The Great Epic of the Bhārata dynasty 2.22
Bhāratabhāvadīpa 2.22
- Language
- Sanskrit
2.22.1
vaikṛtam apakāraḥ ||
2.22.2
katham ariṃ manyadhvaṃ taddrūta eṣaḥ satyavacanasya samayaḥ maryādā ||
2.22.3
prasajati prasañjayati arthadravyopaghātam āropayati | saḥ kṣatriyaḥ vṛjināṃ kaṣṭāṃ gatim āpnoti na saṃśaya iti yojanā ||
2.22.4
upahanti cātmānam ||
2.22.6
prajānāṃ cānāgasaṃ jalpatha viparītamarthaṃ vadatha ||
2.22.7
vairamūlaṃ prakāśayati kuleti ||
2.22.10
enopagacchet enaḥ pāpaṃ kartṛ upagacchetprāpnuyāt sandhirāṣaḥ ||
2.22.12
nanu ’brāhmaṇe brāhmaṇamālabheta’ ityādināṃ sarvajātīyānāṃ sarvakarmaṇāṃ mānuṣāṇāmālambho devatārthaṃ vadhaḥ śrūyate ityāśaṅkyāha savarṇo hīti ||
2.22.16
abhijanaṃ sajātīyaṃ pālyatayā jānan ||
2.22.18
svargeti brahma vedaḥ yaśaḥ tapo vedoktaṃ karma ca svargayoniḥ sukhahetuḥ | yuddhe mṛtyuśca avyamicāravān svargahetuḥ vedādīnām avratādīn prati svargahetutvaṃ nāsti yuddhe mṛtyustu na tathetyarthaḥ ||
2.22.19
eṣaḥ yuddhe mṛtyuḥ aindraḥ indrasambandhī | vaijayantaḥ prāsādaḥ tatprāptiheturityarthaḥ yena labdhena samāhitaḥ pūrṇaḥ ||
2.22.20
svargamārgahetorvigraho vairam asmābhiḥ saha yathā tava puṇyātiśayāt na tathānyasyāsti atra hetuḥ kṣatriyāvamāna ityāha māgadhairiti sainyaireva na bāhubalena ||
2.22.22
viṣahyam asahyaṃ vigataḥ sahyaḥ soḍhuṃ yogyaḥ soḍhā yasya tat yadvā tava etāvat balam asmākaṃ viṣahyaṃ susaham ||
2.22.25
yuyukṣamāṇāstvatto hi tvattaḥ tvāṃ yuyukṣamāṇāḥ yogaḥ kapaṭena hananaṃ tatkartumicchantaḥ ’yogo viśrabdhadhātini’ iti viśvaḥ | mumukṣamāṇā iti pāṭhe nṛpāniti śeṣaḥ | brāhmaṇabruvā iti pāṭhe brāhmaṇādhamāḥ ||
2.22.27
ajitaḥ anyairiti śeṣaḥ | paryavasthātā śatruḥ ||
2.22.30
vyūḍhena vyūharacanāyāsthitena ||
2.22.33
haṃsaḍimbhakāviva kauśikacitrasenāvityāha yayoriti ||
2.22.35
madhubhiḥ yādavaiḥ ||
2.22.36
na hantum iyeṣetyanvayaḥ tatra hetuḥ brāhmīmiti ||
Linked texts (1)
- Mahābhārata — Vyāsa, Sanskrit