The Great Epic of the Bhārata dynasty 13.4
Bhāratabhāvadīpa 13.4
- Language
- Sanskrit
13.4.1
śrūyatāmiti | brāhmaṇeṣvapi ṛṣitvaṃ mantradraṣṭṛtvaṃ gotrapravartakatvaṃ vā ||
13.4.5
vallabho nāma ||
13.4.6
prasavena somābhiṣavanimittena arthī putrārthī ||
13.4.7
sutāt somābhiṣavopalakṣitādyajñāt vanyadravyavihitāttādṛśī vanavāsayogyaiva kanyā jajñe ||
13.4.8
bhārgavo bhṛgorgotrāpatyam ||
13.4.10
vatsyasi udvāhena prāpsyasi ||
13.4.11
asaṃsakto niḥsaṃśayaḥ ||
13.4.12
ekataḥ ekam ||
13.4.13
ādityam aditeḥ putram ||
13.4.15
chanda icchā ||
13.4.21
vareṇa putraṃ te dāsyāmītyanugraheṇa ||
13.4.30
pūrvopapannāyāḥ bhartuḥ sambandhātpūrvam upapannāyāḥ gurutvena prāptāyāḥ tatra bhartrapekṣayā'haṃ garīyasītyarthaḥ ||
13.4.44
kṣatriyaḥ kṣatriyavadugrakarmā ||
13.4.61
viśvāmitrātmajā iti kṣatriyāt brahmavādinaḥ kathamutpannā ityāśaṅkyāha - ṛcīkeneti | carau pūrvaṃ brahmaivāhitam ataḥ kṣatrabījodbhavasyāpi brāhmaṇyalābho jātaḥ | bījāpekṣayā saṃskārasya balavattvāt | tathāhi | dāvāgnidagdhebhyo vetrabījebhyaḥ kadalīkāṇḍotpattimudāharanti na brāhmaṇyaṃ kṣatriyādyaistapaḥkoṭyāpi labhyate | viśvāmitrasya tatprāptirmātrā brahmaudanāśanāt ||
Linked texts (1)
- Mahābhārata — Vyāsa, Sanskrit