[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [The Nārāyaṇa section of the Śāntiparvan](https://indike.org/pramana/in.lit.mahabharata.narayaniya) › 12.329 # The Nārāyaṇa section of the Śāntiparvan 12.329 Nārāyaṇīya 12.329 - **Language:** Sanskrit ### [12.329.1](https://indike.org/pramana/in.lit.mahabharata.narayaniya.12.329.1) arjuna uvāca: agnīṣomau kathaṃ pūrvam ekayonī pravartitau eṣa me saṃśayo jātas taṃ chindhi madhusūdana // ### [12.329.2](https://indike.org/pramana/in.lit.mahabharata.narayaniya.12.329.2) śrī-bhagavān uvāca: hanta te vartayiṣyāmi purāṇaṃ pāṇḍunandana ātmatejoudbhavaṃ pārtha śṛṇuṣvaikamanā mama // ### [12.329.3-1](https://indike.org/pramana/in.lit.mahabharata.narayaniya.12.329.3-1) saṃprakṣālanakāle 'tikrānte caturthe yugasahasrānte ### [12.329.3-2](https://indike.org/pramana/in.lit.mahabharata.narayaniya.12.329.3-2) avyakte sarvabhūtapralaye sthāvarajaṅgame ### [12.329.3-3](https://indike.org/pramana/in.lit.mahabharata.narayaniya.12.329.3-3) jyotirdharaṇivāyurahite 'ndhe tamasi jalaikārṇave loke ### [12.329.3-4](https://indike.org/pramana/in.lit.mahabharata.narayaniya.12.329.3-4) tama ity evābhibhūte 'saṃjñake 'dvitīye pratiṣṭhite ### [12.329.3-5](https://indike.org/pramana/in.lit.mahabharata.narayaniya.12.329.3-5) naiva rātryāṃ na divase na sati nā-sati na vyakte nā-vyakte vyavasthite ### [12.329.3-6](https://indike.org/pramana/in.lit.mahabharata.narayaniya.12.329.3-6) etasyām avasthāyāṃ nārāyaṇaguṇāśrayād akṣayād ajarād anindriyād agrāhyād asaṃbhavāt satyād ahiṃsrāl lalāmād vividhapravṛttiviśeṣāt ### [12.329.3-7](https://indike.org/pramana/in.lit.mahabharata.narayaniya.12.329.3-7) akṣayād ajarā-marād amūrtitaḥ sarvavyāpinaḥ sarvakartuḥ śāśvatāt tamasaḥ puruṣaḥ prādurbhūto harir avyayaḥ ### [12.329.4-1](https://indike.org/pramana/in.lit.mahabharata.narayaniya.12.329.4-1) nidarśanam api hy atra bhavati ### [12.329.4-2](https://indike.org/pramana/in.lit.mahabharata.narayaniya.12.329.4-2) nāsīd aho na rātrir āsīt ### [12.329.4-3](https://indike.org/pramana/in.lit.mahabharata.narayaniya.12.329.4-3) na sad āsīn nā-sad āsīt ### [12.329.4-4](https://indike.org/pramana/in.lit.mahabharata.narayaniya.12.329.4-4) tama eva purastād abhavad viśvarūpam ### [12.329.4-5](https://indike.org/pramana/in.lit.mahabharata.narayaniya.12.329.4-5) sā viśvasya jananīty evam asyārtho 'nubhāṣyate ### [12.329.5-1](https://indike.org/pramana/in.lit.mahabharata.narayaniya.12.329.5-1) tasyedānīṃ tamaḥsaṃbhavasya puruṣasya padmayoner brahmaṇaḥ prādurbhāve sa puruṣaḥ prajāḥ sisṛkṣamāṇo netrābhyām agnīṣomau sasarja ### [12.329.5-2](https://indike.org/pramana/in.lit.mahabharata.narayaniya.12.329.5-2) tato bhūtasarge pravṛtte prajākramavaśād brahmakṣatram upātiṣṭhat ### [12.329.5-3](https://indike.org/pramana/in.lit.mahabharata.narayaniya.12.329.5-3) yaḥ somas tad brahma yad brahma te brāhmaṇāḥ ### [12.329.5-4](https://indike.org/pramana/in.lit.mahabharata.narayaniya.12.329.5-4) yo 'gnis tat kṣatraṃ kṣatrād brahma balavattaram ### [12.329.5-5](https://indike.org/pramana/in.lit.mahabharata.narayaniya.12.329.5-5) kasmād iti lokapratyakṣaguṇam etat tad yathā ### [12.329.5-6](https://indike.org/pramana/in.lit.mahabharata.narayaniya.12.329.5-6) brāhmaṇebhyaḥ paraṃ bhūtaṃ notpannapūrvam ### [12.329.5-7](https://indike.org/pramana/in.lit.mahabharata.narayaniya.12.329.5-7) dīpyamāne 'gnau juhotīti kṛtvā bravīmi ### [12.329.5-8](https://indike.org/pramana/in.lit.mahabharata.narayaniya.12.329.5-8) bhūtasargaḥ kṛto brahmaṇā bhūtāni ca pratiṣṭhāpya trailokyaṃ dhāryatae iti ### [12.329.6-1](https://indike.org/pramana/in.lit.mahabharata.narayaniya.12.329.6-1) mantravādo 'pi hi bhavati ### [12.329.6-2](https://indike.org/pramana/in.lit.mahabharata.narayaniya.12.329.6-2) tvam