[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [Mahābhārata](https://indike.org/pramana/in.lit.mahabharata.vyasa) › [Bharatabhavadipa](https://indike.org/pramana/in.lit.mahabharata.vyasa!nilakantha) › 1.63 # The Great Epic of the Bhārata dynasty 1.63 Bhāratabhāvadīpa 1.63 - **Language:** Sanskrit ### [1.63.1](https://indike.org/pramana/in.lit.mahabharata.vyasa!nilakantha.1.63.1) triṣaṣṭitamaḥ adhyāyaḥ rājeti | rañjakatvādrājā | mahīpatiḥ pṛthvīpālaka || ### [1.63.2](https://indike.org/pramana/in.lit.mahabharata.vyasa!nilakantha.1.63.2) vasuḥ uparicaraḥ || ### [1.63.4](https://indike.org/pramana/in.lit.mahabharata.vyasa!nilakantha.1.63.4) sākṣātpratyakṣībhūya || ### [1.63.5](https://indike.org/pramana/in.lit.mahabharata.vyasa!nilakantha.1.63.5) na saṅkīryeta nirnāyakatvāt || ### [1.63.8](https://indike.org/pramana/in.lit.mahabharata.vyasa!nilakantha.1.63.8) paśavyaḥ paśubhyo hitaḥ svā rakṣyaḥ svaḥ svargastattulyaḥ ata eva rakṣyaḥ || ### [1.63.11](https://indike.org/pramana/in.lit.mahabharata.vyasa!nilakantha.1.63.11) gāḥ balīvardān deśo'kṛṣṭapacya iti halaghuri na yuñjate | nāpi śakaṭadhuri | pṛṣṭhavāhaireva tatkāryasiddheriti bhāvaḥ | kṛśān dīnānāthādīnsandhukṣayanti puṣṭānkurvanti | yadvā vṛṣabhānkṛśānna dhuri yuñjate pratyuta sandhukṣayantīti | anye tu gāḥ strī gavīḥ tāsāmapyāndhrādi durdeśeṣu dhuri yojanaṃ dṛṣṭaṃ tadiha nāstītyāhuḥ || ### [1.63.12](https://indike.org/pramana/in.lit.mahabharata.vyasa!nilakantha.1.63.12) na ta iti | ātmajñānātsarvajño bhaviṣyasītyarthaḥ || ### [1.63.13](https://indike.org/pramana/in.lit.mahabharata.vyasa!nilakantha.1.63.13) upapatsyate upasthāsyate || ### [1.63.15](https://indike.org/pramana/in.lit.mahabharata.vyasa!nilakantha.1.63.15) vaijayantīṃ vijayahetum avikṣatameva dhārayiṣyati pālayiṣyati na tu vikṣatam | anayā śastrameva tvāṃ na bādhiṣyata iti bhāvaḥ || ### [1.63.16](https://indike.org/pramana/in.lit.mahabharata.vyasa!nilakantha.1.63.16) lakṣaṇaṃ cihnam || ### [1.63.17](https://indike.org/pramana/in.lit.mahabharata.vyasa!nilakantha.1.63.17) iṣṭapradhānaṃ prītidānamuddiśya yaṣṭiṃ dadau || ### [1.63.18](https://indike.org/pramana/in.lit.mahabharata.vyasa!nilakantha.1.63.18) śakrasya pūjārthaṃ mānārthaṃ tasyāḥ yaṣṭeḥ | gate saṃvatsare saṃvatsarānte yaṣṭipraveśodyāpi mahārāṣṭrādiṣu dṛśyate || ### [1.63.20](https://indike.org/pramana/in.lit.mahabharata.vyasa!nilakantha.1.63.20) aparedyuḥ pratipadi dvitīyasaṃvatsarādau | atyucchraya ūrdhvaṃ sthāpanam | piṭakaiḥ mañjūṣārūpairvastramayaiḥ kośaiḥ | yadvā kāñcyāmiva piṭakāḥ svarṇādimayā veṣṭakā peṭya iti bhāṣāyāṃ prasiddhā grāhyāḥ | 'piṭakaḥ peṭakaḥ peṭā