The Great Epic of the Bhārata dynasty 3.5
Bhāratabhāvadīpa 3.5
- Language
- Sanskrit
3.5.1
hitopadeśe'pi duṣṭāḥ kupyantītyuktvā santastatraiva tuṣyantītyāha pāṇḍavā ityadhyāyena ||
3.5.3
marudhanvasu maruṣu nirjaladeśeṣu | dhanvasu jāṅgaladeśeṣu | 'dhanvā jāṅgaladeśe syāt' iti viśvaḥ ||
3.5.7
ārāt dūrataḥ ||
3.5.9
ādrava āgaccha apayātuṃ nivartituṃ saṃśayite paṇīkṛte sati kathaṃ naḥ rājyaprāptiḥ yataḥ saṃśayitā gāṇḍīvanāśādityarthaḥ ||
3.5.11
yathāvṛttaḥ yādṛśācāraḥ ||
3.5.12
anuguptam anurakṣitāraṃ hitopadeśeneti śeṣaḥ kartari ktaḥ bravīhītyavocaditi sambandhaḥ ||
3.5.13
rucāṃ prītim anyat sāmno'nyat vairam ||
3.5.16
paraiti parāmṛśati puṣkarasya kamalasya ||
3.5.17
śraddhā iṣṭo'yamiti dhīḥ ||
3.5.18
dhāryatāṃ na vismartavyam ||
3.5.19
upāsate upāste pratīkṣate tṛṇaiḥ stokam agnimiva ātmānaṃ sahāyasampatyā saṃvardhayan eka eva śatrūṇāṃ kārtsnyenocchedāt ||
3.5.20
sahāyārjanopāyamāha yasyeti | avibhaktaṃ sādhāraṇam | vasu vittam ||
3.5.21
vipralāpaṃ vigataḥ pralāpo'narthakaṃ vaco yasmāttattathā pūjyaḥ stavyaḥ vanavāsānte bahunā dhanena bahūnsahāyānprāpya tvameva śatrūcchedaṃ kṛtvā rājyaṃ prāpsyasītyarthaḥ ||
Linked texts (1)
- Mahābhārata — Vyāsa, Sanskrit