[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [The Nārāyaṇa section of the Śāntiparvan](https://indike.org/pramana/in.lit.mahabharata.narayaniya) › 12.327 # The Nārāyaṇa section of the Śāntiparvan 12.327 Nārāyaṇīya 12.327 - **Language:** Sanskrit ### [12.327.1](https://indike.org/pramana/in.lit.mahabharata.narayaniya.12.327.1) janam-ejaya uvāca: kathaṃ sa bhagavān devo yajñeṣv agraharaḥ prabhuḥ yajñadhārī ca satataṃ vedavedāṅgavit tathā // ### [12.327.2](https://indike.org/pramana/in.lit.mahabharata.narayaniya.12.327.2) nivṛttaṃ cāsthito dharmaṃ kṣemī bhāgavatapriyaḥ pravṛttidharmān vidadhe sa eva bhagavān prabhuḥ // ### [12.327.3](https://indike.org/pramana/in.lit.mahabharata.narayaniya.12.327.3) kathaṃ pravṛttidharmeṣu bhāgārhā devatāḥ kṛtāḥ kathaṃ nivṛttidharmāś ca kṛtā vyāvṛttabuddhayaḥ // ### [12.327.4](https://indike.org/pramana/in.lit.mahabharata.narayaniya.12.327.4) etaṃ naḥ saṃśayaṃ vipra chindhi guhyaṃ sanātanam tvayā nārāyaṇakathā śrutā vai dharmasaṃhitā // ### [12.327.5](https://indike.org/pramana/in.lit.mahabharata.narayaniya.12.327.5) ime sabrahmakā lokāḥ sasurāsuramānavāḥ kriyāsv abhyudayoktāsu saktā dṛśyanti sarvaśaḥ mokṣaś coktas tvayā brahman nirvāṇaṃ paramaṃ sukham // ### [12.327.6](https://indike.org/pramana/in.lit.mahabharata.narayaniya.12.327.6) ye ca muktā bhavantīha puṇyapāpavivarjitāḥ te sahasrārciṣaṃ devaṃ praviśantīti śuśrumaḥ // ### [12.327.7](https://indike.org/pramana/in.lit.mahabharata.narayaniya.12.327.7) aho hi duranuṣṭheyo mokṣadharmaḥ sanātanaḥ yaṃ hitvā devatāḥ sarvā havyakavyabhujo 'bhavan // ### [12.327.8](https://indike.org/pramana/in.lit.mahabharata.narayaniya.12.327.8) kiṃ nu brahmā ca rudraś ca śakraś ca balabhit prabhuḥ sūryas tārādhipo vāyur agnir varuṇa eva ca ākāśaṃ jagatī caiva ye ca śeṣā divaukasaḥ // ### [12.327.9](https://indike.org/pramana/in.lit.mahabharata.narayaniya.12.327.9) pralayaṃ na vijānanti ātmanaḥ parinirmitam tatas te nāsthitā mārgaṃ dhruvam akṣayam avyayam // ### [12.327.10](https://indike.org/pramana/in.lit.mahabharata.narayaniya.12.327.10) smṛtvā kālaparīmāṇaṃ pravṛttiṃ ye samāsthitāḥ doṣaḥ kālaparīmāṇe mahān eṣa kriyāvatām // ### [12.327.11](https://indike.org/pramana/in.lit.mahabharata.narayaniya.12.327.11) etan me saṃśayaṃ vipra hṛdi śalyam ivārpitam chindhītihāsakathanāt paraṃ kautūhalaṃ hi me // ### [12.327.12](https://indike.org/pramana/in.lit.mahabharata.narayaniya.12.327.12) kathaṃ bhāgaharāḥ proktā devatāḥ kratuṣu dvija kimarthaṃ cādhvare brahmann ijyante tridivaukasaḥ // ### [12.327.13](https://indike.org/pramana/in.lit.mahabharata.narayaniya.12.327.13) ye ca bhāgaṃ pragṛhṇanti yajñeṣu dvijasattama te yajanto mahāyajñaiḥ kasya bhāgaṃ dadanti vai // ### [12.327.14](https://indike.org/pramana/in.lit.mahabharata.narayaniya.12.327.14) vaiśaṃpāyana uvāca: aho gūḍhatamaḥ praśnas tvayā pṛṣṭo janeśvara nā-taptatapasā hy eṣa nā-vedaviduṣā tathā nā-purāṇavidā cāpi śakyo vyāhartum añjasā // ### [12.327.15](https://indike.org/pramana/in.lit.mahabharata.narayaniya.12.327.15) hanta te kathayiṣyāmi yan me pṛṣṭaḥ purā guruḥ kṛṣṇadvaipāyano vyāso vedavyāso mahān ṛṣiḥ // ### [12.327.16](https://indike.org/pramana/in.lit.mahabharata.narayaniya.12.327.16) sumantur jaiminiś caiva pailaś ca sudṛḍhavrataḥ ahaṃ caturthaḥ śiṣyo vai pañcamaś ca śukaḥ smṛtaḥ // ### [12.327.17](https://indike.org/pramana/in.lit.mahabharata.narayaniya.12.327.17) etān samāgatān sarvān pañca śiṣyān damānvitān śaucācārasamāyuktāñ jitakrodhāñ jitendriyān // ### [12.327.18](https://indike.org/pramana/in.lit.mahabharata.narayaniya.12.327.18) vedān adhyāpayām āsa mahābhāratapañcamān merau girivare ramye siddhacāraṇasevite // ### [12.327.19](https://indike.org/pramana/in.lit.mahabharata.narayaniya.12.327.19) teṣām abhyasyatāṃ vedān kadācit saṃśayo 'bhavat eṣa vai yas tvayā pṛṣṭas tena teṣāṃ prakīrtitaḥ tataḥ śruto mayā cāpi tavākhyeyo 'dya bhārata // ### [12.327.20](https://indike.org/pramana/in.lit.mahabharata.narayaniya.12.327.20) śiṣyāṇāṃ vacanaṃ śrutvā sarvā-jñānatamonudaḥ parāśarasutaḥ śrīmān vyāso vākyam uvāca ha // ### [12.327.21](https://indike.org/pramana/in.lit.mahabharata.narayaniya.12.327.21) mayā hi sumahat taptaṃ tapaḥ paramadāruṇam bhūtaṃ bhavyaṃ bhaviṣyac ca jānīyām iti sattamāḥ // ### [12.327.22](https://indike.org/pramana/in.lit.mahabharata.narayaniya.12.327.22) tasya me taptatapaso nigṛhītendriyasya ca nārāyaṇaprasādena kṣīrodasyānukūlataḥ // ### [12.327.23](https://indike.org/pramana/in.lit.mahabharata.narayaniya.12.327.23) traikālikam idaṃ jñānaṃ prādurbhūtaṃ yathepsitam tac chṛṇudhvaṃ yathājñānaṃ vakṣye saṃśayam uttamam yathā vṛttaṃ hi kalpādau dṛṣṭaṃ me jñānacakṣuṣā // ### [12.327.24](https://indike.org/pramana/in.lit.mahabharata.narayaniya.12.327.24) paramātmeti yaṃ prāhuḥ sāṃkhyayogavido janāḥ mahāpuruṣasaṃjñāṃ sa labhate svena karmaṇā // ### [12.327.25](https://indike.org/pramana/in.lit.mahabharata.narayaniya.12.327.25) tasmāt prasūtam avyaktaṃ pradhānaṃ tad vidur budhāḥ avyaktād vyaktam utpannaṃ lokasṛṣṭyartham īśvarāt // ### [12.327.26](https://indike.org/pramana/in.lit.mahabharata.narayaniya.12.327.26) aniruddho hi lokeṣu mahān ātmeti kathyate yo 'sau vyaktatvam āpanno nirmame ca pitāmaham so 'haṃkāra iti proktaḥ sarvatejomayo hi saḥ // ### [12.327.27](https://indike.org/pramana/in.lit.mahabharata.narayaniya.12.327.27) pṛthivī vāyur