The Great Epic of the Bhārata dynasty 13.8

Bhāratabhāvadīpa 13.8

Language: Sanskrit

13.8.1

ke pūjyā ityādinā pūrvoktadharmān vivṛṇoti tatrāpi cakṣurdadyādityādinā ātithyaṃ kartavyamuktaṃ tadvivṛṇotyadhyāyena ||

13.8.3

brahma ānandātmā svargaḥ satyasaṅkalpatvādisiddhiḥ tapaḥsvādhyāyau sādhanaṃ yasya svargasya yastamātmānamanuvidya vijānāti sarvāṃśca lokānāpnoti sarvāṃśca kāmāniti śruteḥ sa svapralayaḥ ||

13.8.6

haṃsasādṛśyaṃ kṣīranīrayorivātmānātmanorvivecanāt ||

13.8.10

anasūyitam, asūyāvarjyaṃ yathā syāttathā ||

13.8.12

brāhmaṇakaḥ kutsitabrāhmaṇo'pi yadyahaṃ syāṃ tarhi dhanyaḥ kimuta kule jātaḥ ||

13.8.16

vṛjinaṃ saṅkaṭaṃ phalāśeti yāvat pūjyatvādeva tānpūjayāmi na tu phalāyetyarthaḥ ||

13.8.17

tena brāhmaṇārādhanena adya śarapañjarastho'pi na tapāmi na vyathāṃ prāpnomīti svānubhavaṃ darśayati ||

13.8.25

tejasa iti | brāhmaṇādbibhyet na tu tatra tejastapasī svīye prakāśayedityarthaḥ | tejaḥ krodhabalaṃ tapo yogabalam ||

13.8.26

tayostapastejasorbrāhmaṇakṣatriyasthayorvyavasāyaḥ phalam abhibhavatvaṃ śīghraṃ tīvraṃ tathāpi tapasvina evaitarān hanyurna tejasvina ityarthaḥ ||

bhūya iti | lyablope pañcamī akopanaṃ brāhmaṇaṃ prāpya yadbhūyaḥ bahutaram ubhayaṃ tapasteja ākhyaṃ syāt taddattaṃ khaṇḍitaṃ bhavatīti śeṣaḥ | kṣamāvatsu prayuktaṃ tattejo bahvapi tūlarāśivatsadyo naśyatītyarthaḥ ubhayata ubhayaṃ cet śeṣaṃ kuryāt na taddattaśeṣaṃ śeṣayedityanvayaḥ | dvābhyām anyonyasminprayuktaṃ teja ādidvayaṃ na niḥśeṣaṃ naśyati kintu śeṣaṃ kṣamāvatā khaṇḍitasya tasyāvaśiṣṭaṃ tu na śeṣayenna śiṣyate api tu niḥśeṣameva naśyatītyarthaḥ ||

13.8.29

astīti | abhāve taddeyamityarthaḥ ||

Linked texts (1)

Mahābhārata — Vyāsa, Sanskrit

The Great Epic of the Bhārata dynasty 13.8

13.8.1

13.8.2

13.8.3

13.8.5

13.8.6

13.8.7