The Great Epic of the Bhārata dynasty 5.25

Bhāratabhāvadīpa 5.25

Language: Sanskrit

5.25.4

rathamayojayat iha āgantuṃ rājño vacanaṃ pāṇḍavānāṃ rocatāṃ tataśca śamo'stu ||

5.25.5

saṃsthānenākāreṇa | mārdavena kṛpayā | ārjavena akauṭilyena | anṛśaṃsāḥ anugrāḥ | hrīniṣevāḥ lajjāparāyaṇāḥ ||

5.25.6

hīnaṃ hiṃsraṃ sattvaṃ buddhisattvaṃ sādhutvaṃ vā bhīmasenāḥ bhīṣaṇasainyāḥ ||

5.25.7

sarvakṣayaḥ abhāvasaṃsthaḥ śūnye eva parisamāptaḥ kṣayaḥ tatra tat prathamārthe tral | jayo'pi bandhunāśāt parājaya eva ||

5.25.8

jñātīnāṃ duryodhanādīnāṃ kāryaṃ ghoṣayātrāyāṃ gandharvebhyo mocanādikamupakruṣṭaṃ ninditam ||

5.25.9

nirṇīya niścayaṃ kṛtvā nigṛhya hatvetyarthaḥ ||

5.25.10

nanu yuddhe jayaparājayāvanityāvityāha- ko hīti dvābhyām ||

5.25.13

nirdharmārthaṃ dharmārthayorviruddhaṃ karma kathaṃ kuryuḥ | praṇato'smīti śeṣaḥ ||

5.25.14

evamevaṃ vacanamiti dviruktyā vikalpavākyaṃ na kuryāt ||

prāṇāniti | etat bhavatāṃ jayo'pi parājaya eveti dīnavacanam | ko vā kurūn jayeteti tīkṣṇavacanam | kathaṃ svasti syādityubhayanāśavacanaṃ ca sādhanārthaṃ sandhikāryasya siddhyarthaṃ bravīmi na tu yuṣmān bhīṣayāmītyarthaḥ ||

Linked texts (1)

Mahābhārata — Vyāsa, Sanskrit