[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [The Nārāyaṇa section of the Śāntiparvan](https://indike.org/pramana/in.lit.mahabharata.narayaniya) › 12.331 # The Nārāyaṇa section of the Śāntiparvan 12.331 Nārāyaṇīya 12.331 - **Language:** Sanskrit ### [12.331.1](https://indike.org/pramana/in.lit.mahabharata.narayaniya.12.331.1) janam-ejaya uvāca: brahman sumahad ākhyānaṃ bhavatā parikīrtitam yac chrutvā munayaḥ sarve vismayaṃ paramaṃ gatāḥ // ### [12.331.2](https://indike.org/pramana/in.lit.mahabharata.narayaniya.12.331.2) idaṃ śatasahasrād dhi bhāratākhyānavistarāt āmathya matimanthena jñānodadhim anuttamam // ### [12.331.3](https://indike.org/pramana/in.lit.mahabharata.narayaniya.12.331.3) navanītaṃ yathā dadhno malayāc candanaṃ yathā āraṇyakaṃ ca vedebhya oṣadhibhyo 'mṛtaṃ yathā // ### [12.331.4](https://indike.org/pramana/in.lit.mahabharata.narayaniya.12.331.4) samuddhṛtam idaṃ brahman kathā-mṛtam anuttamam taponidhe tvayoktaṃ hi nārāyaṇakathāśrayam // ### [12.331.5](https://indike.org/pramana/in.lit.mahabharata.narayaniya.12.331.5) sa hīśo bhagavān devaḥ sarvabhūtātmabhāvanaḥ aho nārāyaṇaṃ tejo durdarśaṃ dvijasattama // ### [12.331.6](https://indike.org/pramana/in.lit.mahabharata.narayaniya.12.331.6) yatrāviśanti kalpānte sarve brahmādayaḥ surāḥ ṛṣayaś ca sagandharvā yac ca kiṃcic carā-caram na tato 'sti paraṃ manye pāvanaṃ divi ceha ca // ### [12.331.7](https://indike.org/pramana/in.lit.mahabharata.narayaniya.12.331.7) sarvāśramābhigamanaṃ sarvatīrthāvagāhanam na tathā phaladaṃ cāpi nārāyaṇakathā yathā // ### [12.331.8](https://indike.org/pramana/in.lit.mahabharata.narayaniya.12.331.8) sarvathā pāvitāḥ smeha śrutvemām āditaḥ kathām harer viśveśvarasyeha sarvapāpapraṇāśanīm // ### [12.331.9](https://indike.org/pramana/in.lit.mahabharata.narayaniya.12.331.9) na citraṃ kṛtavāṃs tatra yad āryo me dhanaṃjayaḥ vāsudevasahāyo yaḥ prāptavāñ jayam uttamam // ### [12.331.10](https://indike.org/pramana/in.lit.mahabharata.narayaniya.12.331.10) na cāsya kiṃcid aprāpyaṃ manye lokeṣv api triṣu trailokyanātho viṣṇuḥ sa yasyāsīt sāhyakṛt sakhā // ### [12.331.11](https://indike.org/pramana/in.lit.mahabharata.narayaniya.12.331.11) dhanyāś ca sarvae evāsan brahmaṃs te mama pūrvakāḥ hitāya śreyase caiva yeṣām āsīj janārdanaḥ // ### [12.331.12](https://indike.org/pramana/in.lit.mahabharata.narayaniya.12.331.12) tapasāpi na dṛśyo hi bhagavāṃl lokapūjitaḥ yaṃ dṛṣṭavantas te sākṣāc chrīvatsāṅkavibhūṣaṇam // ### [12.331.13](https://indike.org/pramana/in.lit.mahabharata.narayaniya.12.331.13) tebhyo dhanyataraś caiva nāradaḥ parameṣṭhijaḥ na cālpatejasam ṛṣiṃ vedmi nāradam avyayam