mañjūṣātha vihaṅgikā' ityamaraḥ || ### [1.63.21](https://indike.org/pramana/in.lit.mahabharata.vyasa!nilakantha.1.63.21) haṃsarūpeṇa yukto haṃsarūpī | tasyaiva buddhisthasya rūpasya viśeṣaṇaṃ svayameva gṛhīteneti haṃsarūpeṇa vāsava iti pāṭhe spaṣṭo'rthaḥ || ### [1.63.22](https://indike.org/pramana/in.lit.mahabharata.vyasa!nilakantha.1.63.22) devaḥ kṛtāmiti pāṭhaḥ visargābhave tu deveti janamejayasambodhanam || ### [1.63.23](https://indike.org/pramana/in.lit.mahabharata.vyasa!nilakantha.1.63.23) maham utsavam | maha uddhava utsava ityamaraḥ || ### [1.63.27](https://indike.org/pramana/in.lit.mahabharata.vyasa!nilakantha.1.63.27) varadānaṃ ca mahāyajñāśca taiḥ || ### [1.63.33](https://indike.org/pramana/in.lit.mahabharata.vyasa!nilakantha.1.63.33) vāsavāḥ vasuputrāḥ | indraprāsāde indradatte vimāne || ### [1.63.35](https://indike.org/pramana/in.lit.mahabharata.vyasa!nilakantha.1.63.35) puropavāhinīṃ purasamīpe vahantīm arautsīt ātmanyevāvarurodha || ### [1.63.37](https://indike.org/pramana/in.lit.mahabharata.vyasa!nilakantha.1.63.37) nadī rājñe nyavedayanmithunamityanuṣajyate || ### [1.63.40](https://indike.org/pramana/in.lit.mahabharata.vyasa!nilakantha.1.63.40) puṃsavane pumprasavayogya kāle | tadahaḥ tasmin dine || ### [1.63.48](https://indike.org/pramana/in.lit.mahabharata.vyasa!nilakantha.1.63.48) siṃhāvalokanenāśokameva viśinaṣṭi madhugandhairiti || ### [1.63.49](https://indike.org/pramana/in.lit.mahabharata.vyasa!nilakantha.1.63.49) vāyunā kāmoddīpakena | dhūmraṃ malinaṃ ratikarma tadarthaṃ mudaṃ strīviṣayāṃ prītimanusṛtya tāmeva manasā'gāt | tayā saha mānasaṃ suratamakarodityarthaḥ | pracaskanda papāta || ### [1.63.50](https://indike.org/pramana/in.lit.mahabharata.vyasa!nilakantha.1.63.50) mithyāprasavaśūnyatvenālīkaprāyam || ### [1.63.53](https://indike.org/pramana/in.lit.mahabharata.vyasa!nilakantha.1.63.53) abhimantrya putrotpattiliṅgairmantraiḥ spṛṣṭvā ārāt vimānaikadeśasamīpe || ### [1.63.55](https://indike.org/pramana/in.lit.mahabharata.vyasa!nilakantha.1.63.55) ārtavam ṛtukālīnaṃ snānam || ### [1.63.58](https://indike.org/pramana/in.lit.mahabharata.vyasa!nilakantha.1.63.58) yudhyatoḥ satoḥ | adrikāgiriketi nāmasāmyādekasyā evāpsaraso vyūhabhedena dehadvayaṃ jñeyam | anyathā rājño mithyāsaṅkalpatvāpatteḥ || ### [1.63.61](https://indike.org/pramana/in.lit.mahabharata.vyasa!nilakantha.1.63.61) māse daśame prāpte babandhuriti sambandhaḥ || ujjahuḥ uddhṛtavantaḥ || ### [1.63.62](https://indike.org/pramana/in.lit.mahabharata.vyasa!nilakantha.1.63.62) kāye dehe matsyāḥ matsyayoṣāyāḥ || ### [1.63.67](https://indike.org/pramana/in.lit.mahabharata.vyasa!nilakantha.1.63.67) matsyasagandhinī