[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [The Nārāyaṇa section of the Śāntiparvan](https://indike.org/pramana/in.lit.mahabharata.narayaniya) › 12.324 # The Nārāyaṇa section of the Śāntiparvan 12.324 Nārāyaṇīya 12.324 - **Language:** Sanskrit ### [12.324.1](https://indike.org/pramana/in.lit.mahabharata.narayaniya.12.324.1) yudhi-ṣṭhira uvāca: yadā bhakto bhagavata āsīd rājā mahāvasuḥ kimarthaṃ sa paribhraṣṭo viveśa vivaraṃ bhuvaḥ // ### [12.324.2](https://indike.org/pramana/in.lit.mahabharata.narayaniya.12.324.2) bhīṣma uvāca: atrāpy udāharantīmam itihāsaṃ purātanam ṛṣīṇāṃ caiva saṃvādaṃ tridaśānāṃ ca bhārata // ### [12.324.3](https://indike.org/pramana/in.lit.mahabharata.narayaniya.12.324.3) ajena yaṣṭavyam iti devāḥ prāhur dvijottamān sa ca chāgo hy ajo jñeyo nānyaḥ paśur iti sthitiḥ // ### [12.324.4](https://indike.org/pramana/in.lit.mahabharata.narayaniya.12.324.4) ṛṣaya ūcuḥ: bījair yajñeṣu yaṣṭavyam iti vai vaidikī śrutiḥ ajasaṃjñāni bījāni chāgaṃ na ghnantum arhatha // ### [12.324.5](https://indike.org/pramana/in.lit.mahabharata.narayaniya.12.324.5) naiṣa dharmaḥ satāṃ devā yatra vadhyeta vai paśuḥ idaṃ kṛtayugaṃ śreṣṭhaṃ kathaṃ vadhyeta vai paśuḥ // ### [12.324.6](https://indike.org/pramana/in.lit.mahabharata.narayaniya.12.324.6) bhīṣma uvāca: teṣāṃ saṃvadatām evam ṛṣīṇāṃ vibudhaiḥ saha mārgāgato nṛpa\_2-śreṣṭhas taṃ deśaṃ prāptavān vasuḥ antarikṣacaraḥ śrīmān samagrabalavāhanaḥ // ### [12.324.7](https://indike.org/pramana/in.lit.mahabharata.narayaniya.12.324.7) taṃ dṛṣṭvā sahasāyāntaṃ vasuṃ te tv antarikṣagam\_1 ūcur dvijātayo devān eṣa chetsyati saṃśayam // ### [12.324.8](https://indike.org/pramana/in.lit.mahabharata.narayaniya.12.324.8) yajvā dānapatiḥ śreṣṭhaḥ sarvabhūtahitapriyaḥ kathaṃ svid anyathā brūyād vākyam eṣa mahān vasuḥ // ### [12.324.9](https://indike.org/pramana/in.lit.mahabharata.narayaniya.12.324.9) evaṃ te saṃvidaṃ kṛtvā vibudhā ṛṣayas tathā apṛcchan sahasābhyetya vasuṃ rājānam antikāt // ### [12.324.10](https://indike.org/pramana/in.lit.mahabharata.narayaniya.12.324.10) bho rājan kena yaṣṭavyam ajenāho svid auṣadhaiḥ etan naḥ saṃśayaṃ chindhi pramāṇaṃ no bhavān mataḥ // ### [12.324.11](https://indike.org/pramana/in.lit.mahabharata.narayaniya.12.324.11) sa tān kṛtāñjalir bhūtvā paripapraccha vai vasuḥ kasya vaḥ ko mataḥ pakṣo brūta satyaṃ samāgatāḥ // ### [12.324.12](https://indike.org/pramana/in.lit.mahabharata.narayaniya.12.324.12) ṛṣaya ūcuḥ: dhānyair yaṣṭavyam ity eṣa pakṣo 'smākaṃ narādhipa devānāṃ tu paśuḥ pakṣo mato rājan vadasva naḥ // ### [12.324.13](https://indike.org/pramana/in.lit.mahabharata.narayaniya.12.324.13) bhīṣma uvāca: devānāṃ tu mataṃ jñātvā vasunā pakṣasaṃśrayāt chāgenājena yaṣṭavyam