Harivamsha 3.91: ekanavatitamo'dhyāyaḥ

3.91.p1

pauṇḍrakavṛttāntārambhaḥ

3.91.1

pauṇḍrakena rājānāṃ sabhāyāṃ svakaṃ śaṅkha, cakrādi yuktaṃ vāsudevaṃ ghoṣayitvā śrīkṛṣṇasya parājayituṃ kāṅkṣākaraṇaṃ vaiśampāyana uvāca |
etasminneva kāle tu pauṇḍro nṛpavarottamaḥ |
balavān sattvasampanno yoddhā vipulavikramaḥ ||

Land birds and aquatic birds are considered the offspring of Dharā.
And the sons of Anāyuṣā were fifty, exceedingly powerful: / Surata, Guṇavṛtta, Vikṣara, and then Nṛpa.
Surabhī gave birth to cows, and also the she-buffalo;

3.91.2

vṛṣṇiśatrustadā rājā kṛṣṇadveṣī balāt tadā |
nṛpān sarvān samāhūya provāca nṛpasaṃsadi ||

3.91.3

jitā ca pṛthivī sarvā jitāśca nṛpasattamāḥ |
vṛṣṇayaste balonmattāḥ kṛṣṇamāśritya garvitāḥ ||

3.91.4

dāsyanti me karaṃ sarve na hi te kṛṣṇasaṃśrayāt |
sa tu kṛṣṇaścakrabalānmāmavajñāya tiṣṭhati ||

3.91.5

ahaṃ cakrīti garvo'bhūttasya gopasya sarvadā |
śaṅkhī cakrī gadī śārṅgī śarī tūṇī sahāyavān ||

3.91.6

evamādirmahāgarvastasya samprati vartate |
loke ca mama yannāma vāsudeveti viśrutam ||

3.91.7

agṛhṇānmama tannāma gopo madabalānvitaḥ |
tasya cakrasya yaccakraṃ mamāpi niśitaṃ mahat ||

3.91.8

garvahantṛ sadā tasya nāmnā cāpi sudarśanam |
sahasrāraṃ mahāghoraṃ tasya cakrasya nāśanam ||

3.91.9

anekamahataṃ cakraṃ gopajasya nṛpottamāḥ |
mamāpyetad dhanurdivyaṃ śārṅgaṃ nāma mahāravam ||

3.91.3.91.10

gadā kaumodakī nāma mameyaṃ bṛhatī dṛḍhā |
kālāyasasahasrasya bhāreṇa sukṛtā mayā ||

3.91.11

khaḍgo nandakanāmāsau mamāyaṃ vipulo dṛḍhaḥ |
antakasyāntako ghorastasya khaḍgasya nāśakaḥ ||

3.91.12

tatrāhaṃ ca gadī khaḍgī śaṅkhī cakrī tanutravān |
yudhi jetā ca kṛṣṇasya nātra kāryā vicāraṇā ||

3.91.13

māṃ ca brūta nṛpāścaiva gadinaṃ cakriṇaṃ tathā |
śaṅkhinaṃ śārṅgiṇaṃ vīraṃ brūta nityaṃ nṛpottamāḥ ||

3.91.14

vāsudeveti māṃ brūta na tu gopaṃ yadūttamam |
eko'haṃ vāsudevo hi hatvā taṃ gopadārakam ||

3.91.15

sakhyurmama balāddhantā narakasya mahātmanaḥ |
māṃ tathā yadi na brūta daṇḍyā bhāraśataiḥ śatam ||

3.91.16

suvarṇasya ca niṣkasya dhānyasya bahuśastadā |
tathā bruvati rājendre manasā dussahaṃ yathā ||

3.91.17

kecillajjāsamāyuktā āsaṃste balavattarāḥ |
rasajñā balavīryasya rājānaste sadā nṛpa ||

3.91.18

apare tu nṛpā rājannevameveti cukruśuḥ |
anye balamadotsiktā jeṣyāmaḥ keśavaṃ raṇe ||

3.91.18.c1

iti śrīmahābhārate khilabhāge harivaṃśe bhaviṣyaparvaṇi pauṇḍrakoktau ekanavatitamo'dhyāyaḥ ||