The Great Epic of the Bhārata dynasty 2.8

Bhāratabhāvadīpa 2.8

Language: Sanskrit

2.8.2

taijasī jyotirmayī sauvarṇī vā bhūyasī mahatī pūrvasabhātaḥ ||

2.8.3

sarvataḥ kāmarūpiṇī yasyāṃ sarvaṃ vastu saṅkalpasamakālameva sarvātmakaṃ bhavatītyarthaḥ ||

2.8.5

kāmāḥ kāmyamānā viṣayāḥ | prabhūtaṃ bahulam | bhakṣyam apūpādi | bhojyam odanādi ||

2.8.6

lehyaṃ khaṇḍaśarkarādi coṣyam ikṣukāṇḍādi srajaḥ paramparāḥ tasya bhakṣyādyannasya kāmaphalāḥ āmrāderapi panasādikaṃ phalamudbhavati kāmānusārādityarthaḥ ||

2.8.18

rāma iti | rāmalakṣmaṇayorviṣṇuśeṣarūpeṇa svasthānasthayorapi pratimārūpeṇa upāsakānugrahārthamatrāvasthānaṃ bodhyam ||

dhṛtarāṣṭrāścaikaśatamiti | purāṇeṣu prāyeṇādhikāriṇāmeva kīrtanātteṣāṃ ca pratikalpaṃ samānanāmarūpakarmatvādanekakalpaṃ dharmasabhāvāsināṃ teṣāṃ bahutvaṃ yuktaṃ senāpatyādiśabdavadadhikāravācitvāddhṛtarāṣṭrādiśabdānām ||

2.8.25

ayameva nyāyaḥ palāśādiyajñiyadravyādyabhimānidevatāsu jñeya ityāśayavānāha palāśānāmiti ||

2.8.31

kālacakraṃ ceti | saṃvatsarādyabhimāninyo devatāḥ | duṣkṛtakarmāṇaḥ vidyāvihīnakarmamātraniṣṭhāḥ ||

2.8.34

asambāndhām asaṅkīrṇā ||

2.8.36

sannyāsinaḥ niṣkāmakarmakartāraḥ kāmyānāṃ karmaṇāṃ tyāgino vā | pūrveṣāmapi āpastambena tadyathāmre phalārthaṃ nirmite chāyāgandha ityanutpadyete | evaṃ dharmaṃ caryamāṇamarthā anutpadyante' iti ānuṣaṅgikaphalabhāgitvadarśanāt | nirmite ropite | arthā divyānnapānādayaḥ ||

2.8.41

puṣkarairmūrtimadbhistīrthaviśeṣaiḥ mālinīṃ śobhinīm ||

Linked texts (1)

Mahābhārata — Vyāsa, Sanskrit