The Great Epic of the Bhārata dynasty 13.42
Bhāratabhāvadīpa 13.42
- Language
- Sanskrit
13.42.1
vipulastvityadhyāyasya tātparyaṃ padmapatrāmbuvadasaṅgasyāpi yogino māturapi sparśamātrāddoṣo bhavatīti gurāvaśubhamapi karmānivedya na sthātavyamiti ca ||
13.42.4
ādīyate'sminbāndhavairdattam upāyanādikaṃ sa ādānaṃ vivāhādyutsavaḥ prabhūtaṃ bahudhanādikaṃ yatra ||
13.42.7
nimantrakaḥ ākāraṇārthaṃ dūtaḥ ||
13.42.10
codayāmāsa madarthamapyetāni puṣpāṇi ānayeti preritavatī ||
13.42.17
parivartantamiti puṃstvamātmanepadābhāvaścārṣaḥ ||
13.42.18
tatpade itarasya pade pāṃsuṣu vyakte ākarṣaṇena vivartayan viṣamatāṃ nayan ||
13.42.19
neti neti anyonyavacanaṃ dūṣayantāvityarthaḥ | ayaṃ bhāvaḥ - mithunasthe'rke śīghraṃ gacchantīṃ rātrimahardevatā śīghraṃ gacchasīti lokadṛṣṭyā paryanuyuṅkte | rātristu svamānenaivāhaṃ gacchāmi na śīghramiti pariharati evamubhāvapi satyavādinau nānṛtaṃ śapathaṃ cakraturiti ||
13.42.22
ayaṃ mithunasya pariśramaḥ kaṣṭa ityanvayaḥ gatiraniṣṭeti sārdhaḥ ||
13.42.25
ṣaḍṛtavo dīvyamānān anyomyaṃ jetumicchantaḥ vasantādayo hi vṛṣādīnsamarāśīnabhisandhāyāyaṃ madīyo'yaṃ madīya iti vivadante te'pi matabhedānnānṛtavādinaḥ | mīnādirvasanta iti pakṣe hi vṛṣo grīṣmāntargataḥ meṣādipakṣe vasantāntargata iti ||
13.42.30
rucyāḥ gurubhāryāyāḥ ||
13.42.31
lakṣaṇaṃ strīpuṃsayorasādhāraṇaṃ cihnaṃ vidhāya ekīkṛtya | pidhāyeti pāṭhe'pi sa evārthaḥ ||
Linked texts (1)
- Mahābhārata — Vyāsa, Sanskrit