The Great Epic of the Bhārata dynasty 1.231

Bhāratabhāvadīpa 1.231

Language: Sanskrit

1.231.1

ekatriṃśadadhikadviśatatamo'dhyāyaḥ asmāditi ||

1.231.3

vahnirāgacchedityatra saṃśayaḥ yato vāyoḥ sakāśādvahnernivartanaṃ dṛṣṭam ||

1.231.7

divam āsthāya niramitraḥ aśatrurbhava akṣayaḥ svargastestviti bhāvaḥ | hiraṇmayaḥ divyadehaḥ ||

na tvamiti | asmāṃstyaktvā gantumicchantyāstava mithyaivāyamupacāro na vāstava iti bhāvaḥ | samākuleṣu sandigdheṣu | jñāneṣu jñātavyakāryeṣu | tat bilapraveśanam | vuddhikṛtaṃ buddhimadācaritaṃ naiva | bile śatrusadbhāvaśaṅkāyāṃ satyāṃ balāttatra praveśo na yuktaḥ iti bhāvaḥ ||

1.231.13

na ceti | asmān agre vā upakartṝn bhūtabhāvyupakāraśūnyān kimiti bibharṣi | vayaṃ tava ke na kepītyarthaḥ | tvaṃ vāsatī asmākaṃ kā na kāpi | mātṛsambandhasya bhrāntikalpitatvādityarthaḥ ||

1.231.15

āyāḥ āgaccheḥ naḥ asmān ||

1.231.17

tata iti | agnidāhātprāgeva takṣakavajjaritāpi gatā'to dāhāt ṣaḍevamuktā iti pūrvoktamaviruddham ||

Linked texts (1)

Mahābhārata — Vyāsa, Sanskrit