The Great Epic of the Bhārata dynasty 1.78
Bhāratabhāvadīpa 1.78
- Language
- Sanskrit
1.78.1
aṣṭasaptatitamo'dhyāyaḥ kṛtavidya iti ||
1.78.3
maghavān indraḥ | 'makheṣu maghavānasau' iti bhaṭṭiḥ | pracakrāma bhūtalaṃ pratīti śeṣaḥ ||
1.78.4
vāyubhūta indraḥ | kanyādvayadvārā śukradānavayorvirodhotpādanārtham ||
1.78.8
samudācaraḥ sadācāraḥ ||
1.78.11
ādunvasveti | ‘atra yathā indreṇa yujātaruṣemavṛtramityatra uḥ sipśap cetibahulaṃ chandasīti bāhulakādvikaraṇatrayam | evamihāpyārṣatvāt śnuḥ śap cetivikaraṇadvayam | ādunvasva ābhimukhyena vakṣastāḍanādinā santāmpaṃ prāpnuhi | vidunvasva pāṃsuṣu luṇṭhanādinā | druhya drohaṃ cirakālikaṃ krodhaṃ kuru | kupyasva sadyaḥ parāniṣṭaphalo yatnaḥ kopastaṃ kuru | riktā daridrā ||
1.78.12
pratiyoddhāraṃ prahartāraṃ śatruṃ māmeva | samucchrayaṃ satyavacanena mahattvam ||
1.78.15
yugyāḥ rathavāhakāḥ | hayāḥ kevalāśvāḥ | udakaṃ pīyate'smāditi udapānaṃ kūpam ||
1.78.17
valgunā mañjunā | śyāmā ṣoḍaśavārṣikī yauvanāruḍhā | sumṛṣṭhāni divyāni ||
1.78.18
vīradho latāḥ ||
1.78.23
avaṭāt gartāt ||
1.78.25
ghūrṇikāṃ dāsīm ||
1.78.27
hatāṃ tāḍitām ||
1.78.30
niyacchanti prayacchanti | ātmadoṣairhetubhiḥ svakarmabhireva sukhaduḥkhe janātprāpyete na tu janasyāparādha ityarthaḥ ||
1.78.31
etadevāha | manye iti | niṣkṛtiḥ phalabhogena nirasanam ||
1.78.33
tīkṣṇaṃ marmabhit | yataḥ paruṣaṃ niṣṭhurākṣaram | ||
1.78.35
idaṃ pūrvoktam ||
1.78.38
nāhuṣo yayātiḥ | mama aiśvaraṃ nirdvandvamapratipakṣaṃ balamasti ||
1.78.39
īśvaratvamevāha | yacceti | svayambhuvā tattvamasītyādinā vedena karaṇena tuṣṭena guruṇeti śeṣaḥ ||
1.78.40
ahaṃ manurabhavaṃ yatsūryaśceti vadanvāmadeva iva svasya sārvātmyānubhavamāha | ahamiti ||
Linked texts (1)
- Mahābhārata — Vyāsa, Sanskrit