ākāśam āpo jyotiś ca pañcamam ahaṃkāraprasūtāni mahābhūtāni bhārata // ### [12.327.28](https://indike.org/pramana/in.lit.mahabharata.narayaniya.12.327.28) mahābhūtāni sṛṣṭvātha tadguṇān nirmame punaḥ bhūtebhyaś caiva niṣpannā mūrtimanto 'ṣṭa tāñ śṛṇu // ### [12.327.29](https://indike.org/pramana/in.lit.mahabharata.narayaniya.12.327.29) marīcir aṅgirāś cātriḥ pulastyaḥ pulahaḥ kratuḥ vasiṣṭhaś ca mahātmā vai manuḥ svāyaṃbhuvas tathā jñeyāḥ prakṛtayo 'ṣṭau tā yāsu lokāḥ pratiṣṭhitāḥ // ### [12.327.30](https://indike.org/pramana/in.lit.mahabharata.narayaniya.12.327.30) vedān vedāṅgasaṃyuktān yajñān yajñāṅgasaṃyutān nirmame lokasiddhyarthaṃ brahmā lokapitāmahaḥ aṣṭābhyaḥ prakṛtibhyaś ca jātaṃ viśvam idaṃ jagat // ### [12.327.31](https://indike.org/pramana/in.lit.mahabharata.narayaniya.12.327.31) rudro roṣātmako jāto daśānyān so 'sṛjat svayam ekādaśaite rudrās tu vikārāḥ puruṣāḥ smṛtāḥ // ### [12.327.32](https://indike.org/pramana/in.lit.mahabharata.narayaniya.12.327.32) te rudrāḥ prakṛtiś caiva sarve caiva surar1ṣayaḥ utpannā lokasiddhyarthaṃ brahmāṇaṃ samupasthitāḥ // ### [12.327.33](https://indike.org/pramana/in.lit.mahabharata.narayaniya.12.327.33) vayaṃ hi sṛṣṭā bhagavaṃs tvayā vai prabhaviṣṇunā yena yasminn adhīkāre vartitavyaṃ pitāmaha // ### [12.327.34](https://indike.org/pramana/in.lit.mahabharata.narayaniya.12.327.34) yo 'sau tvayā vinirdiṣṭo adhikāro 'rthacintakaḥ paripālyaḥ kathaṃ tena so 'dhikāro 'dhikāriṇā // ### [12.327.35](https://indike.org/pramana/in.lit.mahabharata.narayaniya.12.327.35) pradiśasva balaṃ tasya yo 'dhikārārthacintakaḥ evam ukto mahādevo devāṃs tān idam abravīt // ### [12.327.36](https://indike.org/pramana/in.lit.mahabharata.narayaniya.12.327.36) sādhv ahaṃ jñāpito devā yuṣmābhir bhadram astu vaḥ mamāpy eṣā samutpannā cintā yā bhavatāṃ matā // ### [12.327.37](https://indike.org/pramana/in.lit.mahabharata.narayaniya.12.327.37) lokatantrasya kṛtsnasya kathaṃ kāryaḥ parigrahaḥ kathaṃ balakṣayo na syād yuṣmākaṃ hy ātmanaś ca me // ### [12.327.38](https://indike.org/pramana/in.lit.mahabharata.narayaniya.12.327.38) itaḥ sarve 'pi gacchāmaḥ śaraṇaṃ lokasākṣiṇam mahāpuruṣam avyaktaṃ sa no vakṣyati yad dhitam // ### [12.327.39](https://indike.org/pramana/in.lit.mahabharata.narayaniya.12.327.39) tatas te brahmaṇā sārdham ṛṣayo vibudhās tathā kṣīrodasyottaraṃ kūlaṃ jagmur lokahitārthinaḥ // ### [12.327.40](https://indike.org/pramana/in.lit.mahabharata.narayaniya.12.327.40) te tapaḥ samupātiṣṭhan brahmoktaṃ vedakalpitam sa mahāniyamo nāma tapaścaryā sudāruṇā // ### [12.327.41](https://indike.org/pramana/in.lit.mahabharata.narayaniya.12.327.41) ūrdhvaṃ dṛṣṭir bāhavaś ca ekāgraṃ ca mano 