Pramāṇa · Search · About · API

The Great Epic of the Bhārata dynasty 12.200

Bhāratabhāvadīpa 12.200

Language
Sanskrit

12.200.1

kimiti | uttaraṃ samālokāstavāsya ceti virūpavākyaśravaṇānantaram | tau ikṣvākupaippalādī tasya virūpasya bhāṣite vacane viṣaye ||

12.200.2

yadetat - sadyomuktikramamuktilokāntaraprāptiriti trayam ||

12.200.3

arhataḥ pūjyān ||

12.200.7

yadīti | aphalā tava yadi yadyapi mahyaṃ phalasya dattatvāt tathāpi japapradānajapuṇyenaiva tava phalavṛddherjātatvāt jāpakaṃ japārjitaṃ phalaṃ tvamapi prāpnuhītyarthaḥ ||

12.200.8

prayatnaḥ tubhyaṃ japadānārthaṃ nau āvayoḥ ||

12.200.9

vyavasāyaṃ niścayam ||

12.200.11

saṃyogavidhiḥ jīvabrahmaikyapratipādakā vedāntāḥ stobhāḥ sāmagītipūraṇārthāni akṣarāṇi hāihāvu ityādīni ||

12.200.16

atheti | anyonyavidhinā parasparopakāreṇa sahitau ekakāla eva viṣayāṇāṃ rūpādīnāṃ pratisaṃhāraṃ pratīpaṃ saṃhāraṃ viṣayakāraṇībhūtendriyasaṃhāreṇaiva saṃhāram ||

12.200.17

tatra kramamāha - prāṇeti | mūlādhārātkuṇḍalinīmutthāpya ūrdhvordhvacakrajayakrameṇa manasi hṛdaye'nāhatacakre sthāpya nirudhya tatrasthaṃ manaḥ ekībhūtayoḥ prāṇāpānayoḥ sthāpya vaśe kṛtvā dadhatuḥ dhārayata ityarthaḥ ||

12.200.18

upasthitam upasthaṃ kurutaḥ | tau upasthitakṛtau | baddhapadmāsanāvityarthaḥ | bhruvoradhaḥ nāsikāgraṃ paśyantāviti śeṣaḥ | svanāsikāgraṃ svena draṣṭumaśakyamato 'ya evāyamādarśe puruṣa etamevāhaṃ brahmopāse' iti śruteḥ | ādarśasthanāsikāgradarśanaṃ mā prasañjīti bhruvoradha iti viśeṣaṇam | tena nātyantaṃ nimīlitākṣaḥ syāt nidrāprāpteḥ | nāpi udghāṭitākṣaḥ syāt | lokadarśanena vikṣepādityuktam | upasthāpyodare tau ceti pāṭhe tau prāṇāpānau | udare svādhiṣṭhāne upasthāpya manasi ca sthāpyeti pūrveṇānvayaḥ | tataśca manasā saha tau prāṇāpānau bhrukuṭyāṃ dhruvormadhye ājñācakre dhārayataḥ ||

12.200.19

tathā uktaprakāreṇa jitātmānau jitacittau ātmānaṃ cittaṃ prāṇasahitaṃ mūrdhani dhārayata iti pūrveṇānvayaḥ | suṣumnāmārgeṇeti śeṣaḥ ||

12.200.20

tāludeśaṃ brahmarandhram ||

12.200.23

yogānāṃ yoginām ||

12.200.24

yogasya yoginaḥ etebhyaḥ eteṣāṃ sabhyānāṃ samāhitaṃ vihitam ||

12.200.25

uṣyatāmiti | atra caturmukhāsye praveśoktyā duḥkhahetuvyaṣṭiliṅgaviyogo jāpakasya brahmalokaṃ gatasya sadya eva bhavatītyuktam | tatra hetuḥ - acetayaditi | tasya brahmātmaikyaṃ bodhitavānityarthaḥ | ayamartho bhagavadgītāsu saṅgṛhītaḥ -
'sarvadvārāṇi saṃyamya mano hṛdi niruddhya ca |
mūrdhnyādhāyātmanaḥ prāṇamāsthito yogadhāraṇām ||
omityekākṣaraṃ brahma vyāharanmāmanusmaran |
yaḥ prayāti sa madbhāvaṃ yāti nāstyatra saṃśayaḥ ||'
iti | itare tu -
'brahmaṇā saha te sarve samprāpte pratisañcare |
parasyānte kṛtātmānaḥ praviśanti paraṃ padam ||'
iti smṛteḥ | kalpānte vyaṣṭiliṅgānmucyante iti bhedaḥ ||

12.200.28

vayaṃ tridaśeśvarādayaḥ tvayā caturmukhena ||

12.200.19_2

tathā uktaprakāreṇa jitātmānau jitacittau ātmānaṃ cittaṃ prāṇasahitaṃ mūrdhani dhārayata iti pūrveṇānvayaḥ | suṣumnāmārgeṇeti śeṣaḥ ||

12.200.30

saṃhitādhyāyināṃ phalamuktvā ṣaḍaṅgādhyāyināṃ manvādismṛtyadhyāyināṃ ca phalamāha - mahāsmṛtimiti ||

12.200.31

sādhaye yuṣmadiṣṭamiti śeṣaḥ ||

Linked texts (1)