Pramāṇa · Search · About · API

The Great Epic of the Bhārata dynasty 5.30

Bhāratabhāvadīpa 5.30

Language
Sanskrit

5.30.1

āmantraya iti | abhiṣaṅgāt āveśāt ||

5.30.5

upaśrutiṃ vārtāṃ rūkṣāṃ marmagāṃ ca no vaktā'si kaṭukāṃ nīrasāṃ muktām aprakṛtāṃ kāryahīnāṃ vā ||

5.30.7

caraṇaṃ brahmacaryeṇādhyayanam ||

5.30.10

aśrotriyāḥ atraivarṇikāḥ śudrādayaḥ vṛddhatvācca dharmamātrāṃ dhamaleśaṃ carantaḥ ||

5.30.11

ślāghasva stuhi pūrvaṃ jaghanyaṃ paścāttebhyasteṣāmanāmayaṃ pṛccheḥ | vyavahāreṇa vāṇijyādinā pālayantaḥ sthānādhikāriṇaḥ ||

5.30.12

catuṣpāt mantra upacāraḥ prayogaḥ saṃhāraśceti catvāraḥ pādā asyeti astram ||

5.30.13

gandharveti saundaryaṃ saṅgītaṃ ca tasmin dyotitam ||

5.30.23

pāṇḍavāyodhanāya pāṇḍavaiḥ saha yuddhāya tathā'vantyā ityapi pāṭhaḥ ||

5.30.27

vṛndārakaṃ śreṣṭham ||

5.30.28

nikartane'rthāpahāre sādhye | prathamāntapāṭhe'rthāpahartā | channopadho guptachalaḥ ||

5.30.30

muhyatāṃ dhārtarāṣṭrāṇām ||

5.30.34

na iti dhārtarāṣṭrān antarbhāvyoktaṃ teṣāṃ bhāryā ityarthaḥ | susaṅguptā iti kuśalapraśnaprakārakathanam ||

5.30.38

laghu śīghrahāri veśāstriyo veśyāḥ ||

5.30.40

ānṛśaṃsyaṃ dayāmarhatītyānṛśaṃsyaḥ ||

5.30.42

śatrūn dhārtarāṣṭrān nigṛhya vaḥ yuṣmān bhariṣye poṣayiṣye iti brūyā iti śeṣaḥ ||

5.30.43

santīti me mayā kṛtāni vatsaradeyāni no vartayanti na cālayanti tvadīyā adhikāriṇaḥ tānyahaṃ yathā yathāvatpaśyāmi tathaiva tān siddhiṃ tvaddattaṃ samyak paripālayāmīti dūtadvārā māṃ śrāvayethā iti taṃ nṛpaṃ duryodhanaṃ brūhīti śeṣaḥ | etena brāhmaṇavṛttiṣu pakṣapāto duryodhane ca kaniṣṭhatvādājñā pratipālanaucityaṃ ca darśitam ||

5.30.44

ātmanyeva prayatante na tu kartuṃ śaknuvanti ||

5.30.47

nahīti | dharmabalenaiva jayo bhaviṣyati na sahāyairityarthaḥ | nityaḥ avināśiphalaḥ ||

5.30.49

yuktiḥ sambhāvanā etasyārthasya na vidyate | śakrapurīmindraprastham ||

Linked texts (1)