punnāmna ityantaḥ paraṃ ’pautreṇa lokān jayate pautreṇānantyamaśnute | atha pautrasya putreṇa modante prapitāmahāḥ' iti paṭhanti | tatra putreṇa narakāduddhataḥ pautreṇa svarge nīyate prapautreṇa tatopyuparinīyate | putreṇaiva svarge nītaḥ pautreṇa brahmaloke prāpita ānantyaṃ mokṣaṃ labhate | tenāsau prapautramapekṣata ityarthaḥ ||

1.74.43

pitaraḥ pitṛvaddhitaiṣiṇyaḥ mātaraḥ mātṛvaduḥkhahantryaḥ ||

1.74.45

viṣameṣu narakeṣu eka eva patatīti tam ekapātinam anveti anugamanaṃ karoti bhartāraṃ narakāduddhartum | yathoktaṃ 'vyālagrāhī yathā vyālaṃ balāduddharate bilāt | narakasthaṃ patiṃ tadvatpatiprāṇānugā satī' iti ||

1.74.48

mātṛvajjanmabhūmivat ||

1.74.51

susaṃrabdho'pi atikruddho'pi | rāmāṇāṃ ramyastrīṇām ||

1.74.53

pratipadya pratyetya ||

1.74.56

śiśorajātadantasya sūnoḥ ||

1.74.63

mantragrāmameva paṭhati | aṅgāditi | śaradaḥ varṣāṇi ||

1.74.65

tmānam ātmānaṃ dvitīyam | pratibimbe iva tava sādṛśyamatra paśyeti bhāvaḥ ||

1.74.66

ekaḥ sanputre jāte yogīvaddvidhākṛto dvairūpyaṃ gataḥ ||

1.74.69

sā prasiddhā ajījanat māmitiśeṣaḥ ||

1.74.70

avakīrya adhastyaktvā | asatī apatyasnehahīnā ||

1.74.75

tava pitarau nīcau uccaiau cetkathaṃ tvamevaṃ bhāṣasa ityāha dvābhyāṃ sa ceti ||

1.74.81

parokṣam aviśvasanīyam ||

1.74.89

viheṭhakaḥ nindakaḥ paropatāpako vā ‘heṭha’vibādhāyām ||

1.74.93

nirvṛtaḥ sukhī ||

1.74.94

yatra viṣaye paraiḥ sadbhiḥ vācyāḥ nindyāḥ santo durātmānaḥ parānsādhūnnindyānāhuḥ ||

1.74.96

anāstikaḥ āstikādbhinnaḥ ||

1.74.97

iha śriyaṃ ghnanti lokānamutra ||

1.74.99

svapatnīprabhavān anyāsu cotpannāṃścaturvidhānevaṃ pañca putrānpracakṣate | kṛtān upanayanādinā saṃskṛtān ||

1.74.101

ātmānaṃ pālayan pālanahetoḥ ||

1.74.106

samayaḥ niyamaḥ saṅgataṃ sakhyam ||

1.74.108

atra 'ṛte'pi gardabhakṣīrātpayaḥ pāsyati me sutaḥ' iti kvacitpaṭhyate tasyāyaṃ bhāvaḥ | gardabhī kṣīvattvayā dattamapi rājyaṃ parityajya svabhujabalenaiva matputro rājyaṃ kariṣyatīti | tvāmiti caturantāṃ catuḥsamudrāntām ||

1.74.110

bhastrā carmakośaḥ | tatra nihitaṃ bījaṃ yathā tadīyaṃ na bhavati evaṃ mātāpi bhastreva | yena hetunā yo jātaḥ sa eva saḥ | kāryasya kāraṇānanyatvāt ||

1.74.111

bharasva dhārayasva poṣayasva vā | retodhāḥ retaḥ sektā yaḥ sa eva putraḥ piturananya evetyarthaḥ | unnayati ūrdhvaṃ nayati | yamakṣayāt narakāt pitṝniti śeṣaḥ ||