The Great Epic of the Bhārata dynasty 5.22

Bhāratabhāvadīpa 5.22

Language: Sanskrit

5.22.1

prāptāniti | diṣṭyā bhāgyena ānahya sannaddho bhūtvā sthānaṃ sthitimupasthitaḥ prāpta iti sabhājayethāḥ pūjayethāḥ ||

5.22.2

svastimanto vayamiti sarvān vadeḥ kṛcchraṃ niruṣyāpi teṣāṃ śāntirakrodho'smāsu vidyate mithyāpetānāṃ niṣkapaṭānām ||

5.22.3

mahyaṃ paryākārṣuḥ madarthaṃ parita ānītavantaḥ ||

5.22.4

dharmārthābhyāṃ dharmārthamarthārthaṃ ca sukhaṃ prītiḥ priyaṃ putrādi tadanurodhena kāmāt dharmaṃ na tyajantītyarthaḥ ||

5.22.6

yathārhaṃ mānamarthaṃ ca kurvanti te tathā ||

5.22.8

utthāne ārambhakāle eva vīryaṃ na prasaṅge yasya sa utthānavīryaḥ yattu teṣāṃ bhāgaṃ hartuṃ śakyaṃ manyate tat sukṛtaṃ yuktamiti manyate mauḍhyāditi bhāvaḥ ||

5.22.9

yasya padavīṃ yānti yasyānugā ityarthaḥ | tasya tasmai pradānaṃ bhāgapradānam ||

5.22.13

jātavedase upāharat khāṇḍavamiti vipariṇāmenānuṣaṅgaḥ ||

5.22.17

etat paridṛśyamānaṃ balaṃ bhīṣmadroṇādīnāṃ sāmarthyaṃ tadapi satyaṃ tathā'pi tān pāṇḍavān prāpya nāstīti manye tucchamityarthaḥ ||

5.22.18

pravarhaḥ śreṣṭhaḥ | santyaktātmā tyaktadehaḥ ||

5.22.19

sahoṣito varṣamātraṃ caritārthaḥ gograhe rakṣitaḥ | mātsyeyānāṃ matsyadeśajānām ||

kekayebhyo deśebhyaḥ | avaruddhāḥ bahirniḥsāritāḥ pañca bhrātaraḥ kekayānām | yataḥ kekayebhyaḥ rājyaṃ prāptumicchantaḥ pūrvamasmadīyā api samprati pāṇḍavān anuvasanti - anusaranti | tena svapakṣahāniḥ parapakṣapuṣṭiśca darśitā ||