The Great Epic of the Bhārata dynasty 1.87
Bhāratabhāvadīpa 1.87
- Language
- Sanskrit
1.87.1
saptāśītitamo'dhyāyaḥ svargata iti ||
1.87.5
antyādhipāḥ prāntyadeśādhipāḥ ||
1.87.6
vidvattvābhimānāt kiṃ mayā sarvajñasyendrasya puro vaktavyamityavimṛśan yayātirāha | akrodhana iti | vaiśiṣṭyaṃ pūjātāratamyārthamucyate | samāsamābhyāṃ viṣamasame pūjāt iti samayorviṣamāṃ viṣamayoḥ samāṃ ca pūjā prayuñjānasyāpāṅkteyatvasmaraṇāt ||
1.87.7
akruśyamāna iti | asya ākroṣṭuḥ sukṛtaṃ titikṣurvindati na tvākrośī | pratyākrośī tu svīyamapi sukṛtaṃ nāśayatīti bhāvaḥ ||
1.87.8
nāruntuda iti | kopena na nṛśaṃsavādīti vācā parapīḍāṃ na kuryādityuktam | na hīnataḥ paramabhyādadīteti hīnenābhicārādikarmaṇā paraṃ śatruṃ na vaśe kartumicchediti na manasāpi parapīḍāṃ kuryādityuktam | aruḥ kṣataṃ tadvadatyantaṃ tudati vyathayatīti kaṇṭakavannasyāditi padārthaḥ | na nṛśaṃsavādī syādityetatsārdhena prapañcayati | yathāsyeti | uṣatīṃ dahantīm | ruṣatīmitipāṭhe hiṃsrām ||
1.87.9
vidyādalakṣmīkatamamityanena paruṣavacasāṃ darśanamapyalakṣmīkaratvāt parihāryamityuktam ||
1.87.10
ke tarhyanusartavyā ityata āha | sadbhiriti | asatāmativādānāṃ duṣṭānāmatikramavacanāni titikṣet ||
1.87.12
na hīdṛśamiti | dayādicatuṣkaṃ saṃvananaṃ sambhañjanaṃ parameśvarasyārādhanam ||
Linked texts (1)
- Mahābhārata — Vyāsa, Sanskrit