The Great Epic of the Bhārata dynasty 2.45

Bhāratabhāvadīpa 2.45

Language: Sanskrit

2.45.1

uruvikramaḥ ururmahān viśvavyāpī vikramaḥ pādavikṣepo sa śiśupāle hariṇāsahābhedāt ||

tāvat raṇaṃ gacchā yāvattvāṃ nihanmi niścayena prāpnomi | hantergatyarthatvena prāptyarthatvāt sadyaḥ kaivalyepsuṃ māṃ jarāsandhamiva jitamātraṃ mā muñcetyarthaḥ | sahitaṃ sarvapāṇḍavairiti pāṇḍavānāmapi viṣṇvaśatvaṃ darśayati ||

2.45.3

avadhyāḥ avadhau maryādāyāṃ sādhavaḥ maryādāparipālakāḥ me matāḥ eṣa seturvidhṛtireṣāṃ lokānāmasambhedāyeti paramātmanastāvanmaryādāvidhārakatvaṃ spaṣṭam | tadaṃśatvātpāṇḍavānāmapītyarthaḥ | atra hetumāha nṛpatīniti | arājā nāsti rañjako'smādanya iti arājā | 'etasyaivānandasyānyāni bhūtāni mātrāmupajīvanti eṣa hyevānandayāti' ityādinā paramātmana eva mukhyarañjakatvaśruteḥ ||

2.45.4

tvāndāsaṃ tvām adāsamiti chedaḥ | tvā tvām ando bandhaḥ andi bandhane dhātuḥ | tam asyati kṣipatīti adā sambandhanāśakaṃ bālyādārabhyeti śeṣaḥ | durmatim anarhaṃ duḥsthitāṃ matiṃ praveṣṭum anarhamityarthaḥ | arhavatpūjyavat te'pi vadhyāḥ | avopasargasya bhāgurimatena akāralopaḥ pūrvavadarthaḥ ||

2.45.6

evaṃ gūḍhāśayena stuto'pi bhagavān rūḍhyarthābhiprāyeṇa lokadṛṣṭyā taṃ hantuṃ vairamāviṣkaroti | eṣa naḥ śatrurityādinā | nahitaḥ supsupeti samāsaḥ nekadhetyādivat dveṣītyarthaḥ ||

2.45.10

sauvīrān deśaviśeṣān ito hastināpurāt gatāṃ prasthitām | sauvīrātpratipattau ceti pāṭhe pratipattau vivāhakāle babhroryādavasya ||

2.45.11

doṣāntaramāha eṣa iti karūṣo deśabhedaḥ tadrājārthe'ṇ māyāṃ praticchannaḥ kapaṭena tadveṣaṃ kṛtvetyarthaḥ | vaiśālīṃ viśālapurīṃ tadadhipasya kanyām ||

2.45.13

tāni pūrvoktāni nibodhata ||

2.45.18

matpūrvāṃ pitrādibhiḥ pūrvaṃ mahyaṃ pratiśrutām ||

2.45.19

manyamānaḥ svīkurvāṇaḥ ||

2.45.20

kṣama kṣamasva śraddhāpitṛṣvasurvacasi avaśyānuṣṭheyatvabuddhiḥ ||

2.45.23

yācata iti pāṭhe yācanaṃ yācaḥ tasmātprathamārthe tasiḥ ||

2.45.24

yācitaṃ mayā dattaṃ pratiśrutam | tāni śatam aparāddhāni | vadhayiṣyāmi vadhaṃ prāpayiṣyāmi | ṇyantādvadhaśabdāt lṛṭ ||

2.45.26

tejo liṅgaśarīram agryaṃ saṃsārānāditayā'nādi ||

2.45.28

tacca bhagavatā svamahimānaṃ prakāśayatā sarveṣāṃ dṛṣṭiviṣayīkṛtaṃ tena adbhutatamam etaddarśanam | yadviveśa mahābāhuṃ tattejaḥ puruṣottamamityantasya śiśupālavadhasya tātparyaṃ dveṣādināpyante bhagavatsmaraṇaṃ tatprāptiheturiti yathoktaṃ śrīmadbhāgavate | 'gopyaḥ kāmādbhayātkaṃso dveṣāccaidyādayo nṛpāḥ | sambandhādvṛṣṇayaḥ snehādyūyaṃ bhaktyā vayaṃ prabho' iti kṛṣṇaṃ prāptā iti śeṣaḥ ||

Linked texts (1)

Mahābhārata — Vyāsa, Sanskrit