śvetadvīpaṃ samāsādya yena dṛṣṭaḥ svayaṃ hariḥ // ### [12.331.14](https://indike.org/pramana/in.lit.mahabharata.narayaniya.12.331.14) devaprasādānugataṃ vyaktaṃ tat tasya darśanam yad dṛṣṭavāṃs tadā devam aniruddhatanau sthitam // ### [12.331.15](https://indike.org/pramana/in.lit.mahabharata.narayaniya.12.331.15) badarīm āśramaṃ yat tu nāradaḥ prādravat punaḥ naranārāyaṇau draṣṭuṃ kiṃ nu tatkāraṇaṃ mune // ### [12.331.16](https://indike.org/pramana/in.lit.mahabharata.narayaniya.12.331.16) śvetadvīpān nivṛttaś ca nāradaḥ parameṣṭhijaḥ badarīm āśramaṃ prāpya samāgamya ca tāv ṛṣī // ### [12.331.17](https://indike.org/pramana/in.lit.mahabharata.narayaniya.12.331.17) kiyantaṃ kālam avasat kāḥ kathāḥ pṛṣṭavāṃś ca saḥ śvetadvīpād upāvṛtte tasmin vā sumahātmani // ### [12.331.18](https://indike.org/pramana/in.lit.mahabharata.narayaniya.12.331.18) kim abrūtāṃ mahātmānau naranārāyaṇāv ṛṣī tad etan me yathātattvaṃ sarvam ākhyātum arhasi // ### [12.331.19](https://indike.org/pramana/in.lit.mahabharata.narayaniya.12.331.19) vaiśaṃpāyana uvāca: namo bhagavate tasmai vyāsāyā-mitatejase yasya prasādād vakṣyāmi nārāyaṇakathām imām // ### [12.331.20](https://indike.org/pramana/in.lit.mahabharata.narayaniya.12.331.20) prāpya śvetaṃ mahādvīpaṃ dṛṣṭvā ca harim avyayam nivṛtto nārado rājaṃs tarasā merum āgamat hṛdayenodvahan bhāraṃ yad uktaṃ paramātmanā // ### [12.331.21](https://indike.org/pramana/in.lit.mahabharata.narayaniya.12.331.21) paścād asyābhavad rājann ātmanaḥ sādhvasaṃ mahat yad gatvā dūram adhvānaṃ kṣemī punar ihāgataḥ // ### [12.331.22](https://indike.org/pramana/in.lit.mahabharata.narayaniya.12.331.22) tato meroḥ pracakrāma parvataṃ gandhamādanam nipapāta ca khāt tūrṇaṃ viśālāṃ badarīm anu // ### [12.331.23](https://indike.org/pramana/in.lit.mahabharata.narayaniya.12.331.23) tataḥ sa dadṛśe devau purāṇāv ṛṣisattamau tapaś carantau sumahad ātmaniṣṭhau mahāvratau // ### [12.331.24](https://indike.org/pramana/in.lit.mahabharata.narayaniya.12.331.24) tejasābhyadhikau sūryāt sarvalokavirocanāt śrīvatsalakṣaṇau pūjyau jaṭāmaṇḍaladhāriṇau // ### [12.331.25](https://indike.org/pramana/in.lit.mahabharata.narayaniya.12.331.25) jālapādabhujau\_2 tau tu pādayoś cakralakṣaṇau vyūḍhoraskau dīrghabhujau\_2 tathā muṣkacatuṣkiṇau // ### [12.331.26](https://indike.org/pramana/in.lit.mahabharata.narayaniya.12.331.26) ṣaṣṭidantāv aṣṭadaṃṣṭrau meghaughasadṛśasvanau svāsyau pṛthulalāṭau ca suhanū subhrunāsikau // ### [12.331.27](https://indike.org/pramana/in.lit.mahabharata.narayaniya.12.331.27) ātapatreṇa sadṛśe śirasī devayos tayoḥ evaṃ lakṣaṇasaṃpannau mahāpuruṣasaṃjñitau // ### [12.331.28](https://indike.org/pramana/in.lit.mahabharata.narayaniya.12.331.28) tau dṛṣṭvā nārado hṛṣṭas tābhyāṃ ca pratipūjitaḥ svāgatenābhibhāṣyātha pṛṣṭaś cānāmayaṃ tadā // ### [12.331.29](https://indike.org/pramana/in.lit.mahabharata.narayaniya.12.331.29) babhūvāntargatamatir nirīkṣya puruṣottamau sadogatās tatra ye vai sarvabhūtanamaskṛtāḥ // ### [12.331.30](https://indike.org/pramana/in.lit.mahabharata.narayaniya.12.331.30) śvetadvīpe mayā dṛṣṭās tādṛśāv ṛṣisattamau iti saṃcintya manasā kṛtvā cābhipradakṣiṇam upopaviveśe tatra pīṭhe kuśamaye śubhe // ### [12.331.31](https://indike.org/pramana/in.lit.mahabharata.narayaniya.12.331.31) tatas tau tapasāṃ vāsau yaśasāṃ tejasām api ṛṣī śamadamopetau kṛtvā pūrvāhṇikaṃ vidhim // ### [12.331.32](https://indike.org/pramana/in.lit.mahabharata.narayaniya.12.331.32) paścān nāradam avyagrau pādyārghyābhyāṃ prapūjya ca pīṭhayoś copaviṣṭau tau kṛtātithyāhnikau nṛpa\_2 // ### [12.331.33](https://indike.org/pramana/in.lit.mahabharata.narayaniya.12.331.33) teṣu tatropaviṣṭeṣu sa deśo 'bhivyarājata ājyāhutimahājvālair yajñavāṭo 'gnibhir yathā // ### [12.331.34](https://indike.org/pramana/in.lit.mahabharata.narayaniya.12.331.34) atha nārāyaṇas tatra nāradaṃ vākyam abravīt sukhopaviṣṭaṃ viśrāntaṃ kṛtātithyaṃ sukhasthitam // ### [12.331.35](https://indike.org/pramana/in.lit.mahabharata.narayaniya.12.331.35) apīdānīṃ sa bhagavān paramātmā sanātanaḥ śvetadvīpe tvayā dṛṣṭa āvayoḥ prakṛtiḥ parā // ### [12.331.36](https://indike.org/pramana/in.lit.mahabharata.narayaniya.12.331.36) nārada uvāca: dṛṣṭo me puruṣaḥ śrīmān viśvarūpadharo 'vyayaḥ sarve hi lokās tatrasthās tathā devāḥ sahar1ṣibhiḥ adyāpi cainaṃ paśyāmi yuvāṃ paśyan sanātanau // ### [12.331.37](https://indike.org/pramana/in.lit.mahabharata.narayaniya.12.331.37) yair lakṣaṇair upetaḥ sa harir avyaktarūpadhṛk tair lakṣaṇair upetau hi vyaktarūpadharau yuvām // ### [12.331.38](https://indike.org/pramana/in.lit.mahabharata.narayaniya.12.331.38) dṛṣṭau mayā yuvāṃ tatra tasya devasya pārśvataḥ iha caivāgato 'smy adya visṛṣṭaḥ paramātmanā // ### [12.331.39](https://indike.org/pramana/in.lit.mahabharata.narayaniya.12.331.39) ko hi nāma bhavet tasya tejasā yaśasā śriyā sadṛśas triṣu lokeṣu ṛte dharmātmajau yuvām // ### [12.331.40](https://indike.org/pramana/in.lit.mahabharata.narayaniya.12.331.40) tena me kathitaṃ pūrvaṃ nāma kṣetrajñasaṃjñitam prādurbhāvāś ca kathitā bhaviṣyanti hi ye yathā // ### [12.331.41](https://indike.org/pramana/in.lit.mahabharata.narayaniya.12.331.41) tatra ye puruṣāḥ śvetāḥ pañcendriyavivarjitāḥ pratibuddhāś ca te sarve bhaktāś ca puruṣottamam // ### [12.331.42](https://indike.org/pramana/in.lit.mahabharata.narayaniya.12.331.42) te 'rcayanti sadā devaṃ taiḥ sārdhaṃ ramate ca saḥ priyabhakto hi bhagavān paramātmā dvijapriyaḥ // ### [12.331.43](https://indike.org/pramana/in.lit.mahabharata.narayaniya.12.331.43) ramate so 'rcyamāno hi sadā bhāgavatapriyaḥ viśvabhuk sarvago\_1 devo bāndhavo bhaktavatsalaḥ sa kartā kāraṇaṃ caiva kāryaṃ cātibaladyutiḥ // ### [12.331.44](https://indike.org/pramana/in.lit.mahabharata.narayaniya.12.331.44) tapasā yojya so ātmānaṃ śvetadvīpāt paraṃ hi yat teja ity abhivikhyātaṃ svayaṃbhāsāvabhāsitam // ### [12.331.45](https://indike.org/pramana/in.lit.mahabharata.narayaniya.12.331.45) śāntiḥ sā triṣu lokeṣu siddhānāṃ bhāvitātmanām etayā śubhayā buddhyā naiṣṭhikaṃ vratam āsthitaḥ // ### [12.331.46](https://indike.org/pramana/in.lit.mahabharata.narayaniya.12.331.46) na tatra sūryas tapati na somo 'bhivirājate na vāyur vāti deveśe tapaś carati duścaram // ### [12.331.47](https://indike.org/pramana/in.lit.mahabharata.narayaniya.12.331.47) vedīm aṣṭatalotsedhāṃ bhūmāv āsthāya viśvabhuk ekapādasthito deva ūrdhvabāhur udaṅmukhaḥ sāṅgān āvartayan vedāṃs tapas tepe suduścaram // ### [12.331.48](https://indike.org/pramana/in.lit.mahabharata.narayaniya.12.331.48) yad brahmā ṛṣayaś caiva svayaṃ paśupatiś ca yat śeṣāś ca vibudhaśreṣṭhā daityadānavarākṣasāḥ // ### [12.331.49](https://indike.org/pramana/in.lit.mahabharata.narayaniya.12.331.49) nāgāḥ suparṇā gandharvāḥ siddhā rājar1ṣayaś ca ye havyaṃ kavyaṃ ca satataṃ vidhipūrvaṃ prayuñjate kṛtsnaṃ tat tasya devasya caraṇāv upatiṣṭhati // ### [12.331.50](https://indike.org/pramana/in.lit.mahabharata.narayaniya.12.331.50) yāḥ kriyāḥ saṃprayuktās tu ekāntagatabuddhibhiḥ tāḥ sarvāḥ śirasā devaḥ pratigṛhṇāti vai svayam // ### [12.331.51](https://indike.org/pramana/in.lit.mahabharata.narayaniya.12.331.51) na tasyānyaḥ priyataraḥ pratibuddhair mahātmabhiḥ vidyate triṣu lokeṣu tato 'smy aikāntikaṃ gataḥ iha caivāgatas tena visṛṣṭaḥ paramātmanā // ### [12.331.52](https://indike.org/pramana/in.lit.mahabharata.narayaniya.12.331.52) evaṃ me bhagavān devaḥ svayam ākhyātavān hariḥ āsiṣye tatparo bhūtvā yuvābhyāṃ saha nityaśaḥ // ## Linked texts (3) - [Critical edition (BORI)](https://indike.org/pramana/in.lit.mahabharata.vyasa*crit.12.331.2) — Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.2.9.19.3) — Sanskrit - [Ṣaṭsandarbha](https://indike.org/pramana/in.sampradaya.vaisnava.gaudiya.siddhanta.satsandarbha.1.1.134) — Jīva Gosvāmin 1555, Sanskrit --- Source: [https://indike.org/pramana/in.lit.mahabharata.narayaniya.12.331](https://indike.org/pramana/in.lit.mahabharata.narayaniya.12.331) · Pramāṇa