agne yajñānāṃ hotā viśveṣām ### [12.329.6-3](https://indike.org/pramana/in.lit.mahabharata.narayaniya.12.329.6-3) hito devebhir mānuṣe jane iti ### [12.329.6-4](https://indike.org/pramana/in.lit.mahabharata.narayaniya.12.329.6-4) nidarśanaṃ cātra bhavati ### [12.329.6-5](https://indike.org/pramana/in.lit.mahabharata.narayaniya.12.329.6-5) viśveṣām agne yajñānāṃ hoteti ### [12.329.6-6](https://indike.org/pramana/in.lit.mahabharata.narayaniya.12.329.6-6) hito devair mānuṣair jagata iti ### [12.329.6-7](https://indike.org/pramana/in.lit.mahabharata.narayaniya.12.329.6-7) agnir hi yajñānāṃ hotā kartā ### [12.329.6-8](https://indike.org/pramana/in.lit.mahabharata.narayaniya.12.329.6-8) sa cāgnir brahma ### [12.329.7-1](https://indike.org/pramana/in.lit.mahabharata.narayaniya.12.329.7-1) na hy ete mantrād dhavanam asti ### [12.329.7-2](https://indike.org/pramana/in.lit.mahabharata.narayaniya.12.329.7-2) na vinā puruṣaṃ tapaḥ saṃbhavati ### [12.329.7-3](https://indike.org/pramana/in.lit.mahabharata.narayaniya.12.329.7-3) havir mantrāṇāṃ saṃpūjā vidyate devamanuṣyāṇām anena tvaṃ hoteti niyuktaḥ ### [12.329.7-4](https://indike.org/pramana/in.lit.mahabharata.narayaniya.12.329.7-4) ye ca mānuṣā hotrādhikārās te ca ### [12.329.7-5](https://indike.org/pramana/in.lit.mahabharata.narayaniya.12.329.7-5) brāhmaṇasya hi yājanaṃ vidhīyate na kṣatravaiśyayor dvijātyoḥ ### [12.329.7-6](https://indike.org/pramana/in.lit.mahabharata.narayaniya.12.329.7-6) tasmād brāhmaṇā hy agnibhūtā yajñān udvahanti ### [12.329.7-7](https://indike.org/pramana/in.lit.mahabharata.narayaniya.12.329.7-7) yajñā devāṃs tarpayanti devāḥ pṛthivīṃ bhāvayanti ### [12.329.8-1](https://indike.org/pramana/in.lit.mahabharata.narayaniya.12.329.8-1) śatapathe hi brāhmaṇaṃ bhavati ### [12.329.8-2](https://indike.org/pramana/in.lit.mahabharata.narayaniya.12.329.8-2) agnau samiddhe sa juhoti yo vidvān brāhmaṇamukhe dānāhutiṃ juhoti ### [12.329.8-3](https://indike.org/pramana/in.lit.mahabharata.narayaniya.12.329.8-3) evam apy agnibhūtā brāhmaṇā vidvāṃso 'gniṃ bhāvayanti ### [12.329.8-4](https://indike.org/pramana/in.lit.mahabharata.narayaniya.12.329.8-4) agnir viṣṇuḥ sarvabhūtāny anupraviśya prāṇān dhārayati ### [12.329.8-5](https://indike.org/pramana/in.lit.mahabharata.narayaniya.12.329.8-5) api cātra sanatkumāragītāḥ ślokā bhavanti ### [12.329.9](https://indike.org/pramana/in.lit.mahabharata.narayaniya.12.329.9) viśvaṃ brahmāsṛjat pūrvaṃ sarvādir niravaskaram brahmaghoṣair divaṃ tiṣṭhanty amarā brahmayonayaḥ // ### [12.329.10](https://indike.org/pramana/in.lit.mahabharata.narayaniya.12.329.10) brāhmaṇānāṃ matir vākyaṃ karma śraddhā tapāṃsi ca dhārayanti mahīṃ dyāṃ ca śaityād vāry amṛtaṃ yathā // ### [12.329.11](https://indike.org/pramana/in.lit.mahabharata.narayaniya.12.329.11) nāsti satyāt paro dharmo nāsti mātṛsamo guruḥ brāhmaṇebhyaḥ paraṃ nāsti pretya ceha ca bhūtaye // ### [12.329.12](https://indike.org/pramana/in.lit.mahabharata.narayaniya.12.329.12) naiṣām ukṣā vardhate nota vāhā na gargaro mathyate saṃpradāne apadhvastā dasyubhūtā bhavanti yeṣāṃ rāṣṭre brāhmaṇā vṛttihīnāḥ ### [12.329.13-1](https://indike.org/pramana/in.lit.mahabharata.narayaniya.12.329.13-1) vedapurāṇetihāsaprāmāṇyān nārāyaṇamukhodgatāḥ sarvātmānaḥ sarvakartāraḥ sarvabhāvanāś ca brāhmaṇāḥ ### [12.329.13-2](https://indike.org/pramana/in.lit.mahabharata.narayaniya.12.329.13-2) vāksamakālaṃ hi tasya devasya varapradasya brāhmaṇāḥ prathamaṃ prādurbhūtā brāhmaṇebhyaś ca śeṣā varṇāḥ prādurbhūtāḥ ### [12.329.13-3](https://indike.org/pramana/in.lit.mahabharata.narayaniya.12.329.13-3) itthaṃ ca surāsuraviśiṣṭā brāhmaṇā yadā mayā brahmabhūtena purā svayam evotpāditāḥ surāsuramahar2ṣayo bhūtaviśeṣāḥ sthāpitā nigṛhītāś ca ### [12.329.14-1](https://indike.org/pramana/in.lit.mahabharata.narayaniya.12.329.14-1) ahalyādharṣaṇanimittaṃ hi gautamād dhariśmaśrutām indraḥ prāptaḥ ### [12.329.14-2](https://indike.org/pramana/in.lit.mahabharata.narayaniya.12.329.14-2) kauśikanimittaṃ cendro muṣkaviyogaṃ meṣavṛṣaṇatvaṃ cāvāpa ### [12.329.14-3](https://indike.org/pramana/in.lit.mahabharata.narayaniya.12.329.14-3) aśvinor grahapratiṣedhodyatavajrasya puraṃdarasya cyavanena stambhito bāhuḥ ### [12.329.14-4](https://indike.org/pramana/in.lit.mahabharata.narayaniya.12.329.14-4) kratuvadhaprāptamanyunā ca dakṣeṇa bhūyas tapasā cātmānaṃ saṃyojya netrākṛtir anyā lalāṭe rudrasyotpāditā ### [12.329.15-1](https://indike.org/pramana/in.lit.mahabharata.narayaniya.12.329.15-1) tripuravadhārthaṃ dīkṣām abhyupagatasya rudrasyośanasā śiraso jaṭā utkṛtya prayuktāḥ ### [12.329.15-2](https://indike.org/pramana/in.lit.mahabharata.narayaniya.12.329.15-2) tataḥ prādurbhūtā bhujagāḥ\_1 ### [12.329.15-3](https://indike.org/pramana/in.lit.mahabharata.narayaniya.12.329.15-3) tair asya bhujagaiḥ\_1 pīḍyamānaḥ kaṇṭho nīlatām upanītaḥ ### [12.329.15-4](https://indike.org/pramana/in.lit.mahabharata.narayaniya.12.329.15-4) pūrve ca manvantare svāyaṃbhuve nārāyaṇahastabandhagrahaṇān nīlakaṇṭhatvam eva vā ### [12.329.16-1](https://indike.org/pramana/in.lit.mahabharata.narayaniya.12.329.16-1) amṛtotpādane puraścaraṇatām upagatasyāṅgiraso bṛhaspater upaspṛśato na prasādaṃ gatavatyaḥ kilāpaḥ ### [12.329.16-2](https://indike.org/pramana/in.lit.mahabharata.narayaniya.12.329.16-2) atha bṛhaspatir apāṃ cukrodha ### [12.329.16-3](https://indike.org/pramana/in.lit.mahabharata.narayaniya.12.329.16-3) yasmān mamopaspṛśataḥ kaluṣībhūtā na prasādam upagatās tasmād adyaprabhṛti jhaṣamakaramatsyakacchapajantusaṃkīrṇāḥ kaluṣībhavateti ### [12.329.16-4](https://indike.org/pramana/in.lit.mahabharata.narayaniya.12.329.16-4) tadāprabhṛty āpo yādobhiḥ saṃkīrṇāḥ saṃvṛttāḥ ### [12.329.17-1](https://indike.org/pramana/in.lit.mahabharata.narayaniya.12.329.17-1) viśvarūpo vai tvāṣṭraḥ purohito devānām āsīt svasrīyo 'surāṇām ### [12.329.17-2](https://indike.org/pramana/in.lit.mahabharata.narayaniya.12.329.17-2) sa pratyakṣaṃ devebhyo bhāgam adadat paroakṣam asurebhyaḥ ### [12.329.18-1](https://indike.org/pramana/in.lit.mahabharata.narayaniya.12.329.18-1) atha hiraṇyakaśipuṃ puraskṛtya\_1 viśvarūpamātaraṃ svasāram asurā varam ayācanta ### [12.329.18-2](https://indike.org/pramana/in.lit.mahabharata.narayaniya.12.329.18-2) he svasar ayaṃ te putras tvāṣṭro viśvarūpas triśirā devānāṃ purohitaḥ pratyakṣaṃ devebhyo bhāgam adadat paroakṣam asmākam ### [12.329.18-3](https://indike.org/pramana/in.lit.mahabharata.narayaniya.12.329.18-3) tato devā vardhante vayaṃ kṣīyāmaḥ ### [12.329.18-4](https://indike.org/pramana/in.lit.mahabharata.narayaniya.12.329.18-4) tad enaṃ tvaṃ vārayitum arhasi tathā yathāsmān bhajed iti ### [12.329.19-1](https://indike.org/pramana/in.lit.mahabharata.narayaniya.12.329.19-1) atha viśvarūpaṃ nandanavanam upagataṃ mātovāca ### [12.329.19-2](https://indike.org/pramana/in.lit.mahabharata.narayaniya.12.329.19-2) putra kiṃ parapakṣavardhanas tvaṃ mātulapakṣaṃ nāśayasi ### [12.329.19-3](https://indike.org/pramana/in.lit.mahabharata.narayaniya.12.329.19-3) nārhasy evaṃ kartum iti ### [12.329.19-4](https://indike.org/pramana/in.lit.mahabharata.narayaniya.12.329.19-4) sa viśvarūpo mātur vākyam anatikramaṇīyam iti matvā saṃpūjya hiraṇyakaśipum agāt ### [12.329.20-1](https://indike.org/pramana/in.lit.mahabharata.narayaniya.12.329.20-1) hairaṇyagarbhāc ca vasiṣṭhād dhiraṇyakaśipuḥ śāpaṃ prāptavān ### [12.329.20-2](https://indike.org/pramana/in.lit.mahabharata.narayaniya.12.329.20-2) yasmāt