'bhavat ekapādasthitāḥ samyak kāṣṭhabhūtāḥ samāhitāḥ // ### [12.327.42](https://indike.org/pramana/in.lit.mahabharata.narayaniya.12.327.42) divyaṃ varṣasahasraṃ te tapas taptvā tad uttamam śuśruvur madhurāṃ vāṇīṃ vedavedāṅgabhūṣitām // ### [12.327.43](https://indike.org/pramana/in.lit.mahabharata.narayaniya.12.327.43) bho bhoḥ sabrahmakā devā ṛṣayaś ca tapodhanāḥ svāgatenārcya vaḥ sarvāñ śrāvaye vākyam uttamam // ### [12.327.44](https://indike.org/pramana/in.lit.mahabharata.narayaniya.12.327.44) vijñātaṃ vo mayā kāryaṃ tac ca lokahitaṃ mahat pravṛttiyuktaṃ kartavyaṃ yuṣmatprāṇopabṛṃhaṇam // ### [12.327.45](https://indike.org/pramana/in.lit.mahabharata.narayaniya.12.327.45) sutaptaṃ vas tapo devā mamārādhanakāmyayā bhokṣyathāsya mahāsattvās tapasaḥ phalam uttamam // ### [12.327.46](https://indike.org/pramana/in.lit.mahabharata.narayaniya.12.327.46) eṣa brahmā lokaguruḥ sarvalokapitāmahaḥ yūyaṃ ca vibudhaśreṣṭhā māṃ yajadhvaṃ samāhitāḥ // ### [12.327.47](https://indike.org/pramana/in.lit.mahabharata.narayaniya.12.327.47) sarve bhāgān kalpayadhvaṃ yajñeṣu mama nityaśaḥ tathā śreyo vidhāsyāmi yathādhīkāram īśvarāḥ // ### [12.327.48](https://indike.org/pramana/in.lit.mahabharata.narayaniya.12.327.48) śrutvaitad devadevasya vākyaṃ hṛṣṭatanūruhāḥ tatas te vibudhāḥ sarve brahmā te ca mahar2ṣayaḥ // ### [12.327.49](https://indike.org/pramana/in.lit.mahabharata.narayaniya.12.327.49) vedadṛṣṭena vidhinā vaiṣṇavaṃ kratum āharan tasmin sattre tadā brahmā svayaṃ bhāgam akalpayat devā devar1ṣayaś caiva sarve bhāgān akalpayan // ### [12.327.50](https://indike.org/pramana/in.lit.mahabharata.narayaniya.12.327.50) te kārtayugadharmāṇo bhāgāḥ paramasatkṛtāḥ prāpur ādityavarṇaṃ taṃ puruṣaṃ tamasaḥ param bṛhantaṃ sarvagaṃ\_1 devam īśānaṃ varadaṃ prabhum // ### [12.327.51](https://indike.org/pramana/in.lit.mahabharata.narayaniya.12.327.51) tato 'tha varado devas tān sarvān amarān sthitān aśarīro babhāṣedaṃ vākyaṃ khastho maheśvaraḥ // ### [12.327.52](https://indike.org/pramana/in.lit.mahabharata.narayaniya.12.327.52) yena yaḥ kalpito bhāgaḥ sa tathā samupāgataḥ prīto 'haṃ pradiśāmy adya phalam āvṛttilakṣaṇam // ### [12.327.53](https://indike.org/pramana/in.lit.mahabharata.narayaniya.12.327.53) etad vo lakṣaṇaṃ devā matprasādasamudbhavam yūyaṃ yajñair ijyamānāḥ samāptavaradakṣiṇaiḥ yuge yuge bhaviṣyadhvaṃ pravṛttiphalabhoginaḥ // ### [12.327.54](https://indike.org/pramana/in.lit.mahabharata.narayaniya.12.327.54) yajñair ye cāpi yakṣyanti sarvalokeṣu vai surāḥ kalpayiṣyanti vo bhāgāṃs te narā vedakalpitān // ### [12.327.55](https://indike.org/pramana/in.lit.mahabharata.narayaniya.12.327.55) yo me yathā kalpitavān bhāgam