṭilā muṇḍinastathā ||

3.86.3.86.10

evaṃ bahuvidhā ghorāḥ piśācā vikṛtānanāḥ |
tathānye munivīrāśca dhyāyantaḥ parameśvaram ||

3.86.11

paṭhanto vedavākyāni sāṅgāni vividhāni ca |
kuṇḍi=kāsthakarāḥ kecitkecitkuśavicāriṇaḥ ||

3.86.12

kaupīnavasanāḥ kecit kecit kārpāsasaṃvṛtāḥ |
stuvantaḥ śaṅkaraṃ bhaktyā stotrairmāheśvaraistathā ||

3.86.13

ekatra te munigaṇā aparatra gaṇāstathā |
anyatra siddhagandharvāḥ priyābhiḥ saha saṅgatāḥ ||

3.86.14

nṛtyanti nṛtyakuśalā gāyanti sma ca kanyakāḥ |
vidyādharāstathānyatra stuvantaḥ śaṅkaraṃ śivam ||

3.86.15

nanṛtustasya purato gacchanto'psarasāṃ gaṇāḥ |
evametairmahāghoraiḥ piśācairbhūtakinnaraiḥ ||

3.86.16

munibhiścaiva pramathaiḥ samaṃ śarvaḥ samāyayau |
yatra viśveśvaro viṣṇustapastepe sudāruṇam ||

3.86.17

yatra te lokapālāśca tiṣṭhanti sma didṛkṣayā |
umayā lokabhāvinyā gaṅgayā candraśekharaḥ ||

3.86.18

sa sarvalokaprabhavo bhavo vibhurjaṭī ca sākṣāt praṇavātmakaḥ kṛtī |
draṣṭuṃ hariṃ viṣṇumudāravikramo yayau yatheṣṭaṃ piśitāśanairvṛtaḥ ||

3.86.18.c1

iti śrīmahābhārate khilabhāge harivaṃśe bhaviṣyaparvaṇi kailāsayātrāyāṃ mahādevāgamane ṣaḍaśītitamo'dhyāyaḥ ||