The Great Epic of the Bhārata dynasty 1.55

Bhāratabhāvadīpa 1.55

Language: Sanskrit

1.55.1

pañcapañcāśattamaḥ adhyāyaḥ somasyeti | svasti nostu priyebhyaḥ | na iti yajamānādīnvāsukiprabhṛtīṃścātmīyatvenābhisandhāya tebhyaḥ svasti kalyāṇamastvityāśāste ||

1.55.2

śakrasyeti yathā śataṃ śatakratoryajñāḥ yathā vā tato'pi paraṃ tulyasaṅkhyaṃ śataṃ śatakratavo vā tathā'yaṃ tava yajño'yutakratutulya ityarthaḥ ||

naiṣāmiti | jñānajñadvaḥ karmavyutpanno jñeyavacanaḥ | adya samprati jñātuṃ jñeyaṃ na vidyate sarvasya jñātatvādityarthaḥ | ata eva tebhyo dattaṃ sākṣabrahmaṇyevārpitamatastasya kadācidapi dānajapuṇyasya nāśo nāstītyarthaḥ ||

1.55.9

lokeṣu paralokasādhaneṣu dīkṣāḥ dīkṣāvantaḥ kuśalāḥ | dakṣā ityapi pāṭhaḥ ||

1.55.10

agniṃ stauti vibhāvasuriti | vaṣṭi kāmayate | vaṣṭi devāniti pāṭhe prāpayitumiti śeṣaḥ ||

1.55.11

tvaṃ vā varuṇa ityatra tvaṃ vā rājetyapi pāṭhaḥ ||

1.55.12

na ca tvadanyastrātā bhūpatirasti idānīm | na ca jajñe prāgapi | asti yajñe ityapipāṭhaḥ | tathā sati yajñe trātāstīti yojyam | tena prakṛtahiṃsānivṛttiḥ kartavyeti vyajyate ||

1.55.14

nibhṛtaṃ guptam | niyato nigṛhītaḥ ||

1.55.15

vasūnāṃ śriyāṃ nivāso'si | vasavo'ṣṭau tatsambandhinīnāṃ śriyām ||

1.55.16

rāmo bhārgavaḥ aurvatritāvṛṣī ||

1.55.17

teṣāmṛtvigādīnāṃ bhāvitāni manasi saṅkalpitāni | iṅgitāni bahiśceṣṭitāni vakrādicihnāni āstīkātithyaviṣayāṇi | bhāratastviṅgitānīti pāṭhe bhārato rājā bharatavaṃśajatvāt ||

Linked texts (1)

Mahābhārata — Vyāsa, Sanskrit