The Great Epic of the Bhārata dynasty 3.268

Bhāratabhāvadīpa 3.268

Language: Sanskrit

3.268.1

saroṣeti | roṣeṇa rāgo raktimā tena sahitaṃ saroṣarāgaṃ tadupahataṃ ca mlānaṃ ca tena valgunā sundareṇa | nate svabhāvataḥ unnate krodhena dhruvau yasyāstathā | visphūrya phūtkāraṃ kṛtvā ||

3.268.2

abhi abhikramya bruvan sthitān acalān yakṣādibhirapyajeyānityarthaḥ ||

3.268.3

īḍyaṃ stutyaṃ vanecaraṃ vānaprasthaṃ pāpaṃ pāpavacanaṃ pravadanti | santa iti śeṣaḥ | śvanarāḥ śunakatulyā narāstvādṛśāstu evam uktarītyā bhaṣanti bruvanti ||

3.268.4

kṣatriyasanniveśe nṛpasamāje pātālamukhe mahāgarte pratisaṃharet pratiṣedheta ||

3.268.5

upatyakāmadrisamīpabhūmiṃ daṇḍī daṇḍamātrāyudho yūthāt samūhāt apasedhasi apakarṣasi ||

3.268.6

bālyāt mauḍhyāt pakṣmāṇi mukhoparisthakeśān | padā samāhatya lunāsi chinatsi ||

3.268.9

veṇvādayaḥ phalitā eva naśyanti karkaṭī ca pariṇatagarbhā naśyatīti lokaprasiddham ||

vayamiti | saptadaśa aṣṭau karmāṇi nava śaktyādayaśca nityaṃ santi yeṣu tāni saptadaśāni | nityayoge matvarthīyo'rśaādyac | tatra 'kṛṣirvaṇikpatho durgaṃ setuḥ kuñjarabandhanam || khanyākarakarādānaṃ śūnyānāṃ ca niveśanam || aṣṭau sandhānakarmāṇi niyuktāni manīṣibhiḥ' iti karmāṣṭakaṃ kośavṛddhikaram | tathā prabhuśaktimantraśaktirutsāhaśaktiḥ | prabhusiddhirmantrasiddhirutsāhasiddhiḥ | prabhūdayo mantrodaya utsāhodayaḥ | prabhutvādīnāṃ svarūpataḥ sāmarthyataḥ phalataśca yeṣu nityayoga ityarthaḥ | anavameṣu anīceṣu ṣaḍbhyo guṇebhyaḥ | lyablope pañcamī | ṣaḍguṇān prāpya pāṇḍavebhyo'bhyadhikāḥ | te ca śauryatejo dhṛtidākṣiṇyadānaiśvaryāṇi bhavatāpyuktāḥ śauryaṃ teja iti yatra yuddhe cāpyapalāyanaṃ śaurye evāntarbhūtamiti ṣaḍeva kṣatriyakarmāṇi tasya guṇatvenocyante | sandhivigrahayānāsanadvaidhībhāvāśrayākhyāstu guṇā nītiśāstroktā neha gṛhyante | teṣāṃ sarveṣāmutkarṣānādhāyakatvāt | hīnabala eva sandhidvaidhādīni icchati na prabala iti ||