Harivamsha 3.99: navanavatitamo'dhyāyaḥ

3.99.p1

pauṇḍrakayuddham

3.99.1

balabhadrasya ekalavyena sārdhaṃ evaṃ pauṇḍrakasya sātyakinā sārdhaṃ yuddhaṃ vaiśampāyana uvāca |
kravyādāḥ sarva evāśu bhakṣayantastadā śavam |
hasanto vividhaṃ ghoraṃ nādayanto vasundharām ||

A son capable of slaying Indra, endowed with boundless vigor.
And he of very great ascetic heat granted her the desired boon.

3.99.2

rākṣasāśca piśācāśca pibantaḥ śoṇitaṃ bahu |
āśikhaṃ bhuñjate rājañchavasya piśitāśanāḥ ||

3.99.3

nṛtyanti sma tadā rājan nagaryāṃ raṇatoṣitāḥ |
kākā balākā gṛdhrāśca śyenā gomāyavastathā ||

3.99.4

bhakṣayantaḥ pravartante rākṣasāścaiva dāruṇāḥ |
etasminnantare vīro niṣādo labdhasaṃjñakaḥ ||

3.99.5

hatān sarvān samālokya niṣādān nagacāriṇaḥ |
gadāmādāya kupito rāmameva jagāma ha ||

3.99.6

jaghāna gadayā rājañjatrudeśe niṣādapaḥ |
tato rāmo gadī rājan niṣādaṃ bāhuśālinam ||

3.99.7

ājaghne gadayā krūraṃ madamatto halāyudhaḥ |
tayośca tumulaṃ yuddhaṃ gadābhyāṃ samavartata ||

3.99.8

ākāśe śabda āsīt tu tayoryuddhe mahābhuja |
samudrāṇāṃ yathā ghoṣaḥ sarveṣāṃ sannigacchatām ||

3.99.9

kalpakṣaye mahārāja śabdaḥ sutumulo'bhavat |
kṣobhito nāgarājaśca nāgāḥ kṣobhaṃ samāyayuḥ ||

3.99.3.99.10

pṛthivī cāntarikṣaṃ ca sarvaṃ śabdamayaṃ babhau |
tataḥ sa pauṇḍrako rājā sātyakiṃ vṛṣṇinandanam ||

3.99.11

gadayaiva jaghānāśu satvaraṃ raṇakovidaḥ |
yuyudhāno balī rājan vāsudevaṃ jaghāna ha ||

3.99.12

tayośca tumulaḥ śabdaḥ prādurāsīnmahāraṇe |
caturṇāṃ yudhyatāṃ rājan parasparavadhaiṣiṇām ||

3.99.13

brahmāṇḍakṣobhaṇo rājañchabda āsīt sudāruṇaḥ |
tato rajaḥ prādurabhūt tasmin saṅgrāmamūrdhani ||

3.99.14

tārakā niṣprabhā rājaṃstamasyevaṃ kṣayaṃ gate |
uṣasi pratibuddhāyāṃ tato niḥśeṣatāṃ yayau ||

3.99.15

udito bhagavān sūryaścandraśca kṣayamāyayau |
teṣāṃ yuddhaṃ prādurabhūccaturṇāṃ bāhuśālinām |
devāsurasamaṃ rājannudite bhāskare mahat ||

3.99.15.c1

iti śrīmahābhārate khilabhāge harivaṃśe bhaviṣyaparvaṇi pauṇḍrakayuddhe navanavatitamo'dhyāyaḥ ||