matsyasamānagandhā | dāśāya kaivartāya || ### [1.63.71](https://indike.org/pramana/in.lit.mahabharata.vyasa!nilakantha.1.63.71) cakame kārmitavān || ### [1.63.73](https://indike.org/pramana/in.lit.mahabharata.vyasa!nilakantha.1.63.73) nīhāraṃ dhūmikām || ### [1.63.75](https://indike.org/pramana/in.lit.mahabharata.vyasa!nilakantha.1.63.75) piturvaśa icchā tadanusāriṇīṃ pitṛvaśānugām || ### [1.63.77](https://indike.org/pramana/in.lit.mahabharata.vyasa!nilakantha.1.63.77) na sthātuṃ jīvituṃ notsahe | kanyātvadūṣaṇādityarthaḥ || ### [1.63.81](https://indike.org/pramana/in.lit.mahabharata.vyasa!nilakantha.1.63.81) strībhāve yo guṇaḥ puṣpavattā tena bhūṣitā sadyaḥ puṣpavatyabhūdityarthaḥ || ### [1.63.83](https://indike.org/pramana/in.lit.mahabharata.vyasa!nilakantha.1.63.83) varaṃ kanyābhāvaṃ saugandhyaṃ ca labdhvā sadyo garbhaṃ ca suṣāveti sambandhaḥ || ### [1.63.86](https://indike.org/pramana/in.lit.mahabharata.vyasa!nilakantha.1.63.86) dvīpameva ayanaṃ nyāsasthānaṃ yasya dvīpāyanaḥ svārthe taddhitaḥ | dvīpāyana eva dvaipāyana iti nāma nirvākti | nyasta iti || ### [1.63.87](https://indike.org/pramana/in.lit.mahabharata.vyasa!nilakantha.1.63.87) pādāpasāriṇaṃ yuge yuge pādaśaḥ kṣīyamāṇam | kalerādau pādamātramavāśaṣṭamityarthaḥ | evam āyurādihrāsaṃ cāvekṣya || ### [1.63.88](https://indike.org/pramana/in.lit.mahabharata.vyasa!nilakantha.1.63.88) brahmaṇo vedasya | anugraho rakṣaṇam | vivyāsa śākhābhedena vistāritavān | ato vyāsa ityapi tasya nāmetyarthaḥ || ### [1.63.89](https://indike.org/pramana/in.lit.mahabharata.vyasa!nilakantha.1.63.89) mahābhāratapañcamāniti | bhārataṃ pañcamro vedaḥ | sarvaśrutisamūhoyamityasakṛdukteḥ | itarapurāṇavadidaṃ na mantavyamityarthaḥ || ### [1.63.90](https://indike.org/pramana/in.lit.mahabharata.vyasa!nilakantha.1.63.90) bhāratasya mūlabhūtāḥ saṃhitāḥ mantrabrāhmaṇarūpā vedāḥ | taiḥ sumantuprabhṛtibhiḥ prakāśitāḥ idamasya mūlamidamasya mūlamiti spaṣṭīkṛtāstena pratyakṣavedamūlametaditi bhāvaḥ || ### [1.63.91](https://indike.org/pramana/in.lit.mahabharata.vyasa!nilakantha.1.63.91) vasuvīryāt aṣṭānāṃ vasūnām aṃśāt || ### [1.63.93](https://indike.org/pramana/in.lit.mahabharata.vyasa!nilakantha.1.63.93) āhūya samīpamānīya | āhatyeti pāṭhe adhikṣipya || ### [1.63.95](https://indike.org/pramana/in.lit.mahabharata.vyasa!nilakantha.1.63.95) vadhaḥ pīḍā'pamāno vā || ### [1.63.98](https://indike.org/pramana/in.lit.mahabharata.vyasa!nilakantha.1.63.98) kuntibhojasya kanyāyāṃ kuntyām || ### [1.63.100](https://indike.org/pramana/in.lit.mahabharata.vyasa!nilakantha.1.63.100) anādinidhana iti