asmin mahākratau sa tathā yajñabhāgārho vedasūtre mayā kṛtaḥ // ### [12.327.56](https://indike.org/pramana/in.lit.mahabharata.narayaniya.12.327.56) yūyaṃ lokān dhārayadhvaṃ yajñabhāgaphaloditāḥ sarvārthacintakā loke yathādhīkāranirmitāḥ // ### [12.327.57](https://indike.org/pramana/in.lit.mahabharata.narayaniya.12.327.57) yāḥ kriyāḥ pracariṣyanti pravṛttiphalasatkṛtāḥ tābhir āpyāyitabalā lokān vai dhārayiṣyatha // ### [12.327.58](https://indike.org/pramana/in.lit.mahabharata.narayaniya.12.327.58) yūyaṃ hi bhāvitā loke sarvayajñeṣu mānavaiḥ māṃ tato bhāvayiṣyadhvam eṣā vo bhāvanā mama // ### [12.327.59](https://indike.org/pramana/in.lit.mahabharata.narayaniya.12.327.59) ityarthaṃ nirmitā vedā yajñāś cauṣadhibhiḥ saha ebhiḥ samyak prayuktair hi prīyante devatāḥ kṣitau // ### [12.327.60](https://indike.org/pramana/in.lit.mahabharata.narayaniya.12.327.60) nirmāṇam etad yuṣmākaṃ pravṛttiguṇakalpitam mayā kṛtaṃ suraśreṣṭhā yāvat kalpakṣayād iti cintayadhvaṃ lokahitaṃ yathādhīkāram īśvarāḥ // ### [12.327.61](https://indike.org/pramana/in.lit.mahabharata.narayaniya.12.327.61) marīcir aṅgirāś cātriḥ pulastyaḥ pulahaḥ kratuḥ vasiṣṭha iti saptaite mānasā nirmitā hi vai // ### [12.327.62](https://indike.org/pramana/in.lit.mahabharata.narayaniya.12.327.62) ete vedavido mukhyā vedācāryāś ca kalpitāḥ pravṛttidharmiṇaś caiva prājāpatyena kalpitāḥ // ### [12.327.63](https://indike.org/pramana/in.lit.mahabharata.narayaniya.12.327.63) ayaṃ kriyāvatāṃ panthā vyaktībhūtaḥ sanātanaḥ aniruddha iti prokto lokasargakaraḥ prabhuḥ // ### [12.327.64](https://indike.org/pramana/in.lit.mahabharata.narayaniya.12.327.64) sanaḥ sanatsujātaś ca sanakaḥ sasanandanaḥ sanatkumāraḥ kapilaḥ saptamaś ca sanātanaḥ // ### [12.327.65](https://indike.org/pramana/in.lit.mahabharata.narayaniya.12.327.65) saptaite mānasāḥ proktā ṛṣayo brahmaṇaḥ sutāḥ svayamāgatavijñānā nivṛttaṃ dharmam āsthitāḥ // ### [12.327.66](https://indike.org/pramana/in.lit.mahabharata.narayaniya.12.327.66) ete yogavido mukhyāḥ sāṃkhyadharmavidas tathā ācāryā mokṣaśāstre ca mokṣadharmapravartakāḥ // ### [12.327.67](https://indike.org/pramana/in.lit.mahabharata.narayaniya.12.327.67) yato 'haṃ prasṛtaḥ pūrvam avyaktāt triguṇo mahān tasmāt parataro yo 'sau kṣetrajña iti kalpitaḥ so 'haṃ kriyāvatāṃ panthāḥ punarāvṛttidurlabhaḥ // ### [12.327.68](https://indike.org/pramana/in.lit.mahabharata.narayaniya.12.327.68) yo yathā nirmito jantur yasmin yasmiṃś ca karmaṇi pravṛttau vā nivṛttau vā tatphalaṃ so 'śnute 'vaśaḥ // ### [12.327.69](https://indike.org/pramana/in.lit.mahabharata.narayaniya.12.327.69) eṣa lokagurur brahmā jagadādikaraḥ prabhuḥ eṣa mātā pitā caiva yuṣmākaṃ ca pitāmahaḥ mayānuśiṣṭo bhavitā sarvabhūtavarapradaḥ // ### [12.327.70](https://indike.org/pramana/in.lit.mahabharata.narayaniya.12.327.70) asya caivānujo rudro lalāṭād yaḥ samutthitaḥ brahmānuśiṣṭo bhavitā sarvatrasavarapradaḥ // ### [12.327.71](https://indike.org/pramana/in.lit.mahabharata.narayaniya.12.327.71) gacchadhvaṃ svān adhīkārāṃś cintayadhvaṃ yathāvidhi pravartantāṃ kriyāḥ sarvāḥ sarvalokeṣu māciram // ### [12.327.72](https://indike.org/pramana/in.lit.mahabharata.narayaniya.12.327.72) pradṛśyantāṃ ca karmāṇi prāṇināṃ gatayas tathā parinirmitakālāni āyūṃṣi ca surottamāḥ // ### [12.327.73](https://indike.org/pramana/in.lit.mahabharata.narayaniya.12.327.73) idaṃ kṛtayugaṃ nāma kālaḥ śreṣṭhaḥ pravartate ahiṃsyā yajñapaśavo yuge 'smin naitad anyathā catuṣpāt sakalo dharmo bhaviṣyaty atra vai surāḥ // ### [12.327.74](https://indike.org/pramana/in.lit.mahabharata.narayaniya.12.327.74) tatas tretāyugaṃ nāma trayī yatra bhaviṣyati prokṣitā yatra paśavo vadhaṃ prāpsyanti vai makhe tatra pādacaturtho vai dharmasya na bhaviṣyati // ### [12.327.75](https://indike.org/pramana/in.lit.mahabharata.narayaniya.12.327.75) tato vai dvāparaṃ nāma miśraḥ kālo bhaviṣyati dvipādahīno dharmaś ca yuge tasmin bhaviṣyati // ### [12.327.76](https://indike.org/pramana/in.lit.mahabharata.narayaniya.12.327.76) tatas tiṣye 'tha saṃprāpte yuge kalipuraskṛte ekapādasthito dharmo yatra tatra bhaviṣyati // ### [12.327.77](https://indike.org/pramana/in.lit.mahabharata.narayaniya.12.327.77) devā ūcuḥ: ekapādasthite dharme yatrakvacanagāmini kathaṃ kartavyam asmābhir bhagavaṃs tad vadasva naḥ // ### [12.327.78](https://indike.org/pramana/in.lit.mahabharata.narayaniya.12.327.78) śrī-bhagavān uvāca: yatra vedāś ca yajñāś ca tapaḥ satyaṃ damas tathā ahiṃsādharmasaṃyuktāḥ pracareyuḥ surottamāḥ sa vai deśaḥ sevitavyo mā vo 'dharmaḥ padā spṛśet // ### [12.327.79](https://indike.org/pramana/in.lit.mahabharata.narayaniya.12.327.79) vyāsa uvāca: \[X D7 T G1-3.6:: guravo yatra pūjyante !sādhuvṛttāḥ śamānvitāḥ te 'nuśiṣṭā bhagavatā devāḥ sar1ṣigaṇās tathā namaskṛtvā bhagavate jagmur deśān yathepsitān // ### [12.327.80](https://indike.org/pramana/in.lit.mahabharata.narayaniya.12.327.80) gateṣu tridivaukaḥsu brahmaikaḥ paryavasthitaḥ didṛkṣur bhagavantaṃ tam aniruddhatanau sthitam // ### [12.327.81](https://indike.org/pramana/in.lit.mahabharata.narayaniya.12.327.81) taṃ devo darśayām āsa kṛtvā hayaśiro mahat sāṅgān āvartayan vedān kamaṇḍalugaṇitradhṛk // ### [12.327.82](https://indike.org/pramana/in.lit.mahabharata.narayaniya.12.327.82) tato 'śvaśirasaṃ dṛṣṭvā taṃ devam amitaujasam lokakartā prabhur brahmā lokānāṃ hitakāmyayā // ### [12.327.83](https://indike.org/pramana/in.lit.mahabharata.narayaniya.12.327.83) mūrdhnā praṇamya varadaṃ tasthau prāñjalir agrataḥ sa pariṣvajya devena vacanaṃ śrāvitas tadā // ### [12.327.84](https://indike.org/pramana/in.lit.mahabharata.narayaniya.12.327.84) lokakāryagatīḥ sarvās tvaṃ cintaya yathāvidhi dhātā tvaṃ sarvabhūtānāṃ tvaṃ prabhur jagato guruḥ tvayy āveśitabhāro 'haṃ dhṛtiṃ prāpsyāmy athāñjasā // ### [12.327.85](https://indike.org/pramana/in.lit.mahabharata.narayaniya.12.327.85) yadā ca surakāryaṃ te aviṣahyaṃ bhaviṣyati prādurbhāvaṃ gamiṣyāmi tadātmajñānadeśikaḥ // ### [12.327.86](https://indike.org/pramana/in.lit.mahabharata.narayaniya.12.327.86) evam uktvā hayaśirās tatraivāntaradhīyata tenānuśiṣṭo brahmāpi svaṃ lokam acirād gataḥ // ### [12.327.87](https://indike.org/pramana/in.lit.mahabharata.narayaniya.12.327.87) evam eṣa mahābhāgaḥ padmanābhaḥ sanātanaḥ yajñeṣv agraharaḥ prokto yajñadhārī ca nityadā // ### [12.327.88](https://indike.org/pramana/in.lit.mahabharata.narayaniya.12.327.88) nivṛttiṃ cāsthito dharmaṃ gatim akṣayadharmiṇām pravṛttidharmān vidadhe kṛtvā lokasya citratām // ### [12.327.89](https://indike.org/pramana/in.lit.mahabharata.narayaniya.12.327.89) sa ādiḥ sa madhyaḥ sa cāntaḥ prajānāṃ sa dhātā sa dheyaḥ sa kartā sa kāryam yugānte sa suptaḥ susaṃkṣipya lokān yugādau prabuddho jagad dhy utsasarja ### [12.327.90](https://indike.org/pramana/in.lit.mahabharata.narayaniya.12.327.90) tasmai namadhvaṃ devāya nirguṇāya guṇātmane ajāya viśvarūpāya dhāmne sarvadivaukasām // ### [12.327.91](https://indike.org/pramana/in.lit.mahabharata.narayaniya.12.327.91) mahābhūtādhipataye rudrāṇāṃ pataye tathā ādityapataye caiva vasūnāṃ pataye tathā // ### [12.327.92](https://indike.org/pramana/in.lit.mahabharata.narayaniya.12.327.92) aśvibhyāṃ pataye caiva marutāṃ pataye tathā vedayajñādhipataye vedāṅgapataye 'pi ca // ### [12.327.93](https://indike.org/pramana/in.lit.mahabharata.narayaniya.12.327.93) samudravāsine nityaṃ haraye muñjakeśine śāntaye sarvabhūtānāṃ mokṣadharmānubhāṣiṇe // ### [12.327.94](https://indike.org/pramana/in.lit.mahabharata.narayaniya.12.327.94) tapasāṃ tejasāṃ caiva pataye yaśaso 'pi ca vācaś ca pataye nityaṃ saritāṃ pataye tathā // ### [12.327.95](https://indike.org/pramana/in.lit.mahabharata.narayaniya.12.327.95) kapardine varāhāya ekaśṛṅgāya dhīmate vivasvate 'śvaśirase caturmūrtidhṛte sadā // ### [12.327.96](https://indike.org/pramana/in.lit.mahabharata.narayaniya.12.327.96) guhyāya jñānadṛśyāya akṣarāya kṣarāya ca eṣa devaḥ saṃcarati sarvatragatir avyayaḥ // ### [12.327.97](https://indike.org/pramana/in.lit.mahabharata.narayaniya.12.327.97) evam etat purā dṛṣṭaṃ mayā vai