Pramāṇa · Search · About · API

The Great Epic of the Bhārata dynasty 1.81

Bhāratabhāvadīpa 1.81

Language
Sanskrit

1.81.1

ekāśītitamo'dhyāyaḥ atheti ||

1.81.2

tena svayaṃvṛtena śarmiṣṭhayā svīyadāsīsahasropetayā ||

1.81.3

madhumādhavīṃ madhuvṛkṣajāṃ madirām ||

1.81.6

pibantīḥ peyaṃ lalamānāḥ krīḍantīḥ ||

1.81.8

dvābhyāmityuktārthaṃ gotre vaṃśakarāvṛṣī ||

1.81.12

vidhānaṃ daivam anuvartate anusṛtyāsti ||

1.81.14

rājño rūpaṃ brāhmī kvetyatra hetudvayaṃ vyutkrameṇāha brahmeti ||

1.81.15

arthena kāryeṇa vārijaṃ mīnaṃ padmādi vā ||

1.81.19

saṃsṛṣṭam ucchinnasya kṣatrasya brāhmaṇavīryādeva punarudbhavāt brahmaṇā kṣatraṃ saṃsṛṣṭam | kṣatriyakanyāsu lopāmudrādiṣu brāhmaṇānāmutpattidarśanāt | kṣatreṇa brahmasaṃhitaṃ sammiśram ṛṣiḥ vudhādilāyāṃ purūravāstata āyustato nahuṣastatastvamiti | kṣatriyakanyāyāṃ brāhmaṇājjāto brāhmaṇaḥ kṣatriyadāreṣu brāhmaṇājjātastu kṣatriya evetyāgrahe'pi ilāyāṃ kṣatriyadāratvābhāvādyuṣmākamṛṣitvameva tathyamityarthaḥ | he aṅga vahasva pariṇayasva ||

1.81.20

ekasyeśvarasya deho dehāvayavāḥ mukhabāhūrupādāstadudbhavāḥ ||

1.81.21

prāgeva tvayā mama pāṇigrahaṇaṃ kṛtamata idānīṃ vicārāvasaro nāstītyāśayenāha | pāṇīti pāṇidharmaḥ pāṇigrahaṇākhyo dharmaḥ ||

1.81.23

yayātistu svasya śarmiṣṭhāsaktyā devayānyāḥ prakope sati śukrādbhītaḥ sanmanasyeva uvāca kruddhāditi ||

1.81.26

adattāmiti cchedaḥ ||

1.81.27

mā māṃ bhayaṃ kṣatriyeṇa brāhmaṇīpariṇayanadoṣajam ||

1.81.30

durgame saṅkaṭe ||

1.81.33

īpsitaṃ varaṃ ca vṛṇīṣvetyukto'pīdānīṃ na vṛtavān | paścāttu anyatra jarāsaṅkramaṇasāmarthyarūpaḥ śukreṇaiva svapratijñāsiddhaye datta iti dhyeyam ||

Linked texts (1)