The Great Epic of the Bhārata dynasty 13.12
Bhāratabhāvadīpa 13.12
- Language
- Sanskrit
13.12.1
strīpuṃsayoriti | pūrvādhyāyānte sa varddhate dharmayaśo'rthakāmairiti kāmasukhavṛddhirapi lakṣmīvatsvastītyuktaṃ tatra strīṣu pumarthe'kṣayā kāmasukhabṛddhirastīti lakṣmīkāmena kāminyaḥ prītimatyo lakṣmībuddhyā pūjanīyā ityadhyāyatātparyam | sparśaḥ vaiṣayikaṃ sukham ||
13.12.4
vairamūlamāha- agniṣṭutamiti | triguṇito'gniṣṭomo'gniṣṭut tatra hyagnireva stūyate sa ca 'putraṃ dadāti dāśuṣa' iti mantravarṇātputrapradaḥ kratuḥ sa cendradviṣṭastatrendrasya prādhānyābhāvāt ||
13.12.5
yajñaṃ kṛtamiti śeṣaḥ ||
13.12.14
mṛdutvādayaḥ strīguṇā āgatāḥ ||
13.12.15
karkaśatvādayaḥ puruṣaguṇāḥ naṣṭāḥ kena nimittena me mama strītvamabhavaditi sambandhaḥ ||
13.12.17
strīkṛtaḥ indreṇa strītvaṃ prāpitaḥ ||
13.12.23
pratyapadyata bhartṛtvena svīkṛtavatī ||
13.12.27
strītvadānena dviguṇitaputraprāptirūpa upakāra eva jāto na strītvakṛtopakāra ityarthaḥ ||
13.12.35
svarūpāṇāṃ svasyeva rūpaṃ yeṣāṃ teṣām ||
13.12.37
striyāḥ strībhūtasya me mama ||
13.12.40
indradviṣṭena agniṣṭutā yajñena dhiṣṭhitam adhiṣṭhitaṃ kratūniti śeṣaḥ ||
13.12.52
adhyāyatātparyamāha- striyā iti ||
Linked texts (1)
- Mahābhārata — Vyāsa, Sanskrit