The Great Epic of the Bhārata dynasty 5.23

Bhāratabhāvadīpa 5.23

Language: Sanskrit

5.23.5

yatra āptavarge tvaṃ svastikāmaḥ kalyāṇārthī yāṃśca iṣṭān kāmān bhogyān gajarathādīn vāñchasi te sarve kuśalinaḥ kaccidityanuṣaṅgaḥ ||

5.23.11

kurubhyaḥ spṛhayanti kaccidityanuṣaṅgaḥ | kurūṇāṃ kalyāṇamayuddhena vāñcchanti kacciditi bhāvaḥ ||

5.23.12

yeṣāṃ rāṣṭre nivasati teṣāṃ kurūṇāṃ madhye dhanurbhūtaḥ kaścinmānaṃ labhante ||

5.23.14

mahānasyo mahānase paricārikāḥ | vadhvaḥ snuṣāḥ | abyalīkāḥ niṣkapaṭāḥ ||

5.23.15

vṛttiṃ jīvikāṃ dātumiti śeṣaḥ | dāyānmaddattān grāmādīn ||

5.23.16

atikramānnopekṣata ityuttarārdhānnaño'pakarṣeṇa yojyam ||

5.23.17

etadbrāhmaṇānāṃ vṛtteḥ pālanaṃ jyotiḥ paralokaprakāśakaṃ jīvaloke iha śuklaṃ yaśaskaram | doṣaṃ lobhaṃ brāhmaṇavṛttyupaghātena na niyacchanti ||

5.23.18

bubhūṣate prāpayitumicchati | bhedena jijīviṣanti śatrubhirbheditāḥ santastaddattairdhanairjīvitumicchanti ||

5.23.20

pārthasyārjunasya kṛtyaṃ smaranti | yudhāṃ saṅgrāmāṇāṃ praṇeturnirvāhakasya āhuḥ śamaṃ kurviti śeṣaḥ | śameti pāṭhe śama śāmya śāntiṃ gacchetyarthaḥ ||

5.23.21

maurvyāḥ bhujaḥ kauṭilyaṃ tasya agramivāgraṃ śarasandhānadeśaḥ | tataḥ prahitān preṣitān ||

5.23.22

suvāsasaḥ supuṅkhāḥ | hastavāpo hastakṣepaḥ | vacanabhede'pi sāmānādhikaraṇyaṃ śataṃ striyo'sya parigraha itivat ekaṣaṣṭirbāṇā asya ekena yatnena prakṣepyā ityarthaḥ ||

5.23.24

dantakūre kūramannaṃ dantāḥ krodhāveśāt kūravaccarvyante'sminniti dantakūraḥ saṅgrāmaḥ tasmin asyan kṣipan ||

5.23.27

aham arjunasya tadā pṛṣṭharakṣakaḥ prerako'bhavamityarthaḥ | bhīmasenaśca mādrīsutayoḥ pṛṣṭarakṣako'bhūt pañcabhirapyasmābhiste mocitā ityarthaḥ ||

na karmaṇota sarvātmanā sarvopāyaiḥ dānabhedadaṇḍaiścet dhṛtarāṣṭrasya putraṃ jetuṃ na śaknumastarhi ekena sādhunā karmaṇā sāmākhyenopāyena sukhaṃ sukhena jetuṃ naiva śakyaṃ bhavati | sāmnā'sādhye hi dānādayaḥ pratyujyante tairapyasādhyaḥ kathaṃ sāmamātreṇa sādhyaḥ syāt | ato daṇḍaikasādhyaḥ sa iti bhāvaḥ | pāṭhāntare pariṇetuṃ svāyattīkartum ||

Linked texts (1)

Mahābhārata — Vyāsa, Sanskrit