The Great Epic of the Bhārata dynasty 13.3
Bhāratabhāvadīpa 13.3
- Language
- Sanskrit
13.3.1
brāhmaṇyamiti ||
13.3.6
ṛcīkasyātmaja ityatra ajīgartātmaja iti bodhyam | so'jīgartaṃ sauyavasimṛṣimaśanayā parītaṃ tasya ha trayaḥ putrā āsuḥ śunaḥpucchaḥ śunaḥśepaḥ śuno lāṅgūla iti śruteḥ | śunaḥśepasya pitā'jīgarta ityavagamāt | kalpāntarābhiprāyeṇa vā idaṃ jñeyam ||
13.3.7
devāṃstoṣayitvā tairmokṣitaḥ sanputratāṃ viśvāmitrasyānusamprāpta iti sambandhaḥ ||
13.3.8
nābhivādayate na namaskurvanti | anusvāralopa ārṣaḥ | devarātaṃ devairviśvāmitrāya dattaṃ tena ca jyeṣṭhaṃ kṛtaṃ santam | śaptā yeneti śeṣaḥ ||
13.3.9
bandhubhirmuktaḥ vasiṣṭhaśāpena cāṇḍālatāṃ gatatvāt divaṃ yena nītaḥ ||
13.3.11
pañcacūḍā valayabhedā yasyāḥ sā | cūḍā valayabhede syāditi medinī ||
13.3.14
vāgbhiriti | triśaṅkuṃ yājayanviśvāmitro vasiṣṭhaputraiḥ śaptaḥ śvapacasya yājakastvaṃ śvapaco bhaviṣyasīti taṃ śāpamṛtaṃ kartuṃ viśvāmitraḥ kasyāñcidāpadi śvajāghanīṃ cauryeṇārjayitvā paktumārebhe tāmindraḥ śyenarūpeṇa hṛtavān tāvataivāyaṃ śāpānmukto vavarṣa cendra iti devasenānāmagragaḥ śreṣṭhaḥ indraḥ ||
13.3.15
jvalati tārārūpeṇa ||
13.3.18
mataṅgasya brāhmaṇyāṃ śūdrājjātasya cāṇḍālasya yathā mahatā'pi tapasā brāhmaṇyamaprāpyaṃ jātaṃ tathaivaitanmama bhāti tvaṃ tu yathā jātaṃ tathā vadasva ||
13.3.19
sthāne yuktaṃ kathaṃ brāhmaṇyaṃ prāptavānviśvāmitra iti śeṣaḥ ||
Linked texts (1)
- Mahābhārata — Vyāsa, Sanskrit