sthūla dehadharmayorjanmamaraṇayorvyāvṛttiḥ | devo dīnyamāno jagatkartā | kiṃ taijaso na prabhuḥ jīvasya svapne'pi jagatkartṛtvābhāvāt | anyathā svapne pratikūlasṛṣṭyanupapattiḥ | etena karmadvārā'pi jagatkartṛtvaṃ jīvasya lāṅgalaṃ gavādīnudvahatītivannimittatvamātreṇa natvīśvaratveneti darśitam | avyaktam avyākṛtam | kiṃ sauṣuptaṃ kāraṇam | yathoktaṃ 'suṣuptākhyaṃ tamo'jñānaṃ yadbījaṃ svapnabodhayoḥ’‘ iti | tadvyāvartayati | akṣaramiti | na kṣaratyapariṇāmitvāt | tattu kṣayodbhavayuktam | etena vyaṣṭisthūlasūkṣmakāraṇaṃ dehavyāvartanena tvaṃ padārthaśodha uktaḥ | anyathā bhagavati janmādyaprasaktestadvārakamanādinidhana iti viśeṣaṇamanupapannam | tatpadārthamāha | brahma bṛhat pradhānaṃ pradhīyate'sminsarvamiti layasthānam | triguṇātmakaṃ satvarajastamo mayam || ### [1.63.101](https://indike.org/pramana/in.lit.mahabharata.vyasa!nilakantha.1.63.101) asya sāṅkhyābhimatam anātmatvaṃ pariṇāmitvaṃ ca vārayati ātmānamanyayamiti viśeṣaṇābhyām | pradhānatvādeva prakṛtim upādanām | prabhavam utpattinimittam | prabhum adhiṣṭhātāram | nanu ghaṭādermṛdupādānaṃ cakraṃ nimittaṃ kulālaḥ kartā | atra tu trayamapi deva evetyuktaṃ tatkathamityāśaṅkya tatsṛṣṭvā tadevānuprāviśaditiśrutyarthamāha | puruṣaṃ pūrṣu vasatīti puruṣaḥ puraśca | jñānendriyāṇi khalu pañca tathāparāṇi karmendriyāṇi mana ādicatuṣṭayaṃ ca | 'prāṇādipañcakamathoviyadādikaṃ ca kāmaśca karma ca tamaḥ punaraṣṭamī pūrityuktāḥ' | ātmānameva svāvidyayā pūryaṣṭakākāraṃ kṛtvā tatra praviṣṭa ityarthaḥ | evamaiśvarīṃ praveśāntāṃ sṛṣṭimuktvā jāgradādivimokṣāntāṃ jaivīṃ sṛṣṭiṃ tadanupraviśya saccatyaccā bhavadityādiśrutyuktāṃ saṅgṛhṇāti | viśvakarmāṇamiti viśvaṃ pṛthivyaptejorūpaṃ sacchabdavācyaṃ vāyvākāśādirūpaṃ tyacchadvavācyaṃ cetyevamādirūpaṃ karmaghaṭādivatkriyāphalabhūtaṃ yasyeti viśvakarmā tam | evaṃ viśeṣaṇaireva brahmaṇa eva jīvabhāvaṃ pradarśya tannivṛttyupāyamapi taireva pratyāyayati | satvayogaṃ satvenaiva dharmajñānavairāgyamūlena yogaḥ prāptirasya tam | satvavato brahmabhāvaprāptāvālambanamāha | dhruvākṣaraṃ praṇavākhyavarṇasvarūpam | vācyavācakayorabhedātpraṇavamātrābhirakārokāramakārārdhamātrābhirupāsitābhistadarthabhūtā virāṭsūtrāntaryāmiturīyākhyāḥ prāpyanta iti bhāvaḥ || ### [1.63.102](https://indike.org/pramana/in.lit.mahabharata.vyasa!nilakantha.1.63.102) eteṣu katamo mukhyaḥ prāpya ityata āha | anantamiti | deśataḥ kālato vastutaścāparicchinnaṃ turīyamityarthaḥ | nanu tattadavasthāyāṃ sarveṣāmānantyamaviśiṣṭamityāśaṅkyāha | acalam abādhitam | itareṣāṃ bādho'stītyāpekṣikamanantatvamiti bhāvaḥ | nanvevaṃ kāraṇatvādiniṣedhe śūnyamevasyānnetyāha | devaṃ dyotamānaṃ cidrūpamityarthaḥ | evaṃ tarvaṅkurabījadvārā bhuva iva virāṭsūtreśadvārā turīyaprāptimuktvā tatraiva dvārāntaramāha haṃsaṃ sannyāsāśramarūpam | tatra hyavikṣepeṇa śravaṇādikaṃ sidhyatīti so'pi dvāram | nārāyaṇaṃ phalasthānīyaṃ pañcamaṃ mahāviṣṇum | etadvigrahadhyānadvāraiva hi virāḍādibhāvamārohanti dhyāyinaḥ | phalagarbhe bījānīvāsya garbhe'nantāni kāraṇāni santītyenaṃ turīyaviśeṣaṇaireva viśinaṣṭi | prabhuṃ prabhavatyasmātkāryamiti jagadbhramādhiṣṭhānam | dhātāraṃ kārye sattāsphūrtyoḥ samarpakam | ajam uragopādānabhūtarajjuvadajātam | anyaktam aprakaṭam | adhiṣṭhānavyaktau hi adhyastameva lupyetāto'vyaktam | param ādityavarṇaṃ tamasaḥ parastādityādayo mantrāḥ yaṃ kāraṇātparaṃ prāhuḥ | ata evāvyayaṃ nāśabādhābhyāṃ hīnam || ### [1.63.103](https://indike.org/pramana/in.lit.mahabharata.vyasa!nilakantha.1.63.103) kaivalyaṃ kevalameva kaivalyam asaṅgam | nirguṇaṃ rūpādibhiścakṣurādibhiśca hīnam | atra vigrahavattvātprasaktaṃ paricchinnatvaṃ kāraṇavattvaṃ janmamaraṇaṃ ceti | taccatuṣkaṃ krameṇa vyāvartayati | viśvamanādimajamavyayamiti | māyikatvādvigrahasya na tatkṛtaparicchedādayo'sminsambhavantītyarthaḥ | ya evaṃrūpo nārāyaṇaḥ sa eva devakīsūnurityāha | puruṣa ityādi sārdhena | sa evaṃ bhūto'strajñau rāmākṛṣṇau jajñe | tadubhayarūpeṇa jāta ityarthaḥ || ### [1.63.105](https://indike.org/pramana/in.lit.mahabharata.vyasa!nilakantha.1.63.105) viśāradau prayogakuśalau || ### [1.63.106](https://indike.org/pramana/in.lit.mahabharata.vyasa!nilakantha.1.63.106) droṇyāṃ giridaryām || ### [1.63.107](https://indike.org/pramana/in.lit.mahabharata.vyasa!nilakantha.1.63.107) śarastambāt śarastambaskannāt dvaidhībhūtādretasaḥ || ### [1.63.109](https://indike.org/pramana/in.lit.mahabharata.vyasa!nilakantha.1.63.109) vaitāne tretāgnisādhye || ### [1.63.111](https://indike.org/pramana/in.lit.mahabharata.vyasa!nilakantha.1.63.111) tasya subalasya prajā puṃrūpaiva śakunirūpā | duryodhanamāturdharmahantṛtvaṃ putradvāraiva || ### [1.63.114](https://indike.org/pramana/in.lit.mahabharata.vyasa!nilakantha.1.63.114) prasaṅgātpunarvidurajanmoktiḥ || ### [1.63.118](https://indike.org/pramana/in.lit.mahabharata.vyasa!nilakantha.1.63.118) yuyutsuḥ śatādhikaḥ karaṇastu | vaiśyāyāṃ kṣatriyājjātaḥ karaṇaḥ parikīrtitaḥ iti smṛtyuktaḥ || ### [1.63.125](https://indike.org/pramana/in.lit.mahabharata.vyasa!nilakantha.1.63.125) sthūṇo nāmnā || ## Linked texts (1) - [Mahābhārata](https://indike.org/pramana/in.lit.mahabharata.vyasa.1.57.1) — Vyāsa, Sanskrit --- Source: [https://indike.org/pramana/in.lit.mahabharata.vyasa!nilakantha.1.63](https://indike.org/pramana/in.lit.mahabharata.vyasa!nilakantha.1.63) · Pramāṇa