The Great Epic of the Bhārata dynasty 3.6
Bhāratabhāvadīpa 3.6
- Language
- Sanskrit
3.6.1
gate iti | mahāprājñaḥ viduropadeśe sthitānāṃ jayo bhaviṣyatīti jānan ||
3.6.2
sandhivigrahakāritaṃ sandhivigrahādinītijñatvakṛtam | bhaviṣyati āgāmini kāle ||
3.6.3
vidurasmāramohitaḥ smaraḥ kāmaḥ tasmātkenacitpratibaddhādutpanno dveṣaḥ smāra ityucyate | viduradveṣeṇa mama nāśo bhaviṣyatīti cintayā mohaṃ prāpta ityarthaḥ snehetyapapāṭhaḥ ||
3.6.5
dveṣameva sneherūpeṇa nāṭayituṃ sabhādvāre rājñāṃ samakṣaṃ patitvotthāya āha bhrātetyādi ||
3.6.8
nirdhutaḥ niḥsāritaḥ ||
3.6.9
vyalīkam apriyam ||
3.6.11
mānitaḥ sannitarānmānayitvetyanumānyetyasyārthaḥ ||
3.6.19
dhṛtarāṣṭraḥ pratāpavānati pāṭhe mohena prakṛṣṭaṃ tāpaṃ prāpta ityarthaḥ ||
3.6.20
prajāgare ādhibhavāyāmunnidratāyāṃ vicitraṃ vigatadivyavastukam apetalakṣmīkamityarthaḥ ||
3.6.23
bhavantīti | dīnatvāt pāṇḍevaṣu mama pakṣapāto na tu tvatputradveṣāditi bhāvaḥ ||
Linked texts (1)
- Mahābhārata — Vyāsa, Sanskrit