[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [Mahābhārata](https://indike.org/pramana/in.lit.mahabharata.vyasa) › [Bharatabhavadipa](https://indike.org/pramana/in.lit.mahabharata.vyasa!nilakantha) › 13.90 # The Great Epic of the Bhārata dynasty 13.90 Bhāratabhāvadīpa 13.90 - **Language:** Sanskrit ### [13.90.1](https://indike.org/pramana/in.lit.mahabharata.vyasa!nilakantha.13.90.1) kīdṛśe iti || ### [13.90.3](https://indike.org/pramana/in.lit.mahabharata.vyasa!nilakantha.13.90.3) devatā iti | abhāgyā devatāpūjaneṣu śraddhāṃ na kurvantītyarthaḥ | viprān pūjayanti upetya upasthāya devebhyo devān uddiśya sarvebhyo viprebhyaḥ || ### [13.90.5](https://indike.org/pramana/in.lit.mahabharata.vyasa!nilakantha.13.90.5) pa‌ṅktidūṣāḥ kāṇādayaḥ apāṅkteyāḥ duṣkarmāṇaḥ paṅktyayogyāḥ || ### [13.90.6](https://indike.org/pramana/in.lit.mahabharata.vyasa!nilakantha.13.90.6) nirākṛtiḥ adhyayanādiśūnyaḥ vārdhuṣiko vṛddhyarthaṃ dhanaprayoktā || ### [13.90.7](https://indike.org/pramana/in.lit.mahabharata.vyasa!nilakantha.13.90.7) kuṇḍāśī bhagabhakṣaḥ tailikastatkarmakṛt || ### [13.90.9](https://indike.org/pramana/in.lit.mahabharata.vyasa!nilakantha.13.90.9) parvakāraḥ veṣāntaradhārī | parva klībaṃ mahāgranthaprastāve lakṣaṇāntare iti medinī | sūcī piśunaḥ avratānāṃ śūdrāṇāṃ kāṇḍapṛṣṭhaḥ śastrājīvī || ### [13.90.10](https://indike.org/pramana/in.lit.mahabharata.vyasa!nilakantha.13.90.10) śvabhiḥ parikrāmet mṛgayāṃ kurvan || ### [13.90.11](https://indike.org/pramana/in.lit.mahabharata.vyasa!nilakantha.13.90.11) kuśīlavaḥ kuśī phālaḥ tena karṣaṇaṃ lakṣyate kṛṣīvalaḥ | lavacchedanaṃ tadupajīvī kāṣṭhacchedanopajīvī | 'kuśī phāle' iti medinī || ### [13.90.13](https://indike.org/pramana/in.lit.mahabharata.vyasa!nilakantha.13.90.13) tasyaiva purīṣe tasya pitaraḥ śerate na tvanyasya purīṣe || ### [13.90.18](https://indike.org/pramana/in.lit.mahabharata.vyasa!nilakantha.13.90.18) ṣaṣṭiṃ śataṃ puruṣāniti śeṣaḥ || ### [13.90.20](https://indike.org/pramana/in.lit.mahabharata.vyasa!nilakantha.13.90.20) asurendrāya balaye || ### [13.90.21](https://indike.org/pramana/in.lit.mahabharata.vyasa!nilakantha.13.90.21) parisṛte āvṛtadeśe || ### [13.90.26](https://indike.org/pramana/in.lit.mahabharata.vyasa!nilakantha.13.90.26) triṇāciketaḥ triṇāciketākhyamantrādhyetā | pañcagārhapatyādaya āvasathyāntā agnayo yasya | trisuparṇaṃ catuṣkapardā yuvatiḥ supeśā iti bahvṛcānāṃ mantratrayaṃ vā brahmametumāmityādi taittirīyaprasiddhaṃ vā ṣaḍaṅgāni śikṣādīni || ### [13.90.27](https://indike.org/pramana/in.lit.mahabharata.vyasa!nilakantha.13.90.27) brahmadeya iti | brahma vedaḥ paravidyā vā tadeva deyaṃ yeṣāṃ teṣāmanusantānaḥ paramparāyāmutpannaḥ svayaṃ ca brahmavidadhyāpako vā brahmadeyānusantānaḥ || ### [13.90.38](https://indike.org/pramana/in.lit.mahabharata.vyasa!nilakantha.13.90.38) ayam ṛtviktvādiguṇahīno'pi paṅktipāvana evetyāha - anṛtvigiti || ### [13.90.39](https://indike.org/pramana/in.lit.mahabharata.vyasa!nilakantha.13.90.39) ṛtvigbhirabhyanujñāta iti ṛtvigbhirabhyanujñeya eva sa na tvanṛtviktvenānupādhyāyatvenopekṣaṇīyaḥ | yataḥ sa paṅktyā duṣkṛtaṃ harati | ananujñāta iti pāṭhe'bhimānavaśādananujñāto'pīti jñeyam || ### [13.90.41](https://indike.org/pramana/in.lit.mahabharata.vyasa!nilakantha.13.90.41) mitrameva pradhānaṃ na yogyatvādikaṃ yeṣu tāni | mitreṣvapi yogyatā cettatparityāge doṣa eveti bhāvaḥ || ### [13.90.42](https://indike.org/pramana/in.lit.mahabharata.vyasa!nilakantha.13.90.42) śrāddhena nimittena saṅgatāni sakhyāni pippalaṃ bandhanādvā bandhanādiva karmaphalopanibandhanabhūtāt svargāccyavate tatra na gacchatītyarthaḥ || ### [13.90.46](https://indike.org/pramana/in.lit.mahabharata.vyasa!nilakantha.13.90.46) sambhojanī anyonyaṃ dīyamānā sā piśācadakṣiṇā piśācadānatulyā piśācāḥ svasya bhojakāya bhojayanti tadvat || ### [13.90.47](https://indike.org/pramana/in.lit.mahabharata.vyasa!nilakantha.13.90.47) yāṃ ca dakṣiṇām anute apātre āvṛṇoti prayacchati āpṛ iti supaṭham || ### [13.90.48](https://indike.org/pramana/in.lit.mahabharata.vyasa!nilakantha.13.90.48) na bhunakti na pālayati āghātinī hantrī || ## Linked texts (1) - [Mahābhārata](https://indike.org/pramana/in.lit.mahabharata.vyasa.13.90.1) — Vyāsa, Sanskrit --- Source: [https://indike.org/pramana/in.lit.mahabharata.vyasa!nilakantha.13.90](https://indike.org/pramana/in.lit.mahabharata.vyasa!nilakantha.13.90) · Pramāṇa