The Great Epic of the Bhārata dynasty 1.61

Bhāratabhāvadīpa 1.61

Language: Sanskrit

1.61.1

ekaṣaṣṭitamaḥ adhyāyaḥ gurava iti | manobuddhisamādhibhiḥ mana ityaṣṭāṅgopalakṣaṇaṃ buddhīti bhaktiśraddhayoḥ | samādhiśvittaikāgryam | sampūjya namaskārādinā mānayitvā ||

1.61.3

protsāhayatīva parispandamutprotsāhayatīva me iti pāṭhe parispandaśabde klībatvamārṣam | gurorvakraparispandastvaṃ kathāṃ kathayetyājñāvacanaṃ tajjanyāmutprītiḥ sā protsāhayati ||

1.61.7

satvaṃ dehabalam | vīryam utsāhaḥ ojaścittendriyabalam ||

1.61.9

kuliṅgasya pakṣiṇo mate sāhase | sa hi siṃhadaṃṣṭrāntargataṃ māṃsamādātuṃ yatate | kaliṅgasyetyapapāṭhaḥ ||

1.61.11

pramāṇakoṭyāṃ gaṅgāyāstīrthaviśeṣe | vṛkanāmā bahubhakṣo'gnirudare yasya sa vṛkodaraḥ ||

1.61.14

viprakāreṣu apakāreṣu mokṣaṇe prāptāpannivāraṇe pratikāre prātibhaṭyena śatrorapyāpadi nipātane ||

1.61.16

saṃvṛtaiḥ guptaiḥ | vivṛtaiḥ prakāśaiḥ | devabhāvyartharakṣitān daivenādṛṣṭena bhāvī kurukṣayapāṇḍavarājyalābhādirarthastasmai rakṣitān ||

1.61.22

purocanāt ātmānaṃ rakṣamāṇāḥ rakṣanta | suruṅgāmubhayato bilaṃ vivaram ||

1.61.24

vananirjhare vananirjharasamīpe | avabodhanāt prākaṭyāt ||

1.61.29

nihatya nāgarāṇāṃ śokam apanītavānityarthaḥ ||

sa vai saṃvatsaraṃ pūrṇaṃ māsaṃ caikaṃ vane vasaditi daśasaṅkhyāpūrakatvātpūrṇaśabdena daśaguṇamucyate saṃvatsaraṃ pūrṇam ekaṃ ca tathā māsaṃ pūrṇameva | tena ekādaśasaṃvatsarā daśamāsāśca bhavanti | teṣāṃ ca saurāṇāṃ pratyabdaṃ sapādapañcadinavṛddhyā sāvanā dvādaśābdā bhavanti | anye tu māsaśabdena dvādaśasaṅkhyāṃ lakṣayanta ekaśabdavaiyarthyam ekavacanānupapattiṃ ca nekṣante | vane ityupalakṣaṇaṃ nagarasyāpi ||

Linked texts (1)

Mahābhārata — Vyāsa, Sanskrit

The Great Epic of the Bhārata dynasty 1.61

1.61.1

1.61.3

1.61.6

1.61.7

1.61.9

1.61.10

1.61.11

1.61.14

1.61.16

1.61.17

1.61.19

1.61.20

1.61.22

1.61.24

1.61.29

1.61.30

1.61.32

1.61.42

1.61.46

1.61.47

1.61.48

1.61.50

1.61.53

Linked texts (1)