The Great Epic of the Bhārata dynasty 3.269

Bhāratabhāvadīpa 3.269

Language: Sanskrit

3.269.3

mahāvanaṃ mahānālayaḥ 'gṛhiṇī gṛhamucyate' ityuktergṛhiṇī 'vanaṃ napuṃsakaṃ nīre nivāsālayakānane' iti medinī | mahādhanāmati pāṭhe mahacca taddhanaṃ ceti strīrūpameva dhanam ||

3.269.4

samācchādya mohayitvā | samanyuḥ dainyasahitaḥ prāṇānām ādhyātmikānāmindriyāṇāṃ patirmukhyaḥ prāṇaḥ ||

arājakaṃ rājahīnaṃ śauṇḍaiḥ śuṇḍayā viditairgajaiḥ | pītarasaḥ pītajalaḥ | yathā dāsīmudakumbhaṃ nayantīmanulakṣya mahāmātrastayā'jñātameva gajaṃ tatpṛṣṭato nītvā tena tajjalaṃ śoṣayati sā cākasmāddhaṭaṃ laghutayā riktaṃ paścājjānāti tadvat asmābhirajñāto'smaddhanaṃ kaściddhariṣyati tadā riktakumbhavadvanaṃ paścādrakṣyāma ityarthaḥ | saindhavaiḥ sindhudeśajairvājibhiraśvaiḥ | surathaiḥ śobhanarathaiḥ | samānādhikaraṇaṃ tṛtīyātrayam ||

3.269.9

preṣyavadhūṃ dāsabhāryām ||

3.269.10

antitaraḥ samīpataraḥ ārtatara ityapi pāṭhaḥ ||

3.269.19

purā yāvat anarhate tanuṃ na dadāti tāvat śīghramanuyāteti caturthena sambandhaḥ ||

3.269.23

pratikrāma dūre bhava paruṣāṇi anarhate tanuṃ dadātītyādīni duḥśrāvyāṇi mattatvāt vañcanāṃ svajanasya tavaiva vadharūpām ||

3.269.27

dharṣaṇāt parābhavāt ||

Linked texts (1)

Mahābhārata — Vyāsa, Sanskrit