The Great Epic of the Bhārata dynasty 13.90
Bhāratabhāvadīpa 13.90
- Language
- Sanskrit
13.90.1
kīdṛśe iti ||
13.90.3
devatā iti | abhāgyā devatāpūjaneṣu śraddhāṃ na kurvantītyarthaḥ | viprān pūjayanti upetya upasthāya devebhyo devān uddiśya sarvebhyo viprebhyaḥ ||
13.90.5
paṅktidūṣāḥ kāṇādayaḥ apāṅkteyāḥ duṣkarmāṇaḥ paṅktyayogyāḥ ||
13.90.6
nirākṛtiḥ adhyayanādiśūnyaḥ vārdhuṣiko vṛddhyarthaṃ dhanaprayoktā ||
13.90.7
kuṇḍāśī bhagabhakṣaḥ tailikastatkarmakṛt ||
13.90.9
parvakāraḥ veṣāntaradhārī | parva klībaṃ mahāgranthaprastāve lakṣaṇāntare iti medinī | sūcī piśunaḥ avratānāṃ śūdrāṇāṃ kāṇḍapṛṣṭhaḥ śastrājīvī ||
13.90.10
śvabhiḥ parikrāmet mṛgayāṃ kurvan ||
13.90.11
kuśīlavaḥ kuśī phālaḥ tena karṣaṇaṃ lakṣyate kṛṣīvalaḥ | lavacchedanaṃ tadupajīvī kāṣṭhacchedanopajīvī | 'kuśī phāle' iti medinī ||
13.90.13
tasyaiva purīṣe tasya pitaraḥ śerate na tvanyasya purīṣe ||
13.90.18
ṣaṣṭiṃ śataṃ puruṣāniti śeṣaḥ ||
13.90.20
asurendrāya balaye ||
13.90.21
parisṛte āvṛtadeśe ||
13.90.26
triṇāciketaḥ triṇāciketākhyamantrādhyetā | pañcagārhapatyādaya āvasathyāntā agnayo yasya | trisuparṇaṃ catuṣkapardā yuvatiḥ supeśā iti bahvṛcānāṃ mantratrayaṃ vā brahmametumāmityādi taittirīyaprasiddhaṃ vā ṣaḍaṅgāni śikṣādīni ||
13.90.27
brahmadeya iti | brahma vedaḥ paravidyā vā tadeva deyaṃ yeṣāṃ teṣāmanusantānaḥ paramparāyāmutpannaḥ svayaṃ ca brahmavidadhyāpako vā brahmadeyānusantānaḥ ||
13.90.38
ayam ṛtviktvādiguṇahīno'pi paṅktipāvana evetyāha - anṛtvigiti ||
13.90.39
ṛtvigbhirabhyanujñāta iti ṛtvigbhirabhyanujñeya eva sa na tvanṛtviktvenānupādhyāyatvenopekṣaṇīyaḥ | yataḥ sa paṅktyā duṣkṛtaṃ harati | ananujñāta iti pāṭhe'bhimānavaśādananujñāto'pīti jñeyam ||
13.90.41
mitrameva pradhānaṃ na yogyatvādikaṃ yeṣu tāni | mitreṣvapi yogyatā cettatparityāge doṣa eveti bhāvaḥ ||
13.90.42
śrāddhena nimittena saṅgatāni sakhyāni pippalaṃ bandhanādvā bandhanādiva karmaphalopanibandhanabhūtāt svargāccyavate tatra na gacchatītyarthaḥ ||
13.90.46
sambhojanī anyonyaṃ dīyamānā sā piśācadakṣiṇā piśācadānatulyā piśācāḥ svasya bhojakāya bhojayanti tadvat ||
13.90.47
yāṃ ca dakṣiṇām anute apātre āvṛṇoti prayacchati āpṛ iti supaṭham ||
13.90.48
na bhunakti na pālayati āghātinī hantrī ||
Linked texts (1)
- Mahābhārata — Vyāsa, Sanskrit