The Great Epic of the Bhārata dynasty 6.11: Bhūmiparva
Bhāratabhāvadīpa 6.11
- Language
- Sanskrit
Bhūmiparva
6.11.1
jambūkhaṇḍa iti ||
6.11.4
grahaṃ rāhum ||
6.11.5
aṣṭādaśa sahastrāṇi ṣaṭ śatāni ca yojanāni viṣkambhaścaturdalakamalākārasya jambūdvīpasya patrāntaparidhiḥ tādṛśavistāra eva piṇḍapramāṇamantarbhāvya parvatākṛtitvājjambūparvata ityucyate ||
6.11.6
lāvaṇasyeti | kṣetraphalataḥ pañcasahasrāyāmatvājjambūdvīpasya tadubhayataḥ pañcapañcabhiḥ sahasraiḥ samudrasya viṣkambho vistāraḥ | tena sasamudrasya dvīpasya pañcadaśasahasrayojano vyāsaḥ | dviguṇaḥ daśasahasrayojanaḥ parimaṇḍalaścedubhayataḥ samudraveṣṭanena saha catvāriṃśatsahasraḥ | evaṃ tṛtīyo'śītisahasraḥ | caturthaḥ ṣaṣṭisahasrādhikaṃ lakṣam | pañcamo lakṣatrayaṃ viṃśatisahasrāṇi | ṣaṣṭho lakṣaṣaṭkaṃ catvāriṃśatsahasrāṇi | saptamo dvādaśalakṣāṇyaśītisahastrāṇi | eteṣāṃ saṅkalane pañcaviṃśatilakṣāṇi pañcatriṃśat sahastrāṇi yojanāni saptānāṃ dvīpānāṃ sasamudrāṇāṃ vistāraḥ ||
6.11.18
revatī jyotirmaṇḍalarūpeṇa divi vibhramyamāṇā'pi divyena rūpeṇātrāpi vartate evaṃ vidhirmaryādā pitāmahena kṛtā ||
6.11.22
patagavarṇaṃ vyācaṣṭe - tayoriti | miśro varṇaḥ pataga ityarthaḥ | 'kāraṇaguṇāḥ kāryaguṇānārabhante' iti nyāyena śyāmaparvatabhavaḥ śyāmavarṇaḥ śākādyannapariṇāmena manuṣyā api śyāmatvaṃ gatā ityarthaḥ | yasmāt śyāmo giristasmāttatsthānāṃ śyāmo varṇaḥ pravṛtta ityarthaḥ ||
Linked texts (1)
- Mahābhārata — Vyāsa, Sanskrit