Harivamsha 3.92: dvinavatitamo'dhyāyaḥ

3.92.p1

pauṇḍrakanāradasaṃvādaḥ

3.92.1

pauṇḍrakasya antike nāradasyāgamanaṃ, tasya sārdhaṃ vārtālāpaḥ vaiśampāyana uvāca |
tataḥ kailāsaśikharānnirgato munisattamaḥ |
nāradaḥ sarvalokajñaḥ pauṇḍrasya nagaraṃ prati ||

Irā [gave birth to] trees, climbing plants, creepers, and all kinds of grasses;
Khasā to yakṣas and rākṣasas; Muni to the apsarases;

3.92.2

avatīrya nabhobhāgāt pratyāgamya narottamam |
dvāḥsthena ca samājñaptaḥ praviveśa gṛhottamam ||

3.92.3

arghyādisamudācāraṃ nṛpāllabdhvā mahāmuniḥ |
niṣasādāsane śubhre hyāstṛte śubhavāsasā ||

3.92.4

kuśalaṃ pṛṣṭavānbhūyo nṛpaḥ sa munisattamam |
uvāca nāradaṃ bhūyaḥ pauṇḍrako balagarvitaḥ ||

3.92.5

bhavān sarvatra kuśalaḥ sarvakāryeṣu paṇḍitaḥ |
prathito devasiddheṣu gandharveṣu mahātmasu ||

3.92.6

sarvatrago nirābādho gatvā sarvatra sarvadā |
agamyaṃ tava viprendra brahmāṇḍe na hi kiñcana |
nāradedaṃ vada tvaṃ hi yatra yatra gato bhavān ||

3.92.7

tatra tatra tapaḥsiddho loke prathitavīryavān |
pauṇḍra eva ca vikhyāto vāsudeveti śabditaḥ ||

3.92.8

śaṅkhī cakrī gadī śārṅgī khaḍgī tūṇī tanutravān |
vijetā rājasiṃhānāṃ dātā sarvasya sarvadā ||

3.92.9

bhoktā rājyasya sarvasya śāstā rājā balād balī |
ajeyaḥ śatrusainyānāṃ rakṣitā svajanasya ca ||

3.92.3.92.10

yo'dya gopakanāmāsau vāsudeveti śabditaḥ |
tasya vīryabale na sto nāmno'sya mama dhāraṇe ||

3.92.11

sa hi gopo vṛthā bālyāddhārayatyeva nāma me |
idaṃ niścinu viprendra eka eva bhavāmyaham ||

3.92.11.p1

vāsudevo jagatyasmin nirjitya balinaṃ yadum |
vṛṣṇīnsarvān balāt kṣiptvā nihaniṣye ca tāṃ purīm ||

3.92.13

dvārakāṃ viṣṇunilayāṃ yoddhā cāhaṃ mahāmate |
ete ca balinaḥ sarve nṛpā mama samāgatāḥ ||

3.92.14

aśvāśca veginaḥ santi rathā vāyujavā mama |
uṣṭrā mattāḥ sahasraṃ ca gajā niyutameva ca ||

3.92.15

etenāhaṃ balenājau haniṣye keśavaṃ raṇe |
tasmādevaṃ sadā vipra vada brahman pure mama ||

3.92.16

indrasyāpi sadā vipra vada nārada sāmpratam |
prārthanaiṣā mama vibho namasye tvāṃ tapodhana ||

3.92.17

nārada uvāca |
sarvatragaḥ sadā cāsmi yāvad brahmāṇḍasaṃsthitiḥ |
ācāryaḥ sarvakāryeṣu gamane kenacinnṛpa ||

3.92.18

kiṃ nu vaktuṃ tathā rājannutsahe nṛpasattama |
mahīṃ śāsati deveśe cakrapāṇau janārdane ||

3.92.19

viṣṇau sarvatrage deve duṣṭān hatvā sabāndhavān |
vāsudeveti ko nāma tiṣṭhatyasmin harāviti ||

3.92.3.92.20

ko nāma vaktumevedaṃ kṛṣṇe śāsati gomatī |
ajñānād vaktumevaṃ ca samarthāḥ prākṛtā janāḥ ||

3.92.21

hariḥ sarvatrago viṣṇurdarpaṃ te vyapaneṣyati |
acintyavibhavo viṣṇuḥ śārṅgadhanvā gadādharaḥ ||

3.92.22

ādidevaḥ purāṇātmā darpa te vyapaneṣyati |
hāsyametanmahārāja yacca vai tatra saṃsthitam ||

3.92.23

śārṅga khaḍgaṃ tathā rājan mahāghoraṃ na dāpyate |
atīva hrāsakālo'yaṃ tava samprati vartate ||

3.92.23.c1

iti śrīmahābhārate khilabhāge harivaṃśe bhaviṣyaparvaṇi pauṇḍrakanāradasaṃvāde dvinavatitamo'dhyāyaḥ ||