tvayānyo vṛto hotā tasmād asamāptayajñas tvam apūrvāt sattvajātād vadhaṃ prāpsyasīti ### [12.329.20-3](https://indike.org/pramana/in.lit.mahabharata.narayaniya.12.329.20-3) tacchāpadānād dhiraṇyakaśipuḥ prāptavān vadham ### [12.329.21-1](https://indike.org/pramana/in.lit.mahabharata.narayaniya.12.329.21-1) viśvarūpo mātṛpakṣavardhano 'tyarthaṃ tapasy abhavat ### [12.329.21-2](https://indike.org/pramana/in.lit.mahabharata.narayaniya.12.329.21-2) tasya vratabhaṅgārtham indro bahvīḥ śrīmatyo 'psaraso niyuyoja ### [12.329.21-3](https://indike.org/pramana/in.lit.mahabharata.narayaniya.12.329.21-3) tāś ca dṛṣṭvā manaḥ kṣubhitam tasyābhavat tāsu cāpsaraḥsu nacirād eva sakto 'bhavat ### [12.329.21-4](https://indike.org/pramana/in.lit.mahabharata.narayaniya.12.329.21-4) saktaṃ cainaṃ jñātvāpsarasa ūcur gacchāmahe vayaṃ yathāgatam iti ### [12.329.22-1](https://indike.org/pramana/in.lit.mahabharata.narayaniya.12.329.22-1) tās tvāṣṭra uvāca ### [12.329.22-2](https://indike.org/pramana/in.lit.mahabharata.narayaniya.12.329.22-2) kva gamiṣyatha āsyatām tāvan mayā saha śreyo bhaviṣyatīti ### [12.329.22-3](https://indike.org/pramana/in.lit.mahabharata.narayaniya.12.329.22-3) tās tam abruvan ### [12.329.22-4](https://indike.org/pramana/in.lit.mahabharata.narayaniya.12.329.22-4) vayaṃ devastriyo 'psarasa indraṃ varadaṃ purā prabhaviṣṇuṃ vṛṇīmahae iti ### [12.329.23-1](https://indike.org/pramana/in.lit.mahabharata.narayaniya.12.329.23-1) atha tā viśvarūpo 'bravīd adyaiva sendrā devā na bhaviṣyantīti ### [12.329.23-2](https://indike.org/pramana/in.lit.mahabharata.narayaniya.12.329.23-2) tato mantrāñ jajāpa ### [12.329.23-3](https://indike.org/pramana/in.lit.mahabharata.narayaniya.12.329.23-3) tair mantraiḥ prāvardhata triśirāḥ ### [12.329.23-4](https://indike.org/pramana/in.lit.mahabharata.narayaniya.12.329.23-4) ekenāsyena sarvalokeṣu dvijaiḥ kriyāvadbhir yajñeṣu suhutaṃ somaṃ papāv ekenāpa ekena sendrān devān ### [12.329.23-5](https://indike.org/pramana/in.lit.mahabharata.narayaniya.12.329.23-5) athendras taṃ vivardhamānaṃ somapānāpyāyitasarvagātraṃ dṛṣṭvā cintām āpede ### [12.329.24-1](https://indike.org/pramana/in.lit.mahabharata.narayaniya.12.329.24-1) devāś ca te sahendreṇa brahmāṇam abhijagmur ūcuś ca ### [12.329.24-2](https://indike.org/pramana/in.lit.mahabharata.narayaniya.12.329.24-2) viśvarūpeṇa sarvayajñeṣu suhutaḥ somaḥ pīyate ### [12.329.24-3](https://indike.org/pramana/in.lit.mahabharata.narayaniya.12.329.24-3) vayam abhāgāḥ saṃvṛttāḥ ### [12.329.24-4](https://indike.org/pramana/in.lit.mahabharata.narayaniya.12.329.24-4) asurapakṣo vardhate vayaṃ kṣīyāmaḥ ### [12.329.24-5](https://indike.org/pramana/in.lit.mahabharata.narayaniya.12.329.24-5) tad arhasi no vidhātuṃ śreyo yad anantaram iti ### [12.329.25-1](https://indike.org/pramana/in.lit.mahabharata.narayaniya.12.329.25-1) tān brahmovāca ṛṣir bhārgavas tapas tapyate dadhīcaḥ ### [12.329.25-2](https://indike.org/pramana/in.lit.mahabharata.narayaniya.12.329.25-2) sa yācyatāṃ varaṃ yathā kalevaraṃ jahyāt ### [12.329.25-3](https://indike.org/pramana/in.lit.mahabharata.narayaniya.12.329.25-3) tasyāsthibhir vajraṃ kriyatām iti ### [12.329.26-1](https://indike.org/pramana/in.lit.mahabharata.narayaniya.12.329.26-1) devās tatrāgacchan yatra dadhīco bhagavān ṛṣis tapas tepe ### [12.329.26-2](https://indike.org/pramana/in.lit.mahabharata.narayaniya.12.329.26-2) sendrā devās tam abhigamyocur bhagavaṃs tapasaḥ kuśalam avighnaṃ ceti ### [12.329.26-3](https://indike.org/pramana/in.lit.mahabharata.narayaniya.12.329.26-3) tān dadhīca uvāca svāgataṃ bhavadbhyaḥ kiṃ kriyatām ### [12.329.26-4](https://indike.org/pramana/in.lit.mahabharata.narayaniya.12.329.26-4) yad