The Great Epic of the Bhārata dynasty 1.70
Bhāratabhāvadīpa 1.70
- Language
- Sanskrit
1.70.1
saptatitamaḥ adhyāyaḥ tata iti ||
1.70.2
śūnyaṃ vṛkṣādirahitam ūṣaram ||
1.70.6
lakṣmyā śobhayā ||
1.70.7
nāpyapākīrṇaḥ anāvṛto na ||
1.70.9
kusumavacchākhāvantaḥ kusumaśākhinaḥ ||
1.70.14
mahendre parvate dhvajā iva dhvajā uccatarā vṛkṣāstatulyairindradhvajavadatyuccairvā ||
1.70.16
riraṃsayā ramayitumicchayā ||
1.70.17
nadīkacchodbhavaṃ kacchaḥ sajalo'nūpapradeśaḥ ||
1.70.21
mahākaccheḥ mahātunnakaiḥ | bṛhadbhiḥ puṣṭaiḥ | ’atha kacchaḥ syādanūpe tunnakadrume’ iti medinī | mālinīm abhitaḥ | āśramamadhye naiva mālinī gacchati na tu prāntena ||
1.70.23
apratirathaḥ apratimaḥ ||
1.70.27
kāśyapasya kaśyapagotrasya kaṇvasya ||
1.70.37
vitateṣu vaitānikeṣu iṣṭipaśusomādiṣu pravartamāneṣu ||
1.70.38
yajñavidyāyāmaṅgabhūtāni kalpasūtrādīni ||
1.70.39
bhāruṇḍasāmāni pūgayajñiyasāmāni ca sāmnām avāntarabhedāḥ ||
1.70.41
śabdasaṃskāraḥ yathāsthānakaraṇaprayatnamuccāraṇam | sthānaṃ tālvādi | karaṇaṃ jihvāgrādi | prayatno ghoṣādiḥ ||
1.70.42
yajñasaṃstaraḥ iṣṭakādyupadhānakramaḥ nyāyatattvaṃ yuktermaryādā | ātmavijñānaṃ svānubhavaḥ ||
1.70.43
nānāvākyānām ekaśākhāgatānāṃ samidho yajatītyādi prayājādyaṅgavidhiparāṇāṃ prayogavidhiparāṇāṃ prayogavidhinā darśapaurṇamāsābhyāṃ yajetetyādinā ekavākyatvaṃ samāhāraḥ | bhinnaśākhāsthānāṃ guṇavidhīnāmekasyāṃ śākhāyāmupasaṃhāraḥ samavāyaḥ | tatra viśāradaiḥ | viśeṣakāryamupāsanābrahmalokaphalā | karmabhyo viśiṣṭatvāttasyāḥ | mokṣadharmeti pṛthagupādānena mokṣasya viśeṣakāryatvaṃ nirastam ||
1.70.44
sthāpanaṃ prathamaṃ svasiddhāntavyavasthā | tatastatra śaṅkākṣepaḥ tasyāḥ parihāraḥ siddhāntaḥ tairyā paramārthajñatā tāṃ gataiḥ | śabdo vyākaraṇam | kāleti jyautiṣam | śikṣākalpāvapyetairevopalakṣaṇīyau ||
1.70.45
dravyaṃ vrīhyādi | karma nirvāpādi | guṇo'ṣṭākapālatvādiḥ | kāryaṃ phalaṃ svargādi | kāraṇaṃ yāgādi | pakṣīti | dravyādīnāṃ prakāśakam iṣetvetyādivākyam | pakṣivānararutamivāvyaktārthaṃ mantrādirūpaṃ tadarthābhijñaiḥ | vyāsagrantho vistṛtaprabandhe 'iṣetvā' itiśākhāmācchinatti iti tadīyabrāhmaṇādistaṃ samyagāśritaiḥ | na tu svakapolakalpitaiḥ prakārairmantrān vyācakṣata ityarthaḥ ||
1.70.46
loke eva āyatante te lokāyatikāḥ | teṣu lokarañjanapareṣu mukhyaiḥ ||
Linked texts (1)
- Mahābhārata — Vyāsa, Sanskrit