The Great Epic of the Bhārata dynasty 1.80
Bhāratabhāvadīpa 1.80
- Language
- Sanskrit
1.80.1
aśītitamo'dhyāyaḥ tata iti | kāvyaḥ kaviputraḥ samanyuḥ sakrodhaḥ ||
1.80.3
putreṣviti | nanu pitṛkṛtaṃ putreṇa bhujyate cecchāstraphalaṃ prayoktarīti nyāyavirodhāpattiriti cenna | yo vai bhāginaṃ bhāgānnudate cayate vainaṃ sasayadi vainaṃ na cayate'tha putramatha pautraṃ cayata iti dhanamānabhāgināṃ dūrīkaraṇādavaśyaṃ svayamputraḥ pautro vā naśyatīti śruteḥ | nyāyasya tu jāteṣṭyādivat putragatamapi phalaṃ tadaikātmyābhimānātpitaryapi vaktuṃ śakyamato na vyākopaḥ | mṛte'pi pitari putrāṇāṃ dāridryadaurjanyādinā śrāddhalopādikṛtaṃ duḥkhādiphalamanvetyeveti suṣṭūktaṃ putreṣu vetyādi ||
1.80.6
upekṣase śapathamātreṇa māṃ sāntvayasi na tu dṛṣṭaṃ doṣaṃ nigṛhṇāsi ||
1.80.13
mahākavirityādi pṛthagvākyam ||
1.80.16
dāsīmiti | idaṃ devayānyā prārthitaṃ dāsīsahasraṃ śarmiṃṣṭhāparivārabhūtāddāsīsahasrādanyat | dvābhyāṃ kanyāsahasrābhyāmiti vākyaśeṣāt ||
1.80.26
vijñānaṃ brahmānubhavaḥ | vidyāmṛtasañjīvinī ||
Linked texts (1)
- Mahābhārata — Vyāsa, Sanskrit