vakṣyatha tat kariṣyāmīti ### [12.329.26-5](https://indike.org/pramana/in.lit.mahabharata.narayaniya.12.329.26-5) te tam abruvañ śarīraparityāgaṃ lokahitārthaṃ bhagavān kartum arhatīti ### [12.329.26-6](https://indike.org/pramana/in.lit.mahabharata.narayaniya.12.329.26-6) atha dadhīcas tathaivā-vimanāḥ sukhaduḥkhasamo mahāyogī ātmānaṃ samādhāya śarīraparityāgaṃ cakāra ### [12.329.27-1](https://indike.org/pramana/in.lit.mahabharata.narayaniya.12.329.27-1) tasya paramātmany avasṛte tāny asthīni dhātā saṃgṛhya vajram akarot ### [12.329.27-2](https://indike.org/pramana/in.lit.mahabharata.narayaniya.12.329.27-2) tena vajreṇā-bhedyenā-pradhṛṣyeṇa brahmāsthisaṃbhūtena viṣṇupraviṣṭenendro viśvarūpaṃ jaghāna ### [12.329.27-3](https://indike.org/pramana/in.lit.mahabharata.narayaniya.12.329.27-3) śirasāṃ cāsya chedanam akarot ### [12.329.27-4](https://indike.org/pramana/in.lit.mahabharata.narayaniya.12.329.27-4) tasmād anantaraṃ viśvarūpagātramathanasaṃbhavaṃ tvaṣṭrotpāditam evāriṃ vṛtram indro jaghāna ### [12.329.28-1](https://indike.org/pramana/in.lit.mahabharata.narayaniya.12.329.28-1) tasyāṃ dvaidhībhūtāyāṃ brahmavadhyāyāṃ bhayād indro devarājyaṃ parityajya apsusaṃbhavāṃ śītalāṃ mānasasarogatāṃ nalinīṃ apsu ### [12.329.28-2](https://indike.org/pramana/in.lit.mahabharata.narayaniya.12.329.28-2) tatra caiśvaryayogād aṇumātro bhūtvā bisagranthiṃ praviveśa ### [12.329.29-1](https://indike.org/pramana/in.lit.mahabharata.narayaniya.12.329.29-1) atha brahmavadhyābhayapranaṣṭe trailokyanāthe śacīpatau jagad anīśvaraṃ babhūva ### [12.329.29-2](https://indike.org/pramana/in.lit.mahabharata.narayaniya.12.329.29-2) devān rajas tamaś cāviveśa ### [12.329.29-3](https://indike.org/pramana/in.lit.mahabharata.narayaniya.12.329.29-3) mantrā na prāvartanta mahar2ṣīṇāṃ ### [12.329.29-4](https://indike.org/pramana/in.lit.mahabharata.narayaniya.12.329.29-4) rakṣāṃsi prādur abhavan ### [12.329.29-5](https://indike.org/pramana/in.lit.mahabharata.narayaniya.12.329.29-5) brahma cotsādanaṃ jagāma ### [12.329.29-6](https://indike.org/pramana/in.lit.mahabharata.narayaniya.12.329.29-6) anindrāś cā-balā lokāḥ supradhṛṣyā babhūvuḥ ### [12.329.30-1](https://indike.org/pramana/in.lit.mahabharata.narayaniya.12.329.30-1) atha devā ṛṣayaś cāyuṣaḥ putraṃ nahuṣaṃ nāma devarājatve 'bhiṣiṣicuḥ ### [12.329.30-2](https://indike.org/pramana/in.lit.mahabharata.narayaniya.12.329.30-2) nahuṣaḥ pañcabhiḥ śatair jyotiṣāṃ lalāṭe jvaladbhiḥ sarvatejoharais triviṣṭapaṃ pālayāṃ babhūva ### [12.329.30-3](https://indike.org/pramana/in.lit.mahabharata.narayaniya.12.329.30-3) atha lokāḥ prakṛtim āpedire svasthāś ca babhūvuḥ ### [12.329.31-1](https://indike.org/pramana/in.lit.mahabharata.narayaniya.12.329.31-1) athovāca nahuṣaḥ ### [12.329.31-2](https://indike.org/pramana/in.lit.mahabharata.narayaniya.12.329.31-2) sarvaṃ māṃ śakropabhuktam upasthitam ṛte śacīm iti ### [12.329.31-3](https://indike.org/pramana/in.lit.mahabharata.narayaniya.12.329.31-3) sa evam uktvā śacīsamīpam agamad uvāca cainām ### [12.329.31-4](https://indike.org/pramana/in.lit.mahabharata.narayaniya.12.329.31-4) subhage 'ham indro devānāṃ bhajasva mām iti ### [12.329.31-5](https://indike.org/pramana/in.lit.mahabharata.narayaniya.12.329.31-5) taṃ śacī pratyuvāca ### [12.329.31-6](https://indike.org/pramana/in.lit.mahabharata.narayaniya.12.329.31-6) prakṛtyā tvaṃ dharmavatsalaḥ somavaṃśodbhavaś ca ### [12.329.31-7](https://indike.org/pramana/in.lit.mahabharata.narayaniya.12.329.31-7) nārhasi parapatnīdharṣaṇaṃ kartum iti ### [12.329.32-1](https://indike.org/pramana/in.lit.mahabharata.narayaniya.12.329.32-1) tām athovāca nahuṣaḥ ### [12.329.32-2](https://indike.org/pramana/in.lit.mahabharata.narayaniya.12.329.32-2) aindraṃ padam adhyāsyate mayā ### [12.329.32-3](https://indike.org/pramana/in.lit.mahabharata.narayaniya.12.329.32-3) aham indrasya rājyaratnaharo nātrā-dharmaḥ kaścit tvam indrabhukteti ### [12.329.32-4](https://indike.org/pramana/in.lit.mahabharata.narayaniya.12.329.32-4) sā tam uvāca ### [12.329.32-5](https://indike.org/pramana/in.lit.mahabharata.narayaniya.12.329.32-5) asti mama kiṃcid vratam aparyavasitam ### [12.329.32-6](https://indike.org/pramana/in.lit.mahabharata.narayaniya.12.329.32-6) tasyāvabhṛthe tvām upagamiṣyāmi kaiścid evāhobhir iti ### [12.329.32-7](https://indike.org/pramana/in.lit.mahabharata.narayaniya.12.329.32-7) sa śacyaivam abhihito nahuṣo jagāma ### [12.329.33-1](https://indike.org/pramana/in.lit.mahabharata.narayaniya.12.329.33-1) atha śacī duḥkhaśokārtā bhartṛdarśanalālasā nahuṣabhayagṛhītā bṛhaspatim upāgacchat ### [12.329.33-2](https://indike.org/pramana/in.lit.mahabharata.narayaniya.12.329.33-2) sa ca tām abhigatāṃ dṛṣṭvaiva dhyānaṃ praviśya bhartṛkāryatatparāṃ jñātvā bṛhaspatir uvāca ### [12.329.33-3](https://indike.org/pramana/in.lit.mahabharata.narayaniya.12.329.33-3) anenaiva vratena tapasā cānvitā devīṃ varadām upaśrutim āhvaya ### [12.329.33-4](https://indike.org/pramana/in.lit.mahabharata.narayaniya.12.329.33-4) sā tavendraṃ darśayiṣyatīti ### [12.329.34-1](https://indike.org/pramana/in.lit.mahabharata.narayaniya.12.329.34-1) sātha mahāniyamam āsthitā devīṃ varadām upaśrutiṃ mantrair āhvayat ### [12.329.34-2](https://indike.org/pramana/in.lit.mahabharata.narayaniya.12.329.34-2) sopaśrutiḥ śacīsamīpam agāt ### [12.329.34-3](https://indike.org/pramana/in.lit.mahabharata.narayaniya.12.329.34-3) uvāca cainām iyam asmi tvayopahūtopasthitā kiṃ te priyaṃ karavāṇīti ### [12.329.34-4](https://indike.org/pramana/in.lit.mahabharata.narayaniya.12.329.34-4) tāṃ mūrdhnā praṇamyovāca śacī bhagavaty arhasi me bhartāraṃ darśayituṃ tvaṃ satyā matā ceti ### [12.329.34-5](https://indike.org/pramana/in.lit.mahabharata.narayaniya.12.329.34-5) saināṃ mānasaṃ saro 'nayat ### [12.329.34-6](https://indike.org/pramana/in.lit.mahabharata.narayaniya.12.329.34-6) tatrendraṃ bisagranthigatam adarśayat ### [12.329.35-1](https://indike.org/pramana/in.lit.mahabharata.narayaniya.12.329.35-1) tām indraḥ patnīṃ kṛśāṃ glānāṃ ca dṛṣṭvā cintayāṃ babhūva ### [12.329.35-2](https://indike.org/pramana/in.lit.mahabharata.narayaniya.12.329.35-2) aho mama mahad duḥkham idam adyopagatam ### [12.329.35-3](https://indike.org/pramana/in.lit.mahabharata.narayaniya.12.329.35-3) naṣṭaṃ hi mām iyam anviṣyopāgamad duḥkhārteti ### [12.329.35-4](https://indike.org/pramana/in.lit.mahabharata.narayaniya.12.329.35-4) tām indra uvāca kathaṃ vartayasīti ### [12.329.35-5](https://indike.org/pramana/in.lit.mahabharata.narayaniya.12.329.35-5) sā tam uvāca ### [12.329.35-6](https://indike.org/pramana/in.lit.mahabharata.narayaniya.12.329.35-6) nahuṣo mām āhvayati ### [12.329.35-7](https://indike.org/pramana/in.lit.mahabharata.narayaniya.12.329.35-7) kālaś cāsya mayā kṛta iti ### [12.329.36-1](https://indike.org/pramana/in.lit.mahabharata.narayaniya.12.329.36-1) tām indra uvāca ### [12.329.36-2](https://indike.org/pramana/in.lit.mahabharata.narayaniya.12.329.36-2) gaccha ### [12.329.36-3](https://indike.org/pramana/in.lit.mahabharata.narayaniya.12.329.36-3) nahuṣas tvayā vācyo 'pūrveṇa mām ṛṣiyuktena yānena tvam adhirūḍha udvahasva ### [12.329.36-4](https://indike.org/pramana/in.lit.mahabharata.narayaniya.12.329.36-4) indrasya hi mahānti vāhanāni manasaḥ priyāṇy adhirūḍhāni mayā ### [12.329.36-5](https://indike.org/pramana/in.lit.mahabharata.narayaniya.12.329.36-5) tvam anyenopayātum arhasīti ### [12.329.36-6](https://indike.org/pramana/in.lit.mahabharata.narayaniya.12.329.36-6) saivam