Pramāṇa · Search · About · API

The Great Epic of the Bhārata dynasty 1.64

Bhāratabhāvadīpa 1.64

Language
Sanskrit

1.64.1

catuṣaṣṭitamaḥ adhyāyaḥ ya eta iti ||

1.64.4

triḥsaptakṛtvaḥ ekaviṃśativārān ||

1.64.9

brāhmaṇottarāḥ brāhmaṇapradhānāḥ ||

1.64.11

jīvinaḥ jīvinyaḥ ||

1.64.12

ādhibhiḥ śokādibhiḥ vyādhibhirjvarādibhiḥ ||

1.64.13

apāṅga ivāpāṅgaḥ prāntaḥ sāgarāntamityarthaḥ | adhyatiṣṭhat adhiṣṭhitavān | he gajendragata ||

1.64.16

svādu rocakaṃ yathā syāttathā ||

1.64.20

brahma vedaṃ na vikrīṇate bhṛtakādhyāpanaṃ na kurvata ityarthaḥ ||

1.64.21

vaiśyāḥ svayaṃ dhuri gāḥ balīvardān na yuñjate ||

1.64.22

phenapān atṛṇādānabhilakṣya na duhanti dhenūritiśeṣaḥ | kūṭamānaiḥ kapaṭatulāprasthādibhiḥ ||

1.64.25

ṛtuṣu vasantādiṣu svasvakāle ||

1.64.27

samudite muditayā prītyā sahite ||

1.64.29

devatvaṃ rājyaṃ devabhāvaṃ vā ||

1.64.37

mahī upacakrame gantumitiśeṣaḥ | mahārājeti pāṭhāntare tu mahītiśeṣaḥ ||

1.64.38

na hyamī iti | bhūtasatvaughāḥ bhūtānāṃ śeṣakūrmadiggajānāṃ dharābhṛtāṃ satvaughāḥ balasaṅghāḥ | pannagāḥ śeṣāḥ | bahuvacanaṃ teṣāṃ pratyekaṃ bahūnāmapyasāmarthyaṃ kiṃ punarekaikasyeti sūcanārtham | na hyenāmiti pāṭhe enāṃ buddhisthāṃ bhūmim ||

1.64.40

avyayam ajaratvādapakṣayaśūnyam ||

1.64.41

enaṃ brahmāṇam | sā pṛthvī ||

1.64.43

tadbhūmeḥ kṛtyam | pradhānātmanaḥ pradhānajayī ātmā mano yasya tasya | sāṅkhyayogānāṃ hi pradhānajayinaḥ sarvajñatvaṃ sarvaśaktitvaṃ ca bhavatīti prasiddham | sarvajñasya nāviditaṃ kiñcidastītyarthaḥ | pradhānātmanaḥ kāraṇātmanaḥ tadbhūmeḥ kṛtyamiti vārthaḥ ||

1.64.44

tadevāha sraṣṭāhīti ||

1.64.45

asya trimūrtitvamāha | prabhava iti īśo viṣṇuḥ ||

1.64.48

virodhāya virodhamūlakāya bhūbhāranāśāyetyarthaḥ ||

1.64.50

tathyaṃ yathārtham | arthyam prārthanīyam | pathyaṃ hitakaram ||

1.64.51

kṛtakṣaṇāḥ kṛtaniyamāḥ ||

1.64.52

pṛthucārvañcitekṣaṇaḥ pṛthunī cārvañcite sadayanipāte īkṣaṇe yasya saḥ | pṛthuvakṣāñcitekṣaṇa iti pāṭhe vakṣaḥśabdo'kārāntaḥ pṛthuni vakṣe vakṣasi añcitaṃ gamanaṃ yayoste dhyānārūḍhatayā īkṣaṇe yasya saḥ ||

1.64.54

śodhanāya kaṣṭakabhūtakhalonmūlanāya ||

Linked texts (1)