evam uktaṃ vacas tadā // ### [12.324.14](https://indike.org/pramana/in.lit.mahabharata.narayaniya.12.324.14) kupitās te tataḥ sarve munayaḥ sūryavarcasaḥ ūcur vasuṃ vimānasthaṃ devapakṣārthavādinam // ### [12.324.15](https://indike.org/pramana/in.lit.mahabharata.narayaniya.12.324.15) surapakṣo gṛhītas te yasmāt tasmād divaḥ pata adyaprabhṛti te rājan nākāśe vihitā gatiḥ asmacchāpābhighātena mahīṃ bhittvā pravekṣyasi // ### [12.324.16](https://indike.org/pramana/in.lit.mahabharata.narayaniya.12.324.16) tatas tasmin muhūrte 'tha rājoparicaras tadā adho vai saṃbabhūvāśu bhūmer vivarago\_1 nṛpaḥ\_2 smṛtis tv enaṃ na prajahau tadā nārāyaṇājñayā // ### [12.324.17](https://indike.org/pramana/in.lit.mahabharata.narayaniya.12.324.17) devās tu sahitāḥ sarve vasoḥ śāpavimokṣaṇam cintayām āsur avyagrāḥ sukṛtaṃ hi nṛpasya\_2 tat // ### [12.324.18](https://indike.org/pramana/in.lit.mahabharata.narayaniya.12.324.18) anenāsmatkṛte rājñā śāpaḥ prāpto mahātmanā asya pratipriyaṃ kāryaṃ sahitair no divaukasaḥ // ### [12.324.19](https://indike.org/pramana/in.lit.mahabharata.narayaniya.12.324.19) iti buddhyā vyavasyāśu gatvā niścayam īśvarāḥ ūcus taṃ hṛṣṭamanaso rājoparicaraṃ tadā // ### [12.324.20](https://indike.org/pramana/in.lit.mahabharata.narayaniya.12.324.20) brahmaṇyadevaṃ tvaṃ bhaktaḥ surāsuraguruṃ harim kāmaṃ sa tava tuṣṭātmā kuryāc chāpavimokṣaṇam // ### [12.324.21](https://indike.org/pramana/in.lit.mahabharata.narayaniya.12.324.21) mānanā tu dvijātīnāṃ kartavyā vai mahātmanām avaśyaṃ tapasā teṣāṃ phalitavyaṃ nṛpa\_2-uttama // ### [12.324.22](https://indike.org/pramana/in.lit.mahabharata.narayaniya.12.324.22) yatas tvaṃ sahasā bhraṣṭa ākāśān medinītalam ekaṃ tv anugrahaṃ tubhyaṃ dadmo vai nṛpa\_2-sattama // ### [12.324.23](https://indike.org/pramana/in.lit.mahabharata.narayaniya.12.324.23) yāvat tvaṃ śāpadoṣeṇa kālam āsiṣyase 'nagha bhūmer vivarago\_1 bhūtvā tāvantaṃ kālam āpsyasi yajñeṣu suhutāṃ viprair vasordhārāṃ mahātmabhiḥ // ### [12.324.24](https://indike.org/pramana/in.lit.mahabharata.narayaniya.12.324.24) prāpsyase 'smadanudhyānān mā ca tvāṃ glānir āspṛśet na kṣutpipāse rājendra bhūmeś cchidre bhaviṣyataḥ // ### [12.324.25](https://indike.org/pramana/in.lit.mahabharata.narayaniya.12.324.25) vasordhārānupītatvāt tejasāpyāyitena ca sa devo 'smadvarāt prīto brahmalokaṃ hi neṣyati // ### [12.324.26](https://indike.org/pramana/in.lit.mahabharata.narayaniya.12.324.26) evaṃ dattvā varaṃ rājñe sarve tatra divaukasaḥ gatāḥ svabhavanaṃ devā ṛṣayaś ca tapodhanāḥ // ### [12.324.27](https://indike.org/pramana/in.lit.mahabharata.narayaniya.12.324.27) cakre ca satataṃ pūjāṃ viṣvaksenāya bhārata japyaṃ jagau ca satataṃ nārāyaṇamukhodgatam // ### [12.324.28](https://indike.org/pramana/in.lit.mahabharata.narayaniya.12.324.28) tatrāpi pañcabhir yajñaiḥ pañcakālān ariṃdama ayajad dhariṃ surapatiṃ bhūmer vivarago\_1 'pi san // ### [12.324.29](https://indike.org/pramana/in.lit.mahabharata.narayaniya.12.324.29) tato 'sya tuṣṭo bhagavān bhaktyā nārāyaṇo hariḥ ananyabhaktasya satas tatparasya jitātmanaḥ // ### [12.324.30](https://indike.org/pramana/in.lit.mahabharata.narayaniya.12.324.30) varado bhagavān viṣṇuḥ samīpasthaṃ dvijottamam garutmantaṃ mahāvegam ābabhāṣe smayann iva // ### [12.324.31](https://indike.org/pramana/in.lit.mahabharata.narayaniya.12.324.31) dvijottama mahābhāga gamyatāṃ vacanān mama samrāḍ rājā vasur nāma dharmātmā māṃ samāśritaḥ // ### [12.324.32](https://indike.org/pramana/in.lit.mahabharata.narayaniya.12.324.32) brāhmaṇānāṃ prakopena praviṣṭo vasudhātalam mānitās te tu viprendrās tvaṃ tu gaccha dvijottama // ### [12.324.33](https://indike.org/pramana/in.lit.mahabharata.narayaniya.12.324.33) bhūmer vivarasaṃguptaṃ garuḍeha mamājñayā adhaścaraṃ nṛpa\_2-śreṣṭhaṃ khecaraṃ kuru māciram // ### [12.324.34](https://indike.org/pramana/in.lit.mahabharata.narayaniya.12.324.34) garutmān atha vikṣipya pakṣau mārutavegavān viveśa vivaraṃ bhūmer yatrāste vāgyato vasuḥ // ### [12.324.35](https://indike.org/pramana/in.lit.mahabharata.narayaniya.12.324.35) tata enaṃ samutkṣipya sahasā vinatāsutaḥ utpapāta nabhas tūrṇaṃ tatra cainam amuñcata // ### [12.324.36](https://indike.org/pramana/in.lit.mahabharata.narayaniya.12.324.36) tasmin muhūrte saṃjajñe rājoparicaraḥ punaḥ saśarīro gataś caiva brahmalokaṃ nṛpa\_2-uttamaḥ // ### [12.324.37](https://indike.org/pramana/in.lit.mahabharata.narayaniya.12.324.37) evaṃ tenāpi kaunteya vāgdoṣād devatājñayā prāptā gatir ayajvārhā dvijaśāpān mahātmanā // ### [12.324.38](https://indike.org/pramana/in.lit.mahabharata.narayaniya.12.324.38) kevalaṃ puruṣas tena sevito harir īśvaraḥ tataḥ śīghraṃ jahau śāpaṃ brahmalokam avāpa ca // ### [12.324.39](https://indike.org/pramana/in.lit.mahabharata.narayaniya.12.324.39) etat te sarvam ākhyātaṃ te bhūtā mānavā yathā nārado 'pi yathā śvetaṃ dvīpaṃ sa gatavān ṛṣiḥ tat te sarvaṃ pravakṣyāmi śṛṇuṣvaikamanā nṛpa\_2 // ## Linked texts (4) - [Critical edition (BORI)](https://indike.org/pramana/in.lit.mahabharata.vyasa*crit.12.324.1) — Sanskrit - [Mokṣadharma](https://indike.org/pramana/in.purana.moksadharma.69.2) — Nārāyaṇa, Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.13.9.38.p3) — Sanskrit - [Vāsudevamāhātmya](https://indike.org/pramana/in.purana.sthala.vasudevamahatmya.6.46) — Sanskrit --- Source: [https://indike.org/pramana/in.lit.mahabharata.narayaniya.12.324](https://indike.org/pramana/in.lit.mahabharata.narayaniya.12.324) · Pramāṇa