uktā hṛṣṭā jagāma ### [12.329.36-7](https://indike.org/pramana/in.lit.mahabharata.narayaniya.12.329.36-7) indro 'pi bisagranthim evāviveśa bhūyaḥ ### [12.329.37-1](https://indike.org/pramana/in.lit.mahabharata.narayaniya.12.329.37-1) athendrāṇim abhyāgatāṃ dṛṣṭvovāca nahuṣaḥ pūrṇaḥ sa kāla iti ### [12.329.37-2](https://indike.org/pramana/in.lit.mahabharata.narayaniya.12.329.37-2) taṃ śacy abravīc chakreṇa yathoktam ### [12.329.37-3](https://indike.org/pramana/in.lit.mahabharata.narayaniya.12.329.37-3) sa mahar2ṣiyuktaṃ vāhanam adhirūḍhaḥ śacīsamīpam upāgacchat ### [12.329.38-1](https://indike.org/pramana/in.lit.mahabharata.narayaniya.12.329.38-1) atha maitrāvaruṇiḥ kumbhayonir agastyo mahar2ṣīn vikriyamāṇāṃs tān nahuṣeṇāpaśyat ### [12.329.38-2](https://indike.org/pramana/in.lit.mahabharata.narayaniya.12.329.38-2) padbhyāṃ ca tenāspṛśyata ### [12.329.38-3](https://indike.org/pramana/in.lit.mahabharata.narayaniya.12.329.38-3) tataḥ sa nahuṣam abravīd akāryapravṛtta pāpa patasva mahīm ### [12.329.38-4](https://indike.org/pramana/in.lit.mahabharata.narayaniya.12.329.38-4) sarpo bhava yāvad bhūmir girayaś ca tiṣṭheyus tāvad iti ### [12.329.38-5](https://indike.org/pramana/in.lit.mahabharata.narayaniya.12.329.38-5) sa mahar2ṣivākyasamakālam eva tasmād yānād avāpatat ### [12.329.39-1](https://indike.org/pramana/in.lit.mahabharata.narayaniya.12.329.39-1) athānindraṃ punas trailokyam abhavat ### [12.329.39-2](https://indike.org/pramana/in.lit.mahabharata.narayaniya.12.329.39-2) tato devā ṛṣayaś ca bhagavantaṃ viṣṇuṃ śaraṇam indrārthe 'bhijagmuḥ ### [12.329.39-3](https://indike.org/pramana/in.lit.mahabharata.narayaniya.12.329.39-3) ūcuś cainaṃ bhagavann indraṃ brahmavadhyābhibhūtaṃ trātum arhasīti ### [12.329.39-4](https://indike.org/pramana/in.lit.mahabharata.narayaniya.12.329.39-4) tataḥ sa varadas tān abravīd aśvamedhaṃ yajñaṃ vaiṣṇavaṃ śakro 'bhiyajatu ### [12.329.39-5](https://indike.org/pramana/in.lit.mahabharata.narayaniya.12.329.39-5) tataḥ svaṃ sthānaṃ prāpsyatīti ### [12.329.40-1](https://indike.org/pramana/in.lit.mahabharata.narayaniya.12.329.40-1) tato devā ṛṣayaś cendraṃ nāpaśyan yadā tadā śacīm ūcur gaccha subhage indram ānayasveti ### [12.329.40-2](https://indike.org/pramana/in.lit.mahabharata.narayaniya.12.329.40-2) sā punas tat saraḥ samabhyagacchat ### [12.329.40-3](https://indike.org/pramana/in.lit.mahabharata.narayaniya.12.329.40-3) indraś ca tasmāt sarasaḥ samutthāya bṛhaspatim abhijagāma ### [12.329.40-4](https://indike.org/pramana/in.lit.mahabharata.narayaniya.12.329.40-4) bṛhaspatiś cāśvamedhaṃ mahākratuṃ śakrāyāharat ### [12.329.40-5](https://indike.org/pramana/in.lit.mahabharata.narayaniya.12.329.40-5) tataḥ kṛṣṇasāraṅgaṃ medhyam aśvam utsṛjya vāhanaṃ tam eva kṛtvā indraṃ marutpatiṃ bṛhaspatiḥ svasthānaṃ prāpayām āsa ### [12.329.41-1](https://indike.org/pramana/in.lit.mahabharata.narayaniya.12.329.41-1) tataḥ sa devarāḍ devair ṛṣibhiḥ stūyamānas triviṣṭapastho niṣkalmaṣo babhūva ### [12.329.41-2](https://indike.org/pramana/in.lit.mahabharata.narayaniya.12.329.41-2) brahmavadhyāṃ caturṣu sthāneṣu vanitāgnivanaspatigoṣu vyabhajat ### [12.329.41-3](https://indike.org/pramana/in.lit.mahabharata.narayaniya.12.329.41-3) evaṃ indro brahmatejaḥprabhāvopabṛṃhitaḥ śatruvadhaṃ kṛtvā svasthānaṃ prāpitaḥ ### [12.329.42-1](https://indike.org/pramana/in.lit.mahabharata.narayaniya.12.329.42-1) ākāśagaṅgāgataś ca purā bharadvājo mahar2ṣir upāspṛśaṃs trīn kramān kramatā viṣṇunābhyāsāditaḥ ### [12.329.42-2](https://indike.org/pramana/in.lit.mahabharata.narayaniya.12.329.42-2) sa bharadvājena sasalilena pāṇinorasi tāḍitaḥ salakṣaṇoraskaḥ saṃvṛttaḥ ### [12.329.43-1](https://indike.org/pramana/in.lit.mahabharata.narayaniya.12.329.43-1) bhṛguṇā mahar2ṣiṇā śapto 'gniḥ sarvabhakṣatvam upanītaḥ // ### [12.329.44-1](https://indike.org/pramana/in.lit.mahabharata.narayaniya.12.329.44-1) aditir vai devānām annam apacad etad bhuktvāsurān haniṣyantīti ### [12.329.44-2](https://indike.org/pramana/in.lit.mahabharata.narayaniya.12.329.44-2) tatra budho vratacaryāsamāptāv āgacchat ### [12.329.44-3](https://indike.org/pramana/in.lit.mahabharata.narayaniya.12.329.44-3) aditiṃ cāvocad bhikṣāṃ dehīti ### [12.329.44-4](https://indike.org/pramana/in.lit.mahabharata.narayaniya.12.329.44-4) tatra devaiḥ pūrvam etat prāśyaṃ nānyenety aditir bhikṣāṃ nādāt ### [12.329.44-5](https://indike.org/pramana/in.lit.mahabharata.narayaniya.12.329.44-5) atha bhikṣāpratyākhyānaruṣitena budhena brahmabhūtena vivasvato dvitīye janmany aṇḍasaṃjñitasyāṇḍaṃ māritam adityāḥ ### [12.329.44-6](https://indike.org/pramana/in.lit.mahabharata.narayaniya.12.329.44-6) sa mārtaṇḍo vivasvān abhavac chrāddhadevaḥ ### [12.329.45-1](https://indike.org/pramana/in.lit.mahabharata.narayaniya.12.329.45-1) dakṣasya vai duhitaraḥ ṣaṣṭir āsan ### [12.329.45-2](https://indike.org/pramana/in.lit.mahabharata.narayaniya.12.329.45-2) tābhyaḥ kaśyapāya trayodaśa prādād daśa dharmāya daśa manave saptaviṃśatim indave ### [12.329.45-3](https://indike.org/pramana/in.lit.mahabharata.narayaniya.12.329.45-3) tāsu tulyāsu nakṣatrākhyāṃ gatāsu somo rohiṇyām abhyadhikāṃ prītim akarot ### [12.329.45-4](https://indike.org/pramana/in.lit.mahabharata.narayaniya.12.329.45-4) tatas tāḥ śeṣāḥ patnya īrṣyāvatyaḥ pituḥ samīpaṃ somo rohiṇīm adhikaṃ bhajatīti ### [12.329.45-5](https://indike.org/pramana/in.lit.mahabharata.narayaniya.12.329.45-5) so 'bravīd yakṣmainam āvekṣyatīti ### [12.329.46-1](https://indike.org/pramana/in.lit.mahabharata.narayaniya.12.329.46-1) dakṣaśāpāt somaṃ rājānaṃ yakṣmāviveśa ### [12.329.46-2](https://indike.org/pramana/in.lit.mahabharata.narayaniya.12.329.46-2) sa yakṣmaṇāviṣṭo dakṣam agamat ### [12.329.46-3](https://indike.org/pramana/in.lit.mahabharata.narayaniya.12.329.46-3) dakṣaś cainam abravīn na samaṃ vartasae iti ### [12.329.46-4](https://indike.org/pramana/in.lit.mahabharata.narayaniya.12.329.46-4) tatrar7ṣayaḥ somam abruvan kṣīyase yakṣmaṇā ### [12.329.46-5](https://indike.org/pramana/in.lit.mahabharata.narayaniya.12.329.46-5) paścimasyāṃ diśi samudre hiraṇyasarastīrtham ### [12.329.46-6](https://indike.org/pramana/in.lit.mahabharata.narayaniya.12.329.46-6) tatra gatvātmānam abhiṣecayasveti ### [12.329.46-7](https://indike.org/pramana/in.lit.mahabharata.narayaniya.12.329.46-7) athāgacchat somas tatra hiraṇyasarastīrtham ### [12.329.46-8](https://indike.org/pramana/in.lit.mahabharata.narayaniya.12.329.46-8) gatvā cātmānaḥ snapanam akarot (!) ### [12.329.46-9](https://indike.org/pramana/in.lit.mahabharata.narayaniya.12.329.46-9) snātvā cātmānaṃ pāpmano mokṣayām āsa (!) ### [12.329.46-91](https://indike.org/pramana/in.lit.mahabharata.narayaniya.12.329.46-91) tatra cāvabhāsitas tīrthe yadā somas tadāprabhṛti tīrthaṃ tat prabhāsam iti nāmnā khyātaṃ babhūva (!) ### [12.329.46-92](https://indike.org/pramana/in.lit.mahabharata.narayaniya.12.329.46-92) tacchāpād adyāpi kṣīyate somo 'māvāsyāntarasthaḥ (!) _First 200 of 223 passages. [Read on](https://indike.org/pramana/in.lit.mahabharata.narayaniya.12.329)_ ## Linked texts (2) - [Critical edition (BORI)](https://indike.org/pramana/in.lit.mahabharata.vyasa*crit.12.329.1) — Sanskrit - [Mokṣadharma](https://indike.org/pramana/in.purana.moksadharma.73.1) — Nārāyaṇa, Sanskrit --- Source: [https://indike.org/pramana/in.lit.mahabharata.narayaniya.12.329](https://indike.org/pramana/in.lit.mahabharata.narayaniya.12.329) · Pramāṇa