The Great Epic of the Bhārata dynasty 1.198

Bhāratabhāvadīpa 1.198

Language: Sanskrit

1.198.1

aṣṭanavatyadhikaśatatamo'dhyāyaḥ aśrutveti | vihitasya daivopasthāpitasya apayānam upekṣā | tadeva vidhānaṃ prākkṝtam upapannaṃ kartuṃ yuktam ||

1.198.2

granthirgrathanā | svakarmaṇā idānīṃ tanena vihitaṃ siddhaṃ nimittaṃ tapaḥ ||

1.198.5

pauṣyaṃ puṣyatyaneneti taṃ na tu puṣyaṃ tasya vaivāhikatvāt | pauṣpamiti pāṭhe puṣpāya hitaṃ bahusantatipradamityarthaḥ | he ādya he jyeṣṭha ||

1.198.15

caturyujām aśvacatuṣṭayayujām | hemamayaṃ khalīnam aśvamukhasthaṃ niyāmakaṃ 'lagāma' iti bhāṣayā prasiddham | rathaprasaṅgādvā khalīnaṃ yugaṃ tena mālinām ||

1.198.16

padmāni gajottamalakṣaṇāni tadvatāṃ padmināṃ śrīmatāṃ vā | yadvā hemaśṛṅgiṇāmiti dṛṣṭāntānuguṇyātpadmaṃ padmākāraṃ gajapalyāṇam aṣṭakoṇamaṣṭastambhaṃ śikharakalaśādiyuktaṃ tadvatām ||

Linked texts (1)

Mahābhārata — Vyāsa, Sanskrit