jñānacakṣuṣā kathitaṃ tac ca vaḥ sarvaṃ mayā pṛṣṭena tattvataḥ // ### [12.327.98](https://indike.org/pramana/in.lit.mahabharata.narayaniya.12.327.98) kriyatām madvacaḥ śiṣyāḥ sevyatāṃ harir īśvaraḥ gīyatāṃ vedaśabdaiś ca pūjyatāṃ ca yathāvidhi // ### [12.327.99](https://indike.org/pramana/in.lit.mahabharata.narayaniya.12.327.99) vaiśaṃpāyana uvāca: ity uktās tu vayaṃ tena vedavyāsena dhīmatā sarve śiṣyāḥ sutaś cāsya śukaḥ paramadharmavit // ### [12.327.100](https://indike.org/pramana/in.lit.mahabharata.narayaniya.12.327.100) sa cāsmākam upādhyāyaḥ sahāsmābhir viśāṃ pate caturvedodgatābhiś ca ṛgbhis tam abhituṣṭuve // ### [12.327.101](https://indike.org/pramana/in.lit.mahabharata.narayaniya.12.327.101) etat te sarvam ākhyātaṃ yan māṃ tvaṃ paripṛcchasi evaṃ me 'kathayad rājan purā dvaipāyano guruḥ // ### [12.327.102](https://indike.org/pramana/in.lit.mahabharata.narayaniya.12.327.102) yaś cedaṃ śṛṇuyān nityaṃ yaś cedaṃ parikīrtayet namo bhagavate kṛtvā samāhitamanā naraḥ // ### [12.327.103](https://indike.org/pramana/in.lit.mahabharata.narayaniya.12.327.103) bhavaty arogo dyutimān balarūpasamanvitaḥ āturo mucyate rogād baddho mucyeta bandhanāt // ### [12.327.104](https://indike.org/pramana/in.lit.mahabharata.narayaniya.12.327.104) kāmakāmī labhet kāmaṃ dīrgham āyur avāpnuyāt brāhmaṇaḥ sarvavedī syāt kṣatriyo vijayī bhavet vaiśyo vipulalābhaḥ syāc chūdraḥ sukham avāpnuyāt // ### [12.327.105](https://indike.org/pramana/in.lit.mahabharata.narayaniya.12.327.105) aputro labhate putraṃ kanyā caivepsitaṃ patim lagnagarbhā vimucyeta garbhiṇī janayet sutam vandhyā prasavam āpnoti putrapautrasamṛddhimat // ### [12.327.106](https://indike.org/pramana/in.lit.mahabharata.narayaniya.12.327.106) kṣemeṇa gacched adhvānam idaṃ yaḥ paṭhate pathi yo yaṃ kāmaṃ kāmayate sa tam āpnoti ca dhruvam // ### [12.327.107](https://indike.org/pramana/in.lit.mahabharata.narayaniya.12.327.107) idaṃ mahar2ṣer vacanaṃ viniścitaṃ mahātmanaḥ puruṣavarasya kīrtanam samāgamaṃ car7ṣidivaukasām imaṃ niśamya bhaktāḥ susukhaṃ labhante ## Linked texts (4) - [Critical edition (BORI)](https://indike.org/pramana/in.lit.mahabharata.vyasa*crit.12.327.1) — Sanskrit - [Daśavidhahetunirūpaṇa](https://indike.org/pramana/in.vedanga.kalpa.grhya.vaikhanasa!tatparyacintamani.dasavidhahetunirupana.184.3) — Śrīnivāsamakhin, Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.App.I.42B.3055) — Sanskrit - [Pārameśvarasaṃhitā](https://indike.org/pramana/in.sampradaya.vaisnava.pancaratra.paramesvara.1.p7) — Sanskrit --- Source: [https://indike.org/pramana/in.lit.mahabharata.narayaniya.12.327](https://indike.org/pramana/in.lit.mahabharata.narayaniya.12.327) · Pramāṇa