[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [The Nārāyaṇa section of the Śāntiparvan](https://indike.org/pramana/in.lit.mahabharata.narayaniya) › 12.333 # The Nārāyaṇa section of the Śāntiparvan 12.333 Nārāyaṇīya 12.333 - **Language:** Sanskrit ### [12.333.1](https://indike.org/pramana/in.lit.mahabharata.narayaniya.12.333.1) vaiśaṃpāyana uvāca: kasyacit tv atha kālasya nāradaḥ parameṣṭhijaḥ daivaṃ kṛtvā yathānyāyaṃ pitryaṃ cakre tataḥ param // ### [12.333.2](https://indike.org/pramana/in.lit.mahabharata.narayaniya.12.333.2) tatas taṃ vacanaṃ prāha jyeṣṭho dharmātmajaḥ prabhuḥ ka ijyate dvijaśreṣṭha daive pitrye ca kalpite // ### [12.333.3](https://indike.org/pramana/in.lit.mahabharata.narayaniya.12.333.3) tvayā matimatāṃ śreṣṭha tan me śaṃsa yathāgamam kim etat kriyate karma phalaṃ cāsya kim iṣyate // ### [12.333.4](https://indike.org/pramana/in.lit.mahabharata.narayaniya.12.333.4) nārada uvāca: tvayaitat kathitaṃ pūrvaṃ daivaṃ kartavyam ity api daivataṃ ca paro yajñaḥ paramātmā sanātanaḥ // ### [12.333.5](https://indike.org/pramana/in.lit.mahabharata.narayaniya.12.333.5) tatas tadbhāvito nityaṃ yaje vaikuṇṭham avyayam tasmāc ca prasṛtaḥ pūrvaṃ brahmā lokapitāmahaḥ // ### [12.333.6](https://indike.org/pramana/in.lit.mahabharata.narayaniya.12.333.6) mama vai pitaraṃ prītaḥ parameṣṭhy apy ajījanat ahaṃ saṃkalpajas tasya putraḥ prathamakalpitaḥ // ### [12.333.7](https://indike.org/pramana/in.lit.mahabharata.narayaniya.12.333.7) yajāmy ahaṃ pitṝn sādho nārāyaṇavidhau kṛte evaṃ sa eva bhagavān pitā mātā pitāmahaḥ ijyate pitṛyajñeṣu mayā nityaṃ jagatpatiḥ // ### [12.333.8](https://indike.org/pramana/in.lit.mahabharata.narayaniya.12.333.8) śrutiś cāpy aparā deva putrān hi pitaro 'yajan vedaśrutiḥ praṇaṣṭā ca punar adhyāpitā sutaiḥ tatas te mantradāḥ putrāḥ pitṛtvam upapedire // ### [12.333.9](https://indike.org/pramana/in.lit.mahabharata.narayaniya.12.333.9) nūnaṃ puraitad viditaṃ yuvayor bhāvitātmanoḥ putrāś ca pitaraś caiva parasparam apūjayan // ### [12.333.10](https://indike.org/pramana/in.lit.mahabharata.narayaniya.12.333.10) trīn piṇḍān nyasya vai pṛthvyāṃ pūrvaṃ dattvā kuśān iti kathaṃ tu piṇḍasaṃjñāṃ te pitaro lebhire purā // ### [12.333.11](https://indike.org/pramana/in.lit.mahabharata.narayaniya.12.333.11) naranārāyaṇāv ūcatuḥ: imāṃ hi dharaṇīṃ pūrvaṃ naṣṭāṃ sāgaramekhalām govinda ujjahārāśu vārāhaṃ rūpam āśritaḥ // ### [12.333.12](https://indike.org/pramana/in.lit.mahabharata.narayaniya.12.333.12) sthāpayitvā tu dharaṇīṃ sve sthāne puruṣottamaḥ jalakardamaliptāṅgo lokakāryārtham udayataḥ // ### [12.333.13](https://indike.org/pramana/in.lit.mahabharata.narayaniya.12.333.13) prāpte cāhnikakāle sa madhyaṃdinagate\_1 ravau daṃṣṭrāvilagnān mṛtpiṇḍān vidhūya sahasā prabhuḥ sthāpayām āsa vai pṛthvyāṃ kuśān āstīrya nārada // ### [12.333.14](https://indike.org/pramana/in.lit.mahabharata.narayaniya.12.333.14) sa teṣv ātmānam uddiśya pitryaṃ cakre yathāvidhi saṃkalpayitvā trīn piṇḍān svenaiva vidhinā prabhuḥ // ### [12.333.15](https://indike.org/pramana/in.lit.mahabharata.narayaniya.12.333.15) ātmagātroṣmasaṃbhūtaiḥ snehagarbhais tilair api prokṣyāpavargaṃ deveśaḥ prāṅmukhaḥ kṛtavān svayam // ### [12.333.16](https://indike.org/pramana/in.lit.mahabharata.narayaniya.12.333.16) maryādāsthāpanārthaṃ ca tato vacanam uktavān ahaṃ hi pitaraḥ sraṣṭum udyato lokakṛt svayam // ### [12.333.17](https://indike.org/pramana/in.lit.mahabharata.narayaniya.12.333.17) tasya cintayataḥ sadyaḥ pitṛkāryavidhiṃ param daṃṣṭrābhyāṃ pravinirdhūtā mamaite dakṣiṇāṃ diśam āśritā dharaṇīṃ piṇḍās tasmāt pitara eva te // ### [12.333.18](https://indike.org/pramana/in.lit.mahabharata.narayaniya.12.333.18) trayo mūrtivihīnā vai piṇḍamūrtidharās tv ime bhavantu pitaro loke mayā sṛṣṭāḥ sanātanāḥ // ### [12.333.19](https://indike.org/pramana/in.lit.mahabharata.narayaniya.12.333.19) pitā pitāmahaś caiva tathaiva prapitāmahaḥ aham evātra vijñeyas triṣu piṇḍeṣu saṃsthitaḥ // ### [12.333.20](https://indike.org/pramana/in.lit.mahabharata.narayaniya.12.333.20) nāsti matto 'dhikaḥ kaścit ko vābhyarcyo mayā svayam ko vā mama pitā loke aham eva pitāmahaḥ // ### [12.333.21](https://indike.org/pramana/in.lit.mahabharata.narayaniya.12.333.21) pitāmahapitā caiva aham evātra kāraṇam ity evam uktvā vacanaṃ devadevo vṛṣākapiḥ // ### [12.333.22](https://indike.org/pramana/in.lit.mahabharata.narayaniya.12.333.22) varāhaparvate vipra dattvā piṇḍān savistarān ātmānaṃ pūjayitvaiva tatraivā-darśanaṃ gataḥ // ### [12.333.23](https://indike.org/pramana/in.lit.mahabharata.narayaniya.12.333.23) etadarthaṃ śubhamate pitaraḥ piṇḍasaṃjñitāḥ labhante satataṃ pūjāṃ vṛṣākapivaco yathā // ### [12.333.24](https://indike.org/pramana/in.lit.mahabharata.narayaniya.12.333.24) ye yajanti pitṝn devān gurūṃś caivātithīṃs tathā gāś caiva dvijamukhyāṃś ca pṛthivīṃ mātaraṃ tathā karmaṇā manasā vācā viṣṇum eva yajanti te // ### [12.333.25](https://indike.org/pramana/in.lit.mahabharata.narayaniya.12.333.25) antargataḥ sa bhagavān sarvasattvaśarīragaḥ\_1 samaḥ sarveṣu bhūteṣu īśvaraḥ sukhaduḥkhayoḥ mahān mahātmā sarvātmā nārāyaṇa iti śrutaḥ // ## Linked texts (1) - [Critical edition (BORI)](https://indike.org/pramana/in.lit.mahabharata.vyasa*crit.12.333.1) — Sanskrit --- Source: [https://indike.org/pramana/in.lit.mahabharata.narayaniya.12.333](https://indike.org/pramana/in.lit.mahabharata.narayaniya